ازيكم ازيكم وانا جاية اصبح عندكم

صباح الفل يا بنات

انا قريت حكاية الدعوة بفرخة قلت ما بدهاش بادعليك من جوا قلبي جوا قلبي يا اينا

تعرفي يا منى انا مش حابة الفراخ المجمدة خالص خصوصا انها بيضة ومش بلدي وبعدين حكاية المجمد دي ما تنفعش في مصر الناس اصلها هنا بتستنصح وتديها فهلوة والله اعلم الفراخ دي حالتها كانت ايه قبل الدبح

السلام عليكم
ازيكوا يا قمرات عاملين ايه كلكوا
انا جاية اصبح عالسريع وامشى عشان ورايا كوم شغل
باقولكوا ايه متعدوش ترغوا وعلى بال ماجى يوم الاحد الاقى 50 صفحة اقعد فيهم اسبوع عشان اوصلكوا
اينا ربنا معاكىى النهاردة ان شاء الله انا كمان عايزة فرخة

لا يا دون بلاش شباشب متنازلة عن الفراخ بتاعتى

السلام عليكم و رحمة الله و بركاته

ازيكم يا قمرات؟؟؟ انا كمان جاية اصبح في السريع السريع!!!

منى، و ايمان حبايب قلبي، جزانا و اياكم صالح الاعمال و ربنا يتقبل منا الدعاء

ام يوسف و لولو الامورة و دندونة و رووني و لؤلؤة و شيري و سمسم و ام ابيها و سندريلا و اينا و ميرو و كلكم كلكم ازيكم يا حلوات و شكرا على نصايحكم عشان ضهري و انا حطيت امبارح جل ريباريل و جل رومارين و الالم أخف الحمد لله بس لسه موجود، لكن احسن كتير، حاحاول امشي على الجل كام يوم لحد ما الالم يروح ان شاء الله

مروة كووووووووووووووووين، انا سبتك في الاخر عشان اشد ودانك براحتي!!! يا بنتي و الله سألت عليكي حتى بالامارة سألتك على ميعاد العملية عشان نطمن عليكي، شفتي بقى!!!

سندريلا، الف سلامة عليكي و ترجعيلنا بألف سلامة يا ماما

شيري يا قمر، بالنسبة للساندويتشات ممكن تعملي شاورمة زي ما منى قالت او تجيبي فرانكفورتر و تحطيه مع مايونيز و كاتشب، او تعملي زي كلوب ساندويتش و تجيبي جبنة سلايس و خس و لانشون و طماطم و تعمليها، و على فكرة الجبنة المدختة بتبقى تحفة في الساندويتشات دي. و طبعا دندون مش حتتأخر في التفاصيل

سلام سريع عشان الشغل

صباح الخير عليكم..
انا بأه مش بصبح على السريع .. انا قاعده ومستقره وحشرب الشاى بتاعى على راحتى .. منمن ونودى انا مش بعرف اعمل الشاورمه !! انا فكرت فى لحمة باردة واحط معاها فعلا جبنه سلايس ومايونيز وحاجات كده.. بس قولوا لى افكاركم بردوا وازاى بيتعمل الكلوب ساندويتش ده يا نودى .
مروه كوين انتى كنتى فعلا قلتى ان عمليتك اول ابريل تقريبا 2 مش كده ؟ طمنينا عليكى يا جميل
وسندريلا الف سلامه عليكى يا قمر وترجعى لنا بالسلامه ان شاء الله.
وكللللللللل البنات بصبح عليكم وبوسه كبيييييييييرة

لااااااااااااااااااا يا شيري!!!! مش ممكن!!!! طيب تعرفي تمشي من المضيفة فورا قبل ما دون تيجي تقلبها على دماغي و دماغك!!!!! مش بتعرفي تعملي شاورمة؟؟ طيب قوليها عالخاص مش عالعام، دي دون خلصت 10 اجزاء تعليم فينا و انتي جاية تقولي مبعرفش؟؟؟ (أنا باهدي النفوس خالص مالص!!)

شوفي يا ستي الكلوب ساندويتش سهل، تجيبي التوست و ترصي اول طبقة تحت و تمسحيها مايونيز و تحطي عليه شريحة لانشون لحمة او فراخ او روست بيف او رومي او اي حاجة تحبيها و عليها شريحة طماطم رفيعة خااااالص و بعدين طبقة توست و تمسحيها تاني و بعدين عليها شريحة جبنة مدخن و خس مقطع رفيع اوي و بعدين شريحة توست و تكرري الفيلم و بعدين تغطي بالشريحة الاخيرة، يعني حوالي خمس طبقات (و ممكن تعمليها 3 طبقات بس زي ما تحبي) و تضغطيها كويس عشان ما يفكش الساندويتش و بعدين تقطعيه على شكل مثلثين، يعني تقطعيه بورب و بعدين تغلفي كل واحد بالبلاستيك بتاع المطبخ (ناسية اسمه دلوقت!) لو رايحة رحلة مثلا او حيكون زي picnic كده و خلاص كده، و ممكن تقفليه بخلة أسنان و فيها زيتونة سوداء من فوق لو حتقدميه في اطباق في ساعتها على طول. بس ده اللي انا باعمله. اما طريقتي في الشاورمة حابعتهالك عالخاص عشان منستفزش دون احسن انا مش ناقصة يجيني شبشب طاير الله يكرمك!!!