فكرتيني والله يا كات انا رايحة فعى اليوم ان شاء الله هاكون هناك على الساعة 1 تقريبا حد عاوز حاجة من هناك؟

السلام عليكم و رحمة الله و بركاته

ازيكم يا كل حبيباتي؟؟ عاملين ايه؟؟

معلش و الله انا عارفة اني وحشة و مقصرة معاكم و مش قادرة اتابع كلامكم و لا ارد عليكم و اشارك معاكم زي الاول، بس و الله مش عارفة مالي. نفسيتي وحشة اوي اليومين دول و حالتي متقلبة بشكل فظيع، يعني في اليوم الواحد تلاقوني متفائلة اوي و كويسة و باهزر، و فجأة و بدون سابق انذار انقلب و اكتئب و احس ان جسمي كله مهدود و يركبني الهم، مش عارفة يظهر دي تباشير الربيع و اكتئابه معايا و الا ايه بس. ربنا يزيح عنا جميعا كل كآبة و هم

سلامي لكم جميعا واحدة واحدة بدون أي اسماء و محدش يزعل مني لو قصرت في حاجة

سلامتك يا أمل من الاكتئاب انتي عكسي خالص الحالة دي بتجيلي في الشتا وتروح في الربيع

ازيك يا نوودى والف سلامه عليكى من الاكتئاب
ياريت يام ابيها تقولى اه الاخبار هناك
علشان انا هروح بكره ان شاء الله
ازيك يا مروه اه اخبارك

السلام عليكم
ازيكم جميعاا
اتمنى تكونى بافضل حال باذن الله
يا جماعه المعرض ده فرصه هايله للى بيجهزوا باذن الله
لانى ممكن يجيبوا منه حاجات باسعار هايله جدااا ان شاء الله
وخصوصا السجاد من النساجون الاسعار بتكون رخيصه
لكن فى الدرجه الاولى والتانيه والتالته كمان
والفرق فى الدرجات بتبقى ديفوهات بسيطه لا ترى بس بتنزل سعر السجاده للنصف
وادوات المطبخ هناك فرصه هايله ليها
ويا ريت تعدو على الخيم بتاعه السوريين والصينيين
المفارش هناك رهيبه وحلوه ما شاء الله
والانجرى عند الصينين حلو وسعره رخيص جدااا والوانه جديده والخامات احلى من الواحد معتاد عليها
بس خلو عندكم نفس فى الفصال
كل حاجه فاصلوا فيها
وكمان جولدى بتنزل تخفيضات على منتجاتها من الاجهزه الكهربيه وبتكون عليها هدايا كمان
اعتقد ان المعرض فرصه رائعه ما شاء الله لكل اخت مقبله على الزواج
حبيت انصحكم
واسال الله تبارك وتعالى ان ييسر لكل اخت لم ترز باازوج الصالح ان ربها يهبها الزوج الصالح
وكل اخت مقبله على الزواج ان ربنا ييسر ليها ويرزقها هيه وزوجه الرزق الواسع من حيث لا يحتسبون
ويبارك ليهم وييسر ليهم امرهم ويتم جمعهم على خير باذن الله
واسال الله ييسر لكل التزوجات فى حالهم ويرزقنا واياكم الرزق الواسع ويبارك لنا فيه وييسرنا الى خير ما يحبه لنا ويرضى به عنا
ويرزق كل اللى تتمنى الذريه بالذريه الصالحه
ويكرم كل الامهات فى ابنائهم وبناتهم ويجعلهم باريين بهم وصالحين نافعين باذن الله
اترككم فى حفظ الله وامنه
والسلام عليكم