اخواتى المصريات ازيكم انا عجبانى اوى فكرة المضيفة
عندى طلبين بس ياريت تردوا على بسرعة
الاول انا محجبة و عاوزة اصبغ شعرى و اعمل هاى لايت و انا و الحمد لله استاذة فى موضوع الصبغات علشان كده عاوزة كوافيرة تكون كويسة يعنى مش اى كلام و تكون قريبة منى انا ساكنة فى الهرم يعنى تكون فى المهندسين - العجوزة - الهرم -الدقى اى مكان قريب منى لانى مش عاوزة اروح مصرالجديدة لمسيو عبده حسب ما سمعت بيصبغوا حلو للمحجبات
و ياريت لو تقولوا لى السعر كام ؟

تانى حاجة قرات عدة فتاوى انه عمل الحواجب حرام حرام و لا حتى نشيل و لا شعرة و انا ما كنتش فاهمة كده الاول كان فيه ناس بيقولوا ممكن تهذيبها بسيط يعنى المهم مين تعرف حاجة تشقر الحواجب و ما تعملش ضرر لانى جلدى حساس جدا و لما كنت احيانا اشقرهم بالصبغة عينى بتوجعنى جدا فكنت بترعب لحسن اتعمى و العياذ بالله
مين يقدر يدلنى
و جزاكم الله كل خير

ردوا بسرعة يا بنات ربنا يكرمكم

ام يوسف ازيك يا حبيبتى
بصى انا مقدرة غيرتك على دينك ورغبتك فى الاخد بيدها ودى حاجة رائعة انك تنويها لربنا بس فعلا اختلاطك بيها ممكن يكون له اثر سيئ عليكى يعنى انتى عارفة ان المرء على دين خليله فالدين الاقوى فيكم هو اللى حيفرض نفسه اقصد العادات الاقوى والشخصية الاقوى وكده يعنى حقوللك حاجة انا لما بخرج مع صديقتى مثلا ولانى اخترتها صديقتى فانا مبجسش بغربة ابدا من اى تصرف تعمله بالعكس احنا بنتصرف زى بعض وبنختار زى بعض تقريبا يعنى مفيش واحدة فينا بتتصرف تصرف خارج محيط الاخرى
فانتى بتقولى انها مش مهتمة بالدين يعنى هى تصرفاتها اساسا مش based على الدين يعنى ممكن تكون لابسة زى الاجانب مثلا او بتروح بسين وبتنزل بمايوه او بتدخن او بتضحك بشكل ملفت يعنى عاداتها المرتكزة على الجزء الاجنبى فيها اكيد مش حتكونى منسجمة معاها
يبقى الجزء بتاع الصداقة ناقصة جزء كبير بينكم وهو التوافق يا ام يوسف والا تتجنبى تتكلمى فى الدين معاها زى ما بنعمل مع اى جار او حد نصرانى وده انتى مش حتعرفى تعمليه لانها مش جارة او معرفة وحتسيبيها انتى بتقولى صديقة يعنى بتقابليها كتير فعنصر التواق الاخلاقى والدينى بينكم مش مكتمل
بالنسبة بقى لجزئية الدين ورغبتك فى الاخذ بايدها فانا مش قادرة اقوللك لا قلبى مش مطاوعنى
هل انتى هنا عندك مكان بتحضرى فيه دروس دينية مثلا فمن الممكن تاخديها معاكى هى وبنتها وبكده خروجاتكم تبقى محصورة فى المشوار ده ولما ربنا يشرح صدرها وتلتزم ابقى قربى زى مانتى عاوزة اما لو مكانش فيه مكان للدروس فممكن تحاولى تساعديها دينيا ولكن متقويش علاقتك بيها يعنى تبقى علاقتك بيها هدفها انها تلتزم هى وبنتها وبس يعنى متخرجوش 4 fun مع بعض لان اللهو والترويح عن النفس فى عرفك اكيد حيكون غير عرفها هى
معلش طولت عليكى بس انا فاكرة جملة بتقول ( ان من ترك لله شيئا عوضه الله خيرا عنه )
يعنى لو انتى بترتاحيلها او هى بتهون عليكى غربتك فعلا ولقيتى ان ده حيزعل ربنا وانها ممكن تجرك للبعد عن ربنا وتركتيها لله فربنا باذنه ورحمته حيعوضك عنها خير ان شاء الله
مش عارفة كده انا طولت عليكى ووصلتلك وجهة نظرى واللا لا
اقوللك باختصار حاولى تركزى معاها فى نقطة الدين دى فان شرح الله صدرها اقتربى اكثر واستمرى فى علاقتك بها وان اصرت على انه لا فاقصرى علاقتك بيها على كونها واحدة اجنبيه من اولياء الامور وبس وربنا يلهمك الصواب

الهدى والنور مقدرش افيدك بموضوع الصبغات بس بالنسبه للحواجب هل جربي تسيبيهم متعمليش فيهم حاجه وتشوفي شكلك بعد فتره هايبقى عامل ازاي؟
علشان انا عملت كده ودلوقتي بقالي 5 سنسن مش عاملاهم وحسه ان شكلي كده احسن بكتير والحمد لله

omyoussef
انا ابنى برضه اسمه يوسف ششكرا لردك على بس المشكلة انى حواجبى تقيلة و غامقة مع ان شعرى فاتح ؟و مش عارفه اعمل ايه

السلام عليكم
الهدى والنور اهلا بيكى اختى
انا مع ام يوسف فى كلامها
ممكن بس تتقبلى كلامى بصدر رحب
ازاىالواحده ترضى انها تقع عليها لعنه من ربها فى سبيل انها تساوى حواجبها او يجملها
واللعن هو الطرد من رحمة الرحمن الرحيم والعياذ بالله

وده مصداقاا لقول الرسول صلوات الله عليه وتسليمه لعن الله النامصه والمتنمصه الى اخر الحديث
يا اختى الحبيبه
من ترك امراا من امرو الدنيا ابتغاء مرضاه الله تبارك وتعالى عوضه الله عنه الخير
ازاى
يا ستى انا زمان وانا بنت قبل الزواج مع ان منظرهم كان تقيل وكثيف وشكل لا يمكن تتخيليه
عملت حواجبى دى مرتين مره يوم خطوبتى ومره يوم زواجى اسال الله ان يغفر لى ويرحمنى
بعد الزواج زوجى قالى الحديث وقالى اللهم بلغت اللهم فاشهد
فقلت سبحان الله يعنى انا لا اتحمل انى اسيبهم كده واتحمل انى اطرد من رحمه ربى والعياذ بالله
فتوكلت على الله ولم افعل شيء فيهم ابداا وقولت ربى سيعوضنى خير لانى ابتغيت مرضاته
تتوقعى بعد سنتين بس ايه اللى حصل
سبحان الله الحواجب ارتسمت لوحدها لدرجه ان الشعيرات الصغيره التى تحيط بالحاجب تطايرت واصبحت سبحان الله جمالها جمال ربانى وقتها حمدت ربنا انه هدانى لهذا
جربى حبيبتى
فالاول هتضيقى شويه من الشكل ولكن رغبتك من الداخل فى انك ترضى ربنا هتشيل الاحساس ده من جواكى نهائى ومع الوقت هتتناسيهم تماما لغايه ما تفاجئى انتى بشكلهم
اسال الله اكون نفعتك بكلامى عن تجربتى واسال الله ييسر ليكى كل الخير
ويحفظ لك يوسف ويجعله من الصالحين