هبه ومنى الله يكرمكوا يارب وطمنتوني بردودكو الحمد لله
كلامكو صحيح وانا كنت عارفاه بس لما حلمت كده قولت اتاكد
طبعا سفري المفروض انه لمصر ان شاء الله
وبعدين ام ابيها تقريبا قالتلي ااجله اسبوع بس ياحبيبتي ياريت مينفعش لاني لو مدفعتش النهارده الحجز يروح عليه وكمان مفيش حجز تاني غيره كله كومبليت
وربنا ييسرلي اللي فيه الخير يارب
وانا فعلا مره يا بنات مش هتصدقوا كنت مسافره اعمل عمره لاول مره في حياتي تبع شغل جوزي ويوسف كان عنده سنه واحده وكنت عايزه اسافر بشده ودفعنا الفلوس وكل حاجه وكنت باجهز الشنط وفاضل اسبوع على السفر وانا مبسوطه وفرحانه لقيت يوسف عيي واهلي واهل جوزي قالولي متسافريش قولتلهم لا هاسافر وروحت للدكتوره قالتلي ممكن تسافري بس الاحسن متسافريش المهم كمان ايه اللي حصل حصلت احداث 11 سبتمبر
وحمايا قعد يزعق ويقول مفيش سفر
قولت طيب خلاص انا هاعمل استخاره
وهيه الحقيقه كان مفروض اعملها من الاول خالص بس ده اللي حصل
المهم عملت الاستخاره وصحيت تاني يوم لاقيت جوزي بيتصل بيه بيقولي متحضريش الشنط البنك بتاعه لغى رحلات العمره كلها ""خايفين يحطوا موظفين السي اي بي على طياره واحده"
طبعا انا فضلت ماسكه السماعه ومذبهله ومش عارفه ارد بس الحمد مكنتش زعلانه علشان عارفه ان ممكن كان السفر ميكونش فيه خير ليه
بس دي حكايتي مع الاستخاره
بالنسبه لموضوع الاخوان هاقولكوا بقى على بلاطه ولو اني مكنتش عايزه اتكلم
بصوا المفروض ان اللي ينزل الانتخابات بعد كده يكون عنده حزب والحزب ده ليه كراسي بعدد محدد في مجلسالشعب او لو هاينزل مستقل يكون عنده عدد معين برضه مش فاركه دلوقتي من المجالس المحليه والذي منه ::::::::حلو
طيب الاحزاب خلاص كلها وقعت واصلا مفيش حد عنده كراسي بالنسبه المطلوبه في المجلس جميل
امال مين اللي عنده كراسي ؟؟؟؟؟الاخوان .........بس معندهمش حزب ولا عمرهم هايكون عندهم
فهمتوا الفزوره؟؟؟؟؟؟؟؟؟؟؟؟؟؟؟؟؟؟؟؟

اه يا ام يوسف انا فهمتهاااااااااا

ااقولك واحده كمان

نعمان جمعه كان عند صفوت الشريف قبل ما يعمل الكارثه دى بايام
زياره مريبه؟؟

فيه عربيه بوكس على باب المضيفه وراجل معاه كشف طووووووووووووويل

الجرى نص الجدعنه

والى بيحبنى يحصلنىىىىىىىىىىىىى

ياجماعة انتم كده على امن دولة عدل
كفاية احسن سجون المعتقلات محدش يقدر عليها
خلينا في اللبس والأكل والعيال المقرفين اللي مطلعين عنينا احنا قادرين عليهم لما نقدر على الحكومة
روقووووووووووووووووووا كده احسن تقلب ضلمة وكرسي في الكلوب

:D :D :D :D
احنا كنا بنقول ايه كنا بنقول ايه
اه الوان الموضه السنه دي فحلقي وبحلقي
:3_13_12:
الواحد يروح يغسل المواعين احسن
:27: