استنواااااا حصبح عليكم بعدين بس هاتولى البت شيرى ومنى عبد العزيز الاول وكله يستخبى علشان اسلحة الدمار الشامل


شايفة الجو والشمس الساطعة يا شيرى؟؟؟؟؟؟؟؟؟ كان زنبنا اية اخنا فى الجو بتاع امبارح والمطر والرعد والبرق وسوء الاحوال الجوية ؟؟؟؟؟؟؟؟؟؟؟ كل دة علشان حضرتك تتفسحى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اخر مرة تاحدى مواعيد وتخرجى سامعة ؟؟؟؟؟؟؟؟ علشان الناس تعيش ... ولما تاخدى ميعاد بعد كدة تنبهينا على الصفحة الاول بيه علشان محدش يغسل ولا يخرج ...انا قلت اهو
وسيبونى بقى على منى :angry2: :angry2: نادى اية اللى انتى عايزة تقعدى فية يا منى ؟؟؟؟؟؟؟؟ نسكافية اية اللى انتى عايزة تشربيها فى هدوء واستجمام ؟؟؟؟؟؟؟ :angry2: :angry2: انتى مش شايفة حالتنا اولا :angry: :3_2_8v: وشايفة حالة البلد ثانيا مفيش فراخ :icon33: فين المشاركة الوجدانية والاخوية يا منى ؟؟؟؟؟ وبعدين كلمة نادى دى انا فكراها ...زى ما اكون سمعتها زمان ...بس مش قادرة اجمع دلوقتى :30:

صباح الخييييييير على كل الصفحة وكل البنوتات اللى فى الصفحة واحدة واحدة اولا شكرا يا نودى على مواعيد التطعيمات واتارينى من الصبح عمالة اقول البنات فين؟؟ شيرى فين ؟؟؟؟ وشكرا يا هبة على اللينك فية مواقع حلوة بس انتى بتستخبىىىىى فييييين ؟؟؟؟؟؟؟؟
فراشتى الجميلة بالف هنا وشفا الكبدة عليكم يارب
مسلمة فين ؟؟؟كل دة بتروقى الشقة يا مسلمة ؟؟؟
اينا مردتيش على الرساله قلت يبقى اكيد ؟؟؟؟؟؟؟؟؟؟؟ يا سيتى مش عايزين الفراخ بس يكون خير يارب
وبالنسبة لحضانه هنا يا منمن طبعا المدامات اللى عندهم خبرة حيردوا عليكى لان انتى عارفة تجربه لسه معدتش عليا :icon28:

يا جماعة دلوقتى انا عايزة اكل فراخ اجيبها من كارفور او هايبر ون ولا اعمل ايه ولا ما اكلهاش
بجد يا جماعة ردوا على انا احتمال انزل النهاردة اشوفها قولولى رايكم بقى فى واحدة من اللى ماتت بالفير0وس بيقولوا انها اكلت فراخ و تعبت بعد كده
قولوللى رايكم
نودى وحشتينى قوى و مرسى على الماستج يا جميل و ايه اخبار ظهرك
لولو فينك مش باينة لا على اماسنجر ولا هنا
على فكرة انا فى المعادى لو حد ساكن فى المعادى و حد من بتوع التطعيم جاله يقولى علشان هما بيدوخنونى و انا مش حعرف انزل اروح لوحدى اطعم يوسف

السلام عليكم و رحمه الله و بركاته
صباح الخير عليكم كلكم
دندووون حبيبتى وحشتينى جدا و الحمد لله إنى ماليش نصيب فى الأسلحه بتاعتك أنا قلت دون هتضربنى لما تشوف اللى كتبته بس الحمد لله عدت على خير

السلام عليكم و رحمة الله و بركاته

كلاكيت تاااااااااااااني مرة!!!

اولا جزاكي الله خيرا يا هبة على الموقع، حطيته في ال favourites بدون نقاش!!! شوفي كل ما تغطسي لازم تقبي بحاجة حلوة كده عشان اسامحك!!! >>>> وحشتيني يا هوووبا و وحشتني مناكفتك اللي بتنتهي بنغزة في العين!!!

ثانيا، منموووووووووون ايوة شفت الtelepathy يا ستي ارحميني شوية و انزلي من على فص مخي اليمين خليني اعرف افكر لوحدي شوية ههههههههههههههه اصلي بصراحة وصلت المكتب و قريت اول حاجة في الاخبار الخبر ده قمت قلت لا مبدهاش ادخل اديهم الخبر و اليافطة مرة واحدة!!! و بصراحة خفت انك ترجعي تنامي تاني في حضن هنا :) شوفي يا ستي بقى رأيي في موضوع حضانة هنا، اولا انا فاهمة وجهة نظرك تماما لاني كمان عارفة ظروفك و فاهمة انك مش عاوزة توديها حضانة لمجرد انك محتاجة مكان تحطيها فيه لحد ما انتي تنجزي شغل او خلافه. انتي عاوزة تدخليها البلاي سكول عشان تندمج مع اقرانها و تبدأ تخرج طاقتها بشكل صح، و انا أؤيد هذه الخطوة بشدة، خصوصا ان هنا في سن لعب و شقاوة و محتاجة اطفال حواليها، و مش كفاية تاخديها النادي و تقعدي ادامها تراقبيها في كل حركة لان حتى في الوقت ده حتبقي خايفة انها تبعد عن عينيها و حتقيدي حركتها، انا عارفة شغل الامهات ده كويس حتى اسألوا ميرو عن يوم ما رحنا المعرض السنة اللي فاتت!!!! المهم، نرجع لموضوعنا، في حالة ان الطفل يكون ملوش اخوات او جيران او قرايب في سنه يقدر يلعب معاهم و يخرج طاقته يبقى من الافضل فعلا اللجوء لحل البلاي سكول، و مش لازم نفهم الخطوة دي على انها خطوة للتخلص من الطفل عشان احنا ننام او نرتاح، القصد هو دمج الطفل في مجتمع من سنه يقدر يطلع فيه طاقته و يجري و يلعب بدل ما الانطواء داخل البيت. طبعا الموضوع ده بيفرق من طفل للتاني زي تجربة ام يوسف، فابنها ما شاء الله بطبيعته قدر على التكيف مع المجتمع الغريب عنه، لكن فيه اطفال كتير معندهاش الطبيعة دي. انا درست لمجموعة اطفال summer school و كانوا من عمر 3 سنين ل 4 و كان التدريس انجليزي، و طبعا المواعيد كانت اخر النهار و امهاتهم موجودين في نفس المكان بس بره الكلاس، الاولاد اللي مجربوش حضانة قبل كده او انهم يبعدوا عن عيون اهاليهم طبعا عيطوا و عملوا افلام بس الاطفال اللي متعودين على جو الخروج و الانفصال عن امهاتهم كان الوضع معاهم اسهل. في النهاية المفروض اني اخلي الطفل يندمج مع مجتمع من سنه، لانه مش من الصحي كمان انه يفضل بس في مجتمع امه مع صحباتها و جيرانها و اخواتها، لان ده مش جوه. المه برضه عشان انا حاسة اني خرجت من الموضوع، انا عاوزة اقولك يا منى اطمني بنتك حتاخد على الجو بس بالتدريج. يعني مش لازم تسيبيها من اول يوم الوقت كله لانه مينفعش، دي حاجة جديدة عليها، فلازم تخديها بالتدريج و تزودي المدة كل يوم عن اللي قبله، و لازم تعرفيها طبيعة المكان اللي هي رايحاه على اد فهمها و تشرحي لها الميس بتعمل ايه و اصحابها اللي معاها تعرفيها بيهم و تبدأي تعوديها على الكلام و الحكي زي ما ام يوسف قالت لان ده عنصر مهم. يعني انتي احكيلها يومك كان ازاي و فترة غيابك عنها كانت ازاي و شجعيها انها كمان تحكي بدون ما يكون الوضع استجواب. اممممممم، منى فيه نقط نسيت استوفيها في كلامي؟؟؟ فكريني الله يكرمك لو نسيت، و ربنا معاكي :)

الاخت السعودية اللي سألت عن افون (سامحيني نسيت الاسم) لها فرع في مصر الجديدة، بس مش عارفة عنوانه و لا رقم تليفونه

دندووووووووووون، زعلانة من شيري ليه؟؟ و ليه التهديدات دي كلها؟؟ هو انا فاتتني حاجة؟؟

مسلمة، و ام ابيها و فراشتي و لؤلؤتي و مروتي صباحكم فل يا قمرات. و فين باقي الحلوات؟؟ ام ياسمين و اينا و ام باسل و رواء و ام احمد و سمسم و رووني و ميرو و دارين و سندريلا و لولو ام جودي و كات و روزاريو و كل المختفيات؟؟؟؟

مروتي، على فكرة تعالي اقولك، انا من كام سنة كان عندي حاجة مكلكعة ضاغطة على العضلة الخلفية لرجلي الشمال و كانت من وقت للتاني تنغزني و توجعني و فضلت حوالي سنتين و انا مطنشاها و في نفس الوقت مش عارفة هي ايه و هي عمالة تكبر، لحد ما بقى المها شديد و بيؤثر على المشي و كنت باعيط منها لو لمستها او حتى الشراب الفوال جه عليها!!! المهم، بعد العديد من التشخيصات الغلط اللي تراوحت بين جلطة و نهاية طرف عصب لازم اشيله (دكتورة تانية لما سمعت التشخيص ده قالت يا نهار اسود تسيلي نهاية عصب ازاي!!!!) و دوالي و تخاريف، اتضح الحمد لله في النهاية انه كان تورم ليفي بس ضاغط على العصب و عشان كده عمل لي الالم ده خصوصا انه مع العضلة فكل حركة للعضلة بتخليه يضغط زيادة على العصب. المهم، اخر حاجة بعد ما اكتشفنا التشخيص الصحيح قررت اعمل العملية، مصدر موثوق به قال لي لو عملتها في احتمال تؤثر على العصب و ان الاحساس يقل في المنطقة دي بعد العملية، بصراحة انا تجاهلت الكلام ده و توكلت على الله لان عدم الاحساس وقتها كان ارحم من الالم اللي كنت باحس بيه. و في النهاية عملتها و لله الحمد مفيش اي اثار جانبية و لا عدم احساس و لا قلة احساس و لا حاجة، الوضع طبييعي جدا جدا و مفيش اي مشكلة و بقيت قادرة اتني رجلي و افردها من غير اي مشكلة. توكلي على الله و اعمليها و ادعي ربنا ان يكون فيها الخير، و استغفري كتير يا مروة قبل ما تدخلي العملية و لحد ما تغيبي عن الوعي لو كان فيه بنج كلي او حاجة. و تعالي لما اضحكك، انا جبانة مووووووووووت و باخاف من الحقن و الابر و المستشفيات و ريحتها حتى. يوم ما رحت العملية راح معايا المستشفى بابا و اخواتي التلاتة (اولاد كلهم) و صديقتي المقربة، و واحدة أجنبية متزوجة من مصري و أسلمت و هي كانت مديرتي السابقة في عملي و مقربة جدا جدا لنفسي و باعتبرها امي الروحية. المهم فضلت شبطانة فيها عشان تدخل معايا العمليات و هي تقول لي مينفعش، عيطت و عملت زيطة فالدكتور سمح لها انها تفضل معايا لحد اخر حاجة بره حجرة العمليات نفسها. المهم دخلت الاوضة لوحدي (يا مامي!!) لقيت الدكتور بيقول لي انتي بتاخدي مهدئات او اي ادوية، رصيت له ادوية القولون و قلتله باشرب نسكافيه كتير، و كان المفروض يبقى البنج جزئي او موضعي. المهم، ادوني البنج الموضعي ده و قلت هييييييييييييه مش حاحس بحاجة بقى، شوية و الاقي قطنة مستفزة ماشية فوق الحتة اللي بتوجع!!!!! و عينك ما تشوف الا النووووووووووووور!!! قلت له انت بتعمل اييييييييييييييييييييييييييييه، انا حاسة بكل حاجة!!! خرجوني من هنا، طلعوووووووووووووني. شوية و الممرضة راحت مدياني حقنة في ضهر ايدي، بصيت لها كده و قلتلها يعني هي دي اللي حتخليني محسش؟؟!!! ثواني بابص لقيت الناس سايبة الاوضة و خارجين و الممرضة بتتديني حقن تانية، قلتلها همه مشيوا ليه؟؟؟ قالت لي ما هم خلصوا خلاص!!! قلتلها يا شيخة!!! و حاولت ارفع دماغي ابص لقيتها بتنزل تاني!! عرفت ان الحقنة التانية اللي كان فيها الدوا ههههههههههههههههههه واضح ان جرعة النسكافيه بتاعتي كانت زيادة حبتين!!!

صدعتكم و قلبت دماغكم، مش كده؟؟؟ محدش ينادي تاني و يقول انتي فين يا نوودي!!!! دا انا رغاية اوي!!!