السلام عليكم
ازيكم كلكم وعاملين ايه
نودى منورة يا قلبى
مسلمة حبيبتى لا لسه والله دون اساسا زى حالاتى لسه مستنية اللى يبعتلنا احنا الاتنين بس لللامانة كل ما تطلب بتطلب بالاتنين علشانها وعلشانى مهى العشرة برده متهونش
بصوا بقى انا متضايقة اوى :( :( :( :(
النهاردة كان اول يوم لهنا فى البلاى سكول
فى الحضانة
وكانت تقريبا مأساة
انا بقالى بمهد لها من فترة واخدتها معايا لما رحت سالتلها فى الحضانة واكتر من حضانة لحد ما قررت الاحسن
وكمان وديتها حضانة تانية كانت معانا صاحبتى وكانت بتاخد ابنها وشافت اللعب وفهمت انه مكان جميل وفيه جاردن ولعب وبسين وتحفة
وامبارح قلتلها حوديكى بكره وكانت مبسوطة اوى
النهاردة وديتها وكانت مبسوطة اوى لكن لما دخلت وحست ان فيه خيانة وانى حمشى بدات تغلس وتقوللى معاكى
قلتلها انى حروح اجيبلها شوكليت وانها حتقعد مع اصحابها البيبيز دول ومع الميس الحلوة دى والنانى الطيبة دى قالتلى اوكى وسيبتها
مشيت
بعد حوالى نص ساعة كلمونى وقالولى تعالى علشان هى بتعيط ومش عاوزة تسكت خالص وقالولى اول كام يوم كده عادى وحتتعود رجعت الحضانة لقيت الميس مقعداها جنب الشباك وبتشربها العصير بتاعها وقالتلى انها هديت لما جت جنب الشبالك وقالتلى خلاص روحيها النهاردة وبكره نزود الوقت ومن الافضل تروح وهى ساكتة علشان متاخدش ذكريات وحشة عن المكان وعطيتها بالونة وروحنا
ايه رايكم
عاوزة بقى خبرتكم
انا عارفة انها من يوم ما اتولدت مانفصلتش عنى ده حتى انا عاوزة اللى يعالجنى من انفصالى عنها المهم ربنا يهدى
تفتكروا انتم كلكم يعنى اللى مروا بتجارب زى دى ايه رايكم واللى ممروش وعندهم ثقافة عامة وخبرة ايه رايكم
انا مخنوقة وخايفة تعمل كده بكره برضه :(
نوودي ربنا يكرمك ويباركلك ان شاء الله
كوين ربنا معاكي ويشفيكي ان شاء الله
منى هيه هنا عندها كام سنه؟؟؟؟؟؟؟؟؟؟؟؟
بصي انا هاقولك اللي حصل معايا انا ويوسف بس طبعا مش كل طفل زي التاني
انا الناس قعدت تزن في ودنى وديه حضانه انتي مقعداه في البيت معاكي ليه وديه الحضانه وانا اقولهم لا مش هاوديه مكنش بيبعد عني ولا حتى كان بيبات مع مامتى مثلا مع ان بيتها كان جنبي
المهم الزن فضل شغال على موضوع الحضانه ده ويقولولي هايقرفك لما يروح المدرسه خليه يتعود وكده وانا مصره على رايي
عايزه تعرفي ايه اللي حصل في الاخر
اللي حصل ان يوسف بالطريقه دي قعد معايا وفي حضني 4 سنين فبالتالي كان ابتدى يزهق وعايز يغير ولما وديته المدرسه اول يوم كان سهل جدا جدا جدا وهوه الوحيد الي مكنش بيعيط مع الولاد التانيين بيالعكس اتبسط من المدرسه وقعد يلعب وبالعكس كمان ده انا لاقيت عيال عماله تعيط ومبهدلين مامتهم ولما سالت انتو كنتو بتودوهم حضانه قالولي اه كانوا بيروحوا ودي مش اول مره يسيبوهم ومع ذلك نزلوا عياط
فالحمد لله ان كلامي في الاخر طلع صح واني مش وديته حضانه ولا بتاع ومتعبنيش خالص في دخوله المدرسه الحمد لله بالعكس كان بيقولي يلا امشي باه ياماما انا كويس كان بيقولي اقعدي استنيني بره في العربيه
فانتي احسبي الموضوع من الاول انتي ليه عايزه تودي هنا الحضانه وهيه عندها كام سنه كمان؟ وهاتكسب ايه من الحضانه وهاتخسر ايه لو مراحيتش
ومتستعجليش على الوقت اللي عايزه تبقى فيه لوحدك انا شخصيا كنت باقول لما يوسف يروح المدرسه هاعمل وهاعمل وبس في الاخر مكنتش باعمل حاجه لاني كنت بحس ان فيه حاجه غلط في البيت وانا قاعده لوحدي
وفي الاخر ربنا يهديكي للي فيه الخير ليكي ولهنا ان شاء الله
كوين ربنا معاكي ويشفيكي ان شاء الله
منى هيه هنا عندها كام سنه؟؟؟؟؟؟؟؟؟؟؟؟
بصي انا هاقولك اللي حصل معايا انا ويوسف بس طبعا مش كل طفل زي التاني
انا الناس قعدت تزن في ودنى وديه حضانه انتي مقعداه في البيت معاكي ليه وديه الحضانه وانا اقولهم لا مش هاوديه مكنش بيبعد عني ولا حتى كان بيبات مع مامتى مثلا مع ان بيتها كان جنبي
المهم الزن فضل شغال على موضوع الحضانه ده ويقولولي هايقرفك لما يروح المدرسه خليه يتعود وكده وانا مصره على رايي
عايزه تعرفي ايه اللي حصل في الاخر
اللي حصل ان يوسف بالطريقه دي قعد معايا وفي حضني 4 سنين فبالتالي كان ابتدى يزهق وعايز يغير ولما وديته المدرسه اول يوم كان سهل جدا جدا جدا وهوه الوحيد الي مكنش بيعيط مع الولاد التانيين بيالعكس اتبسط من المدرسه وقعد يلعب وبالعكس كمان ده انا لاقيت عيال عماله تعيط ومبهدلين مامتهم ولما سالت انتو كنتو بتودوهم حضانه قالولي اه كانوا بيروحوا ودي مش اول مره يسيبوهم ومع ذلك نزلوا عياط
فالحمد لله ان كلامي في الاخر طلع صح واني مش وديته حضانه ولا بتاع ومتعبنيش خالص في دخوله المدرسه الحمد لله بالعكس كان بيقولي يلا امشي باه ياماما انا كويس كان بيقولي اقعدي استنيني بره في العربيه
فانتي احسبي الموضوع من الاول انتي ليه عايزه تودي هنا الحضانه وهيه عندها كام سنه كمان؟ وهاتكسب ايه من الحضانه وهاتخسر ايه لو مراحيتش
ومتستعجليش على الوقت اللي عايزه تبقى فيه لوحدك انا شخصيا كنت باقول لما يوسف يروح المدرسه هاعمل وهاعمل وبس في الاخر مكنتش باعمل حاجه لاني كنت بحس ان فيه حاجه غلط في البيت وانا قاعده لوحدي
وفي الاخر ربنا يهديكي للي فيه الخير ليكي ولهنا ان شاء الله
ام يوسف حبيبتى اشكرك يا حبى على ردك وتفاعلك معايا
شوفى يا ستى هنا عندها سنتين ونص
بالنسبة للحسابات اللى قلتيلى احسبها فحقوللك
انا عاوزة ادويها الحضانة ليه اقوللك
لاسباب كتيرة
اولا دلوقتى سن البلاى سكول بقى 2.5 علشان الكى جى بقى من 3.5 ل 5.5 ومعظم المدارس بقت فيها بلاى وبيدخلوا فى السن ده
ولو مدخلتهاش وجيت اقدم لها سن 3.5 يقولوا انهم بيقبلوا بس الاطفال اللى من البلاى بتاع المدرسة يعنى سن البلاى سكول رسمى بقى 2.5.
دى حاجة
الحاجة التانية انها بقت مبتطتفيش باللعب ابدا مهما خرجتها ودايما عاوزة اكتر وقريت انها كطفلة عندها طاقة ولازم تحرجها وتوظفها فى لعب وتعلم كما ن وانا مبقدرش اخرجها كل يوم كل واحد وله ظروفه وانا ممكن اكون يوم تعبانة او الجو وحش او اى حاجة فكونها اغلب الوقت بتبقى فى البيت فده بحسه بيكبتها وكل طفل حالة مستقلة بطبعه طبعا
ده غير انى شفت اولاد صاحباتى اللى بيروحوا بلاى واللى مش بيروحوا وماشاء الله شفت الى بيروحوا بيتغلبوا على اى صعوبة فى التكيف وماشاء الله الولاد متعلمين احاديث وحاجات جميلة نفسى تتعلمها هنا زيهم وبس ده سبب انى وديتها وملوش اى علاقة بانى اخلص منها بالعربى لانها كل اللى حتروحه فى الفترة دى ساعتين بالكتير لحد ما تتكيف وتتعلم حاجات جميلة وتستفيد لحد ما استقر على المدرسة اللى حقدملها فيها وساعتها حيبقى خلاص
كمان انا من يوم ما ولدتها وانا اجازة من شغلى ومتفرغالها تماما ومخرجتش من حضنى يعنى انا مش حاسة انى ببعدها عن حضنى بالعكس ك لالناس بيقولولى هى مش مرتبطة بحد غيرك ابدا كده ليه ومتهيالى ده السبب فى اللى عملته النهاردة
والله انا اتصدمت لما عرفت ان التقديم للمدارس بقى من سن سنتين ونص كنت فاكرة انى حستنى لسن 4.5 وكده زى قبل كده انما خلاص هما الظاهر بيصعبوها مش بيسهلوها علينا والحمد لله على كل شيء
شكرا يا ام يوسف على مشاركتى خبرتك فى الموضوع ده يا حبى
شوفى يا ستى هنا عندها سنتين ونص
بالنسبة للحسابات اللى قلتيلى احسبها فحقوللك
انا عاوزة ادويها الحضانة ليه اقوللك
لاسباب كتيرة
اولا دلوقتى سن البلاى سكول بقى 2.5 علشان الكى جى بقى من 3.5 ل 5.5 ومعظم المدارس بقت فيها بلاى وبيدخلوا فى السن ده
ولو مدخلتهاش وجيت اقدم لها سن 3.5 يقولوا انهم بيقبلوا بس الاطفال اللى من البلاى بتاع المدرسة يعنى سن البلاى سكول رسمى بقى 2.5.
دى حاجة
الحاجة التانية انها بقت مبتطتفيش باللعب ابدا مهما خرجتها ودايما عاوزة اكتر وقريت انها كطفلة عندها طاقة ولازم تحرجها وتوظفها فى لعب وتعلم كما ن وانا مبقدرش اخرجها كل يوم كل واحد وله ظروفه وانا ممكن اكون يوم تعبانة او الجو وحش او اى حاجة فكونها اغلب الوقت بتبقى فى البيت فده بحسه بيكبتها وكل طفل حالة مستقلة بطبعه طبعا
ده غير انى شفت اولاد صاحباتى اللى بيروحوا بلاى واللى مش بيروحوا وماشاء الله شفت الى بيروحوا بيتغلبوا على اى صعوبة فى التكيف وماشاء الله الولاد متعلمين احاديث وحاجات جميلة نفسى تتعلمها هنا زيهم وبس ده سبب انى وديتها وملوش اى علاقة بانى اخلص منها بالعربى لانها كل اللى حتروحه فى الفترة دى ساعتين بالكتير لحد ما تتكيف وتتعلم حاجات جميلة وتستفيد لحد ما استقر على المدرسة اللى حقدملها فيها وساعتها حيبقى خلاص
كمان انا من يوم ما ولدتها وانا اجازة من شغلى ومتفرغالها تماما ومخرجتش من حضنى يعنى انا مش حاسة انى ببعدها عن حضنى بالعكس ك لالناس بيقولولى هى مش مرتبطة بحد غيرك ابدا كده ليه ومتهيالى ده السبب فى اللى عملته النهاردة
والله انا اتصدمت لما عرفت ان التقديم للمدارس بقى من سن سنتين ونص كنت فاكرة انى حستنى لسن 4.5 وكده زى قبل كده انما خلاص هما الظاهر بيصعبوها مش بيسهلوها علينا والحمد لله على كل شيء
شكرا يا ام يوسف على مشاركتى خبرتك فى الموضوع ده يا حبى
ايوه يا منى بخصوص المدارس يوسف دخل اولى حضانه في مصر وهوه عنده 4 سنين وهنا لسه صغيره سنتين ونص ده يعني لسه وكمان كانت الدكتوره بتاعة يوسف بتقولي لو عايزه توديه الحضانه لازم يكون بيعرف يحكي كويس اوي اوي علشان اذا حصل حاجه في الحضانه يعرف يحكيهالك لما يروح البيت دي نقطه
النقطه التانيه انا عارفه ان كل طفل مش زي التاني بس هاتستغربي لما اقولك ان اابني ولله الحمد بيتكيف بسهوله جدا جدا
لدرجة اني كنت مرعوبه اول ماجيت هنا كنت خايفه جدا لانه هايدخل المدرسه مع ناس مختلفين عنه ومحدش بيتكلم عربي هوه كان بيفهم انجليزي كويس والحمد لله وبيمارسه شويه لكن كان معاه عربي لكن في المدرسه هنا مفيش ولا كلمه عربي طبعا بس الحمد لله من اول يوم عمل اصحاب واتكيف بسهوله جدا وكمان تقريبا يعني هوه واصحابه الاربعه التانيين همه الوحيدين اللي عاملين جروب في الفصل """ best friends""" وشخصيته اختلفت كتير في حين ان فيه ولاد بشوفهم عايشين طول عمرهم هنا ومعندهمش حاجز اللغه حتى ومع ذلك منغلقين على نفسهم ومش بيختلطوا باي حد
بالنسبه لهنا وارتباطها بيكي انا برضه الناس كانت بتقولي كده وخليه يبعد ويتعود وووووو بس الحمد لله مسمعتش كلام حد منهم ده غير العيا بقى والامراض اللي الاطفال بينقلوها لبعض في الحضانه مهما كانت الحضانه او المدرسه غاليه لان لو الام بتشتغل وابنها تعب للاسف للاسف الشديد بتوديه المدرسه وهوه عيان او يكون لسه مخفش تماما ويبدا بقى ينقل العدوى للاطفال التانيين
المهم فكري تاني في الموضوع انا شايفه ان بنتك لسه صغنونه والتجربه هاتبقى صعبه عليها لان لسه مش هاتستوعب الموضوع دلوقتي ففكري قبل ما تعرضيها للتجربه دي
النقطه التانيه انا عارفه ان كل طفل مش زي التاني بس هاتستغربي لما اقولك ان اابني ولله الحمد بيتكيف بسهوله جدا جدا
لدرجة اني كنت مرعوبه اول ماجيت هنا كنت خايفه جدا لانه هايدخل المدرسه مع ناس مختلفين عنه ومحدش بيتكلم عربي هوه كان بيفهم انجليزي كويس والحمد لله وبيمارسه شويه لكن كان معاه عربي لكن في المدرسه هنا مفيش ولا كلمه عربي طبعا بس الحمد لله من اول يوم عمل اصحاب واتكيف بسهوله جدا وكمان تقريبا يعني هوه واصحابه الاربعه التانيين همه الوحيدين اللي عاملين جروب في الفصل """ best friends""" وشخصيته اختلفت كتير في حين ان فيه ولاد بشوفهم عايشين طول عمرهم هنا ومعندهمش حاجز اللغه حتى ومع ذلك منغلقين على نفسهم ومش بيختلطوا باي حد
بالنسبه لهنا وارتباطها بيكي انا برضه الناس كانت بتقولي كده وخليه يبعد ويتعود وووووو بس الحمد لله مسمعتش كلام حد منهم ده غير العيا بقى والامراض اللي الاطفال بينقلوها لبعض في الحضانه مهما كانت الحضانه او المدرسه غاليه لان لو الام بتشتغل وابنها تعب للاسف للاسف الشديد بتوديه المدرسه وهوه عيان او يكون لسه مخفش تماما ويبدا بقى ينقل العدوى للاطفال التانيين
المهم فكري تاني في الموضوع انا شايفه ان بنتك لسه صغنونه والتجربه هاتبقى صعبه عليها لان لسه مش هاتستوعب الموضوع دلوقتي ففكري قبل ما تعرضيها للتجربه دي
الصفحة الأخيرة
إزيكم يا بنات وحشتووووونى جدا جدا والله . معلش أنا الإسبوع اللى فات كنت عند ماما طول الإسبوع و رجعت إمبارح بالليل بس . إنتوا كلكم عاملين ايه ؟ يا رب تكونوا كويسين و بخير
نودى شكرا يا حبيبتى على سؤالك عليه ربنا مايحرمنيش منك يا رب و يجمعنا دايما على الخير
و البنات اللى سألوا عليه هنا فى الصفحه شكرا ليكم وربنا يديم المعروف بينا يا رب
دون وحشتينى جدا والله ووحشتنى خفه دمك أوى
لؤلؤة أهلا بيكى معانا و إن شاء الله نكون أصحاب
اينا ازيك يا حبيبتى عامله ايه و ايه أخبار الماتشات ؟ ربنا يقويكم و ينصركم دايما يا رب
أم أبيها ازيك و إزى ياسمين يا رب تكونوا بخير
نودى حبيبتى ألف سلامه عليكى و على ضهرك أهم حاجه تآخدى بالك من ضهرك و إنتى قاعدة يعنى حاولى تخليه مفرود على قد ما تقدرى و على فكرة كريم موف دة كويس بس بيحرق أوى و ريباريل جيل و فولتارين كويسين جدا و طهور إن شاء الله
هبهوبه إزيك يا هبه عامله إيه ؟ يا رب تكونى بخير يا حبيبتى
كوين شفاكى الله و عافاكى يا رب و طمنينا عليكى أول بأول
سمسمه إزيك يا جميله ايه أخبار الفراخ؟
منى ازيك عامله ايه ؟ دون بعتتلك فراخ ولا لسه؟
على فكرة يا بنات أنا هقولكم على حاجه و عارفه إنى هتضرب و من دون أول واحدة و هى إنى عندى فراخ بس ماعنديش نفس أعمل أى أكل و لا آكل أى حاجه مش عارفه ليه بقالى فترة الأكل مش فارق معايا خالص و ممكن أقعد طول اليوم من غير أكل و ماحسش بالجوع خالص مش عارفه ليه و حتى ماليش نفس أدخل المطبخ بقالى بتاع شهرو نص على الحكايه دى فاللى عايز الفراخ يآخدها أنا مش فارقه معايا خالص والله أو أديها كلها لدون و هى توزع براحتها ولا أبيعهم فى السوق السودا زى العمله
أم باسل و ميرو و رواء و رانيا و سندريلا و شيرى و روشانا و كلكم كلكم وحشتونى
طيب أسيبكم دلوقتى شويه علشان أروح أروق البيت و أرجعلكم تانى إن شاء الله