السلام عليكم
ازيكم جميعا يا رب تكونوا بالف خير
الف سلامه على بنتك يا هيوم وما تشوف شر ابدااا
منى ازي يا حبيبتى وازى هنا
باذن الله هنكون عندك قريب ايه رائيك نشوف بعض باذن الله
ام يوسف
ازيك يا حبيبتى وازى يوسف
يارب بخير دايما
ياريت لو تساعدينا فى اللى قولتيه ده
وتكتبيه لينا او تعملى ليكى موضوع مستقل وتحطى لينا لينك وان شاء الله تثابى على كل ممن ينتفع منه
ايه رائيك متتاخريش علينا لانك بصراحه شوقتينا نعرف نعمل ايه والصح فين والغلط فين فى تربيتنا لاولادنا
اسال الله لذريتنا وذريه المسلمين الصحه والعافيه فى الابدان والقلوب والعقول والانفس
ام باسل

يا ريييييييييييييييييييييييييت يا ام باسل انت تنورى

ام باسل ومنى حاضر من عينيه انتو تؤمروا هاحضر الكلام كله وانزله في موضوع واديكوا رابط باذن الله

جزاك الله خيرا يا ام يوسف

(1)
أنت ليه مش بتمسك إيدي وإحنا ماشيين في الشارع؟
- لأ بلاش...افرضي حد من قرايبك شافنا؟ والا حد من أصحاب أخوكي في الكليه؟ ان شاء الله يا حبيبتي بكره نتخطب امسك إيديكي ادام الدنيا كلها.

(2)
أنت ليه مش بتمسك إيدي وإحنا ماشيين في الشارع؟
- علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي حبيبتي في الحلال.

(3)
أنت ليه مش بتمسك إيدي وإحنا ماشيين في الشارع؟
يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين متجوزين ومحترمين وعندنا بيت نعمل فيه اللي عاوزين نعمله.

(4)
أنت ليه مش بتمسك إيدي وإحنا ماشيين في الشارع؟
- يعني امسك إيدك والا امسك إيد البنت والا اشيل الأكياس دي كلها؟

(5)
أنت ليه مش بتمسك إيدي وإحنا ماشيين في الشارع؟
- إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟!



صباحكم بيضحك