Noody30 :

شكرا يا هوبا، رأيك يهمني و وصلني يا حبي، ربنا ما يحرمني منك و سلامة قلبك من التعوير يا جميلة، الحمد لله على كل حال و ربنا يخلي بابا و نعدي كلنا المرحلة الحرجة دي من غير مشاكل بس تعالي هنا!!! يعني ايه؟؟ خلاص مفيش شاي و لا شجرة نعناع؟؟!!! طيب خلاص قفلنا المضيفة و رشينا ادامها مية، اجري روحي على بيتكم!!! بناااااااااااااااااات، لوريال كمان مقاطعة عشان بتدعم حكومة اسرائيل و المستوطنات!!!! بجد الواحد مش عارف مين مش بيدعم اسرائيل!!! كده حنقاطع كل اوروبا اكيد، يبقى مفيش غير ان العرب يصحوا و يخلو فيه اكتفاء ذاتي بمنتجات عربية بدل من المستورد اللي ربحه كله بيصب في جيب اسرائيل!! تفتكروا حيحصل؟!

شكرا يا هوبا، رأيك يهمني و وصلني يا حبي، ربنا ما يحرمني منك و سلامة قلبك من التعوير يا جميلة،...

miro :

صباح الخير اخيرا صحيت من الغيبوبة عمالة اقول البنات راحوا فين محدش بقى بيكتب ليه والله كنتوا واحشني اوي وحاسة ان في حاجة كبيرة نقصاني يلا المهم اني لقيتكم تاني وراكوا وراكوا اصلي لازقة انا يا بنات عندي مشكلة فظيعة حاسة اني فاشلة مش ملاحقة اعمل اللي انا عايزاه في البيت ومقصرة يدوب بعمل اللي لازم يتعمل اه صحيح محدش حاسس ان في حاجة ناقصة لكن انا حاسة كل واحدة ادرى ببتها يمكن ناقصة وجودي فيه تاني حاجة مقصرة في حق نفسي مفيش وقت ولا نفس اهتم بنفسي. نفسي احط كريم في اديا حتى مبلحقش شغلي بقى خلاص جاب اخري لا انا عارفة اكون مركزة فيه ولا عارفة اسيبة جوزي حدث ولا حرج انا بحط نفسي مكانه بلاقي اني عايش مع واحده كئيبة ومورهاش غير انها تشتكي وتعبانة علطوول بنتي بقى مش هتكلم عنها عشان منفجرش مقصرة في حقها من هنا للصبح فاضل ايه فاضل ايه اه العلاقات الاجتماعية بقت تقريبا منعدمة بكلم ماما واختي بالعافية طيب هتقولوا امال مشغولة في ايه هقولكوا معرفش انا بصحي جري على تحضير الاكل والسندوتشات وبعدين جري على الشغل وهدة حيل طول النهار ومنه الي البيت جري عشان الحق اخلص الاكل وفي الغالب بعمل اس حاجة سريعة وبعدين ااكل شوشو واجري وراها لغاية ما تنام وانا اسقط جثة هامدة يعني يومي مفيهوش انجاز انا بجد فاشلة على راي جوزي ما كل الستات بتشتغل ليه انا عاملة ازمة

صباح الخير اخيرا صحيت من الغيبوبة عمالة اقول البنات راحوا فين محدش بقى بيكتب ليه والله كنتوا...