السلام عليكم و رحمة الله و بركاته

ازيكم يا بنات و مدامات؟ وحشتوني و متشكرة لكل اللي سألوا عني، جزاكم الله خيرا

مسلمة حبيبتي انا شكلي مش رايحة اي افلام للاسف لان المواعيد كلها اما 6 او 9 مساءا و اقصر فيلم مدته ساعة و نصف و انا مش بافضل اني اسافر متأخر في ايام الشتاء دي، بس فعلا كان نفسي احضر حاجة فيهم لاني باحب الافلام الياباني اوي بس ياللا خيرها في غيرها

يا رب تكون نفسيتك اتحسنت يا فاطمة و انتي كمان يا منى و يا ميرو، و اينا، و الله مش عارفة اعد مين و الا مين، يظهر وباء الاكتئاب الشتوي تفشى فجأة في الصفحة، لكن عموما كفاية علينا دندونة الجميلة و محاولاتها الدايمة في انها ترسم البسمة على وجوهنا، جزاكي الله خيرا يا دون

معلش اعذروني انا مقرتش كل الكلام اللي فاتني، بس حبيت اقولكم وحشتوني اوي اوي

فعلا يا رواء مش هنقدر نقول اكتر من كدة لا حول ولا قوة إلا بالله و حسبى الله و نعم الوكيل
نودى معلش انا لو رحت أى فيلم هبقى احكيهولك بس شكلى كدة مش هروح لأنى لازم اروح قبلها بوقت كبير علشان التذاكر يالا ربنا يسهل

http://www.zippyvideos.com/6361149043720046/amr_msq_10feb06

مظاهرة مسجد عمرو بن العاص في مصر ضد الدنمارك ودفاعا عن رسول الله

ايش يعني سحلب ينشرب ولا يتاكل ....
اعذريني مو فاهمه لاني سعوديه ....

أختي بنت نت، يا مرحب بأهل السعودية الكرام

السحلب ده ينشرب و هو عبارة عن مادة بيضاء على شكل بودرة شبه الحليب المجفف كده و بيكون داخل فيها نشا، دي بتضيفيها لحليب على النار و تقلبي و بيكون فيها مكسرات زي جوز الهند و سوداني مطحون و دايما بنشربها في الشتاء عشان هو مش اشهر المشروبات الساخنة في مصر في الشتاء. و اهلا بيكي في مضيفتنا :)

مسلمة حبيبتي، ربنا يكرمك، بس شكلنا مع جو الامطار ده مش رايحين في حتة خالص!!! جيت انزل بريك دلوقت مطرت فوق نافوخي أخدت تاكسي و رجعت المكتب تاني :(