نورا يا حبيبتي، و الله يا بنتي انا شفت طلبك بس انا معرفش شركات سياحة و لا اعرف اسعار العمرة فيها، و اكيد لو البنات يعرفوا مكنوش اتأخروا عليكي، يعني عدم الرد مش معناه التجاهل او التطنيش، لكن معناه الجهل بالمعلومة و ترك الفرصة لمن يعرف انه يجاوب. متزعليش انتي معانا من زمان و عارفة ان البنات جدعان و مش بيتأخروا في أي مساعدة

مسلمة، انا لا يمكن امشي تحت المطر ابداااااااااااا لانه بيملاني شجون و بيجيبلي كآبة مش طبيعية، جربت بجد اقلد الناس اللي بيمشوا تحت المطر- بس مجربتش الرقص تحت المطر زي جين كيلي متخافيش!!!- بس نفس النتيجة!!! تقريبا انا الانسانة الوحيدة اللي المطر بيوحي ليها بافكار محزنة و كئيبة!!! بعيدا بقى عن ده كله، الصراحة انا دعيت بس مش حاقولك دعيت لمين!!! بس للحق يعني، نسيت ادعيلك >>>>> صورة وش خجلان عشان مسلمة حبستني في الزاوية!!

ولا يهمك يا نودى المرة دى تعدى لكن المرة الجايه لا ممكن ابدا

يا بنات انا سمعت شريط حلو أوى للشيخ وحيد عبد السلام بالى كان بيتحدث فيه عن اخطاء تقع فيها المرأة منها :
1- الذهاب للسحرة و الدجالين
2- لطم الخدود و شق الجيوب
3- السفر بلا محرم
4- إعراض المراة عن العلم الشرعى
5- الدعاء على انفسهن و اولادهن
6- ترك الصلاة كسلا
7- السكوت على الاولاد الذين لا يصلون
8- عدم الإفطار فى ايام الحيض فى رمضان
9- الإحرام فى الجلباب الأبيض للمرأة ( و هذا منتشر فى مصر و سوريا و تركيا و الصحيح لبس الأسود )
10- خروج المرأة من بيتها متبرجه
11- الجلباب المزركش
12- الحجاب المعطر
13- الجيبه المفتوحه
14- خمار التبرج ( أى الحجاب الذى يكشف عن بعض شعر الرأس )
15- إرتداء الكعب العالى سواء يحدث صوت أم لا
16- كشف المرأة عند الطبيب بدون ضرورة ( أى انه علينا أن نذهب للطبيبات إلا فى الحالات التاليه : ألا توجد طبيبه فى هذا التخصص - أن يكون المرض لا يمكن السكوت عليه - أن يكون معها محرم - ان لا يرى الطبيب منها فوق الحاجه )
17- كلام المراة مع الرجل دون حاجه و إن كان لازما فيجب عليها ان يكون الكلام على قدر الحاجه و ان لا تخضع بالقول اى لا ترقق صوتها و إن كان صوتها رقيق فعليها بوضع ظهر يدها على فمها و هى تتحدث او تخشن صوتها
إن شاء الله تكون حاجات مفيدة لنا جميعا

و فى نفس الشريط أيضا ذكر الشيخ أسئله لابد على كل مرأة أن تكون على علم بها و لو بنسبه 60 % و إن كان اقل من ذلك فهى تجهل بأمور دينها و هى :
1- ما هى مراتب الإيمان الأربعه بالقضاء و القدر ؟
2- ما هى انواع الملائكه ؟
3- ما هى نواقض الوضوء ال6 ؟
4- ما هى شروط الغسل الصحيح ال7 ؟
5- ما هى ال7 أشياء التى تحرم فى الحيض ؟
6- ما هى ال3 اشياء التى تباح للمراة بعد إنقطاع الحيض و قبل الإغتسال؟
7- ما هى شروط صحه الصلاة ال9 ؟
8- ما هى اركان الصلاة ال14 ؟
9- ما هى مبطلات الصلاة ال8 ؟
10- ما هى مبطلات الصوم ال7 ؟
يا ترى هنآخد كام من 100 ؟ الله المستعان

كدة ولا حد منكم بيسال علي خالص
يابختكوا عندكوا مطر والله يابختكوا كفاية الدعاء وقته
انا داخلة النهاردة اوصيكم بالله عليكم تدعولنا ان ربنا يفرجها علينا ويرزقنا برزق البيبي لاننا في مفترق الطرق والحكاية شرحها يطووول وحتي انا تعبت من كتر ما بتكلم فيها مع جوزي وبندرس كل الاحتمالات
الله يخليكم الله يخليكم تدعولنا ربنا ييسرلنا كل عسير في طريق رزقنا يارب