انا جيت يا بنات صباح الفل

على السريع سلامي لكم كلكم واحدة واحدة واشكركم على مواستكم الحمد لله على كل حال المواد اللي نازل فيها مكملة معاه يمكن ربنا ينفخ في صورته ويعدي منها آخر السنة ان شاء الله، واطمنكم ان الموضوع عدى على خير مع ماما وبابا الحمد لله يظهر علشان شافو بلوة الأكبر منه رضيوا المرة دي بالأقل وان كانت حالتهم برضه صعبة ربنا يهدي الجميع وينجح الكل

لولوكاشا

هاقوللك على حاجة، ابعدي عن الماركات يا قمر طالما بالسعر ده تبقى اكيد ماركة مستوردة، فبصي في محل اسمه الصياد (طبعا عارفة ماركة الصياد بتاعة اقطان الأطفال والبيبهات) منفذ البيع بتاعهم في مساكن شيراتون امام النساجون وانا جبت من عندهم حاجات جميلة قوي علشان ياسمين وكلها حاجات مصري بس هايلة والله

انا كل اللي جبته مصري والله مافيش ولا حاجة مستوردة
مين ياسمين؟

السلام عليكم جميعا اه اخباركم
الف مبروك على الشقه يا نوودى يا ترى حدو ميعاد الفرح
الف سلامه على سلمى يا (خالته)
ازيك يام جوجو انتى ساكنه فى الرحاب
انا وخطيبى عايزن ناخذ هناك اجار ممكن تفيدينا
يعنى احسن مرحله ومساحه والسعر لو ممكن

احسن مرحلة من حيث الشكل والتشطيب المرحلة الرابعة
انا مساحة شقتي 148م فيها ريسبشن واسع وتلات قوض وحمامين ومطبخ مش ضيق ومش واسع بس مريح والله
انا عندي جيران واخدين ايجار ب1100 في الشهر لمدة ثلاث سنين
بس لاحظي لما الصيف يقرب الأسعار هتزيد عشان العرب بينزلوا يأجروا

شوفي انت عاوزة ايه وانا اسألك