يارب ماتكونوا نستوني بقي....وحشتوني جدا والله
اخبارك بنوتك ايه يافطومة؟؟؟
والبنتين المختفيين امولة ومصراوية هنخلص منهم امتي بقي؟؟؟يارب قريب
ودون بقي والله وحشتني جدا جدا جدا دايما بفتكر كلامك عن حوسة مابعد الجواز وبفتكر خفة دمك العسل
ووسومة حبيبتي وحشتيني اوي...انت بتفكري تسافري ولا ايه؟؟؟بصي انا هقولك حاجة...الغربة بجد صعبة مش سهلة ومش اي حد يتحملها السفر مع الزوج او الاهل بيهون كتير غير كدة كان زماني جالي اكتئاب مافيش اييي علاقات ولا زيارات ولا اصحاب
والله مافيش احلي من مصر في الدنيا صلي استخارة وبعدين اصبري شوية لحد ماربنا يبعتلك نصيبك وطيروا سوا بعد كدة ان شاءالله




انا كنت عاوزة اسالكم علي حاجة بقي انا بحاول القط حاجات البيبي كدة كل شوية فممكن حد يساعدني يقولي اجيب ايه انا ان شاءالله ولادتي في الصيف انا جبت كم حاجة قطن كدة كت ونصف كم اللي هما بيبقوا بكباسين من تحت اجيب هدوم تقيلة ولا خفيفة مش عارفة؟؟؟
ياريييييييت تساعدوني قولولي علي لستة بكل كل حاجة ضرورية عشان القط كل شوية اللي اقدر عليه من الببرونة لحد البطانية
عاوزة اسال سؤال مهم كمان هو بعد الولاد مابييجوا الحياه بتختلف اوي بين الزوج والزوجة؟؟؟؟كتير بخاف جوزي يبعد عني بحكم الاهتمام بالبيبي اكتر ودة غصب عني ازاي عرفتوا تتغلبوا علي الفترة الصعبة دي؟؟؟
وادعولنا ربنا يرزقنا برزق البيبي يارب يارب

خدوا اختبار الذكاء دة ظريف جدا.....
http://www.arabicnation.com/cgi-bin/quirex2/index.cgi?quiz=iq1

صباح الخير عليكم جميعا
نودى انتى فين طمنينا
وكمان اينا
كهرمانة حبيبتى ربنا يقومك بالسلامة يارب
بصى يا حبيبتى انا متهيالى فى الاول لازم السالوبيت الداخلى يكون بنص كم وهاتى منه 4 زكمان بيحتاجوا 4 جلاليب وبنطلونات تحتهم
متهيلى دول بيكونوا اول 3 شهور بعد كدة تقدرى تجيبى سالوبيتات البيت والخروج
اهم حاجة متكتريش لان البيبهات بتتغير حجمها بسرعة عشان كدة دايما حاولى تجيبى احجام مختلفة
كمان هتحتاجى ودة مهم جدا زنك لمنطقة البامبرز واحسن حاجة mother care
طبعا السفنجة والبيبى باث والشامبو من جونسون وكمان اللوشن او الاويل للترطيب
البيبى كوتون لتنضيف الانف
البانيو للحمام
شنطة لادواته كلها
الفرشاة للشعر والمقص للاظافر وعدد 2ببرونة فى الاول لغاية ما تعرفى هتمشى معاه ازاى فى الاكل وان شاء الله تكون الرضاعة الطبيبعية لانها اهم حاجة للبيبى
طبعا بشكير للحمام و 6 فوط صغيرة
طبعا فى حاجات تانية بس كله حسب الامكانيات وكمان حسب الاستعمال
زى الheater للبرونة وكمان جهاز تعقيم الببرونات
بس زى ما قلتلك حسب الاستعمال والامكانيات لانك لو رضعتى طبيعى استعمالك للبرونة ومستلزماتها هيكون قليل
دول اللى انا فاكراهم دلوقت واكيد كل البنات هترد وتقولك احسن منى كمان

ازيكم يا بنات
ازيك يا كهرمانة يا رب تكوني كويسة و تكون امورك اتظبتت شوية
شوفي يا ستي طالما هتولدي في الصيف فهتحتاجي فانلات نصف كم للبيت علشان التكييف و فانلات كت علشان الخروج لان الجو في الامارات نار انا عارفة و هاتي من كول نوع 6 احسن حاجة انا ارتحتلها الفانلات اللي بكاباسين من تحت
هدوم البيت خليها سالوبيتات تغطي الردل و اليد برده علشان التكييف بس تكون خفيفة و ممكن تجيبي كوفرته خفيفة للنوم او لو هتعلي التكييف خليها بطانية
لبس الخروج خليه خفيف على قد ما تقدري و خلي معاكي جليه او بلوفر خفيف علشان اذا دخلتم مكان مكيف
لبس البيت برده كفاية عليه 6 سالوبيت و لبس الخروج ممكن 3 اطقم بس لان الخروج مش بيكون كتير
و فيه طريقة اتعلمتها هنا علشان اعرف البيبي بردان و لا لا هما قالولي جسي رقبته مش ايده او رجله اذا الرقبة باردة يبقى البيبي بردان و اذا دافية يبقي الجو بالنسبة له كةيس اما اذا حسيتي انها سخنه يبقى هو حران فخففيله لبسه و بعدين خلي بالك لانها بتختلف من بيبي للتاني فيه اطفال بيبردوا بسرعة و فيا اطفال بيحسوا بالحر يعني حاولي ما تقيسيش على احساسك انت بالجو و انت هتعرفي ابنك نظامه ايه
و هاتي ترموتر لقياس درجة حرارة الماء علشان تقدري تحددي الدرجة المناسبة لحمامه
و باقي الحاجات زي ما سمسمة قالتلك و فعلا ما تكتريش لان البيبي بيكبر بسرعة
و اذا افتكرت حاجة تانية هبقى اقولك ان شاء الله

السلام عليكم و رحمة الله و بركاته

ازيكم كلكم يا حلوات؟؟ يا رب تكونوا جميعا بخير

طبعا انتهزتم فترة غيابي و شربتوا كل الشرب و أكلتم كل الاكل!!! اوكي اوكي بالهنا و الشفا بس مش ناسياها لكم!!!

امبارح كان فيه مظاهرة او نقدر نقول تجمع سلمي امام سفارة البرازيل (سوري الزهايمر اشتغل!!! أقصد سفارة الدنمارك!!!) و طبعا الحاسة الصحفية (اللي كانت في انفي لحد ما عاصفة التراب هاجت النهاردة و قفلته!!) خلتني نزلت جري اتفرج و اخد تعليقات الناس. المهم، النهاردة بقى مش عارفة اشم اي حاجة غير التراب و ربنا يسهل و الدنيا تمطر و تغسل المطر و تغسلنا معاه

معلومة اليوم:

كلمة ساندويتش sandwich اللي اضطرينا نعربها بكلمة "شطيرة" بمعني شاطر و مشطور و بينهما "الغموس" هي اصلا لا تعني اي شئ يمت للاكل بصلة لانها ببساطة اسم مقاطعة صغيرة في انجلترا و كان سيد هذه المقاطعة يطلق عليه Earl of Sandwich. الراجل ده بقى كان بيقضي كل وقته يلعب كوتشنية (مش كومي طبعا!!) و كان بيكسل يضيع وقت في انه يقوم للسفرة ياكل زي البني ادمين، فكان الحل اييييييييييه؟؟ ان الخدم يحشو له الاكل جوه الخبز، و لما حبوا يطلقوا اسم على الاكلة الغريبة دي (وقتهم كانت غريبة لان العيش المفروض بيوضع الى جانب الاكل مش الاكل جوه العيش، عيب عيب في الوقت ده تغيير اي طقس من طقوس الاكل الانجليزي!!)، المهم لما حبوا يلاقوا لها اسم قاموا سموها ساندويتش على لقب الراجل ال Earl ده، و بتوالي السنين دخلت اللغة الانجليزية على انها الشاطر و المشطور اللي بينهم الاكل، و احنا بعد عذاب سنين طلعنا لها تعريب الشطيرة!!! ملحوظة اخيرة: earl لقب انجليزي يشبه القاب الاقطاعيين الاخرى count- lord الخ الخ الخ

انا لقيتلك موضوع عن احتياجات الطفل يا كهرمانة في منتدى تاني و هانقلهولك دلوقت و يا رب ينفعك

قبل ما تـشـترى لطفلك المولود القادم.. دلــيــلك


إن التسوق لمولودك يعد من إحدى المتع التى تصاحب فترة الحمل والولادة. ولكن كم ستدهشين من كم الأشياء التى يحتاجها هذا الكائن الصغير

-- 10 - 12 فانلات داخلية و يفضل السالوبيتات القطعة الواحدة ويتوقف كون الأكمام قصيرة أو طويلة على الوقت الذى سيولد فيه مولودك
-- 7 أطقم أو أكثر للنوم (يستحسن سالوبيتات) يجب أن تغطى هذه الملابس القدمين فى فصل الشتاء، ولكن تكون مفتوحة من عند القدمين فى فصل الصيف.
-- بافتات على قد ما تقدرى
-- قبعة للصيف أو غطاء رأس صوف للشتاء
-- 3 شرابات
-- 2 جاكت صوف للشتاء
-- 3 أطقم خروج أو أكثر.
-- اشترى كمية من الحفاضات – مقاس الأطفال حديثى الولادة - لكن لا تشترى كمية كبيرة لأنك قد تجدين طفلك بعد فترة قصيرة يحتاج للمقاس الأكبر.

-- اختارى أنواع خفيفة يسهل لفها حول طفلك عند حمله
-- 1 - 2 كوفرتة
-- 1 بطانية
-- مشمع لحماية المرتبة من أى بلل.
-- بشكير للحمام( البشاكير ذات غطاء الرأس تكون مفيدة.)
-- 3 فوطة صغيرة أو أكثر( لتنظيف فم الطفل إذا خرج من فمه بعض اللبن )

مستلزمات نظافة الطفل

كحول لتنظيف سرة الطفل.
صابونة وشامبو (الأنواع الخاصة بالأطفال حديثى الولادة).
كريم للوقاية من الالتهابات الجلدية التى تنتج من استخدام الحفاضة.
قطن.
المناديل المبللة الخاصة بتنظيف قاعدة الطفل (يمكنك أخذها معك عند الخروج حتى لو كنت تفضلين استخدام القطن والماء عند التغيير لطفلك فى البيت )

كماليات:

-- إسفنجة للحمام.
-- فرشاة شعر ناعمة (خاصة بالأطفال حديثى الولادة).
-- قصافة أو مقص أظافر (خاص بالأطفال حديثى الولادة).
-- تتينة - إذا اخترت استخدامها.
-- مشمع لاستخدامه عند التغيير لطفلك.
-- ترمومت.
-- قطارة.
-- ناموسية؛ هذه الشبكة تحفظ مولودك من الناموس ومن أى حشرات أخرى. لا تضعى الناموسية قريبة من طفلك، فعندما يبدأ طفلك فى مد يديه أو تحريك قدميه لأعلى، قد يشدها إليه أو تقع عليه وقد تتسبب فى اختناقه.
-- ببرونات (لا تشترى ببرونات كثيرة حتى تعرفى إذا كان طفلك سيحتاج لاستخدامها أم لا)
-- فرشاة تنظيف الببرونات.
-- أدوات تعقيم الببرونات.

مشتريات كبيرة

-- سرير للطفل، أغلب الناس يفضلون اختيار سرير يصلح للطفل لأول عامين من عمره. عند شرائك للسرير ابحثى عن نوع له جوانب ويمكن رفع أو خفض ارتفاعه أو يمكن خفض أو رفع مرتبته لكى يلائم طفلك عندما يكبر.
-- عربة أطفال.
-- كرسى سيارة لطفلك، هذا الكرسى ضرورى لأمان طفلك فى السيارة
-- سرير محمول لطفلك (كارى كوت).
-- بانيو بلاستيك صغير.
-- كرسي للطفل، هذا الكرسي ضرورى لتستطيعى متابعة طفلك اثناء القيام باعمال المنزل

مشتريات اختيارية

-- جهاز الاستماع عن بعد (مونيتر).
-- منضدة تغيير.
-- الحمالة التى ترتديها الأم لحمل الطفل.
-- لعبة موسيقية من النوع الذى يتم تعليقه على السرير لتسلية الطفل وتحفيز حواسه.
-- لعب؛ لن يحتاج مولودك الصغير للكثير من اللعب لكن لعبة طرية أو شخشيخة قد تبعث على تسلية وإسعاد الطفل حتى فى الأسابيع الأولى من عمره

تحضير شنطة المستشفى

القائمة الآتية تحتوى على الأشياء الضرورية (وبعض الأشياء الإضافية) لكى تكون إقامتك فى المستشفى مريحة.
-- حلوى صلبة لمصها لتعطيك طاقة.
-- مشروبات – ينصح بعصير البرتقال أو عصير الليمون.
-- زبدة كاكاو لأن الشفتين تكونان جافتين خلال فترة الولادة.
-- زجاجة بلاستيك برشاش مليئة بالماء لترطيب وجهك.
-- مروحة يد (إذا كنت فى الصيف).
-- فوطة صغيرة للوجه.
-- لوشن، يمكن لزوجك تدليكك به ليساعدك على الشعور بالراحة.
-- جورب وجاكت لأن بعض السيدات تشعرن بالبرد أثناء فترة المخاض.
-- جهاز كاسيت وشرائط قرآن لتساعدك على الاسترخاء والإحساس بالهدوء والسكينة.
-- نقطة تركيز (شئ من بيتك لتركزى عليه أثناء المخاض مثل صورة).
-- ساعة ذات عقرب للثوان ونوتة صغير وقلم لحساب الوقت بين التقلصات.

للأم
-- ملابس للنوم (يستحسن الأنواع المفتوحة من الأمام لأنها عملية أكثر أثناء الرضاعة الطبيعية).
-- شبشب وروب
-- ستيانات خاصة بالرضاعة والملابس الداخلية الأخرى.
-- فوط صحية (النوع الخاص بتدفق الدم الكثيف)، مناديل ورقية، قطن طبى.
-- فرشاة أسنان ومعجون أسنان
-- فوطة وصابونة
-- رباط أو بنس للشعر
-- فرشاة شعر ومرآة يد
-- أدوات تجميل (بما فى ذلك ماكياج وبرفان لتحسين حالتك النفسية).
-- كتب (قد ترغبين فى أخذ بعض الكتب الخاصة برعاية الأطفال).
-- بعض الأطعمة والمشروبات التى تساعد على عدم الإصابة بالإمساك، مثل القراصية ومشروبات الأعشاب.
-- ملابس لارتدائها عند العودة إلى البيت (من ملابس الحمل التى استخدمتيها منذ بضع شهور، لأن بطنك ستكون لازالت كبيرة إلى حد ما).
-- كاميرا وفيلم كاميرا (للصور الأولى).

للطفل
-- بعض الملابس والفانلات
-- برنيطة لرأس الطفل
-- حفاظات
-- شرابات
-- عدد من اللفف للف الطفل
-- بودرة، لوشن، وصابونة (كلها من الأنواع الخاصة بالأطفال).
-- شنطة إضافية لحمل هدايا الطفل عند العودة إلى البيت!

ونتمنى لكل الحوامل ولادة ميسرة وطفل سليم معافى بإذن الله


منقول