بسم الله الرحمن الرحيم

حبيبتى يا ام يوسف مش عاوزه اقولك لما بابا يختفى مننا شويه والاقيه فى المطبخ بيغلى لبن اللى احنا رامينه فى كيسه فى التلاجه ونايمين على ودننا (ده كلامه طبعا )مش عاوزة اقولك بقى سيراميك الارضيه طوبى بيقلب بيبقى منقط فى ابيض ورف الحوض ورخامة المطبخ ويا سلام على القهوه اللى بابا بيصر مش عارفه ليه انه يحط البن على الكنكه على البوتوجاز يظهر ده من اسباب نجاح القهوه عنده وفى داهيه البن اللى واقع على البوتوجاز وفى داهيه اللى هاتدخل تروق وبعدين وجهة نظره هوه واخواتى انه امال الترويق اخترعوه ليه مش عشان الطبيعى ان الناس بتكركب ولا بقى عاوزانا نقعد متخشبين مانلمسش حاجه :30: :30: :30: دى اسمها خيابة بنات (كل ده كلام بابا اهىء اهىء اهىء)

سماح

بصي يا سمسمه مهو ده قصدي ان مش كل صناع الحياه يعني كويسين وميه ميه فيه اخطاء بس كل واحد بيعمل اللي بيقدر عليه
ومادام انتي مش قادره تتوائمي معاهم لمي اصحابك واعملي جمعيه تانيه وبجد مش بهزر الموضوع صعب شويه في الاول لكن مع الاصرار والعزيمه واخلاص النيه كله بيتحقق ان شاء الله
فكرتيني ببابا
يوم ماتبقى ماما عيانه وبابا يقرر يدخل المطبخ
يا خررررررررررررررراشي
اولا يعلن حالة الطواريء
يعني محدش يدخل المطبخ طول ماهوه جوه .........ممنوع
وبعدين ممكن يقعد من 6 الى 8 ساعات شغل متواصل في المطبخ
النتيجه النهائيه
اكله غريبة الشكل والملامح
عمرك ما شوفتيها في حياتك ولا هاتشوفيها اصلا
والطعم ماقولكيشششششششششششششششش
كلي وانتي ساكته يعني الراجل بقاله طول النهار في المطبخ محدش يقدر يفتح بؤه
وبعد انتهاء المعركه
بصي بقى على الحوض
كل الحلل والاطباق والمعالق اللي في المطبخ
كلها بلا استثناء في الحوض
متفهميش ليه؟؟؟؟؟؟؟
ولو حد فتح بؤه يبقى
اصل احنا معندناش تذوق ولا ذوق في الاكل والطبيخ
مبنفهمش حاجه بالعربي يعني
بس حاليا
ربنا يديله الصحه ويدخل يعملنا ربع اكله حتى!!!!!!!!

ام يوسف الشيخ عبد الحليم محمود ده من اعظم الشيوخ فى مصر واسمه ابو التصوف وكان شيخ الازهر فى مصر فى اخر عهد عبد الناصر واوائل عصر السادات
بس اسالى باباكى اكيييييييييييد هيكون عارفه

انا بموت فى كتبه وبحس انه اروع ما قراءت على الاطلاق فى الاسلام
اتمنى تقرى له


اهلا..............اهلا اهلا بالقمر الى غايب

طبعا وحشتينا ترلم
نورتى ليالينا ترلم ترلم

واتلمواااااااااااااا الحبايب اتلموااااااااااااا الحبايب

سمسمه باباكى فطسنىىىىىىىىى من الضحك

قولى له انه جميل وعسل وسكر

هبه مااعتقدش بابايا عارفه لاني قريت مكتبة ابويا كلها
بس يعني عندي تحفظ صغنون ولا اقولك لا بلاش
بس على العموم هادور لما انزل مصر باذن الله

بصى اقرى له واسالى عليه انكل ان شاء الله
وعلى فكره احمد عمر هاشم كان بيتكلم الاسبوع الى فات عنه

انا مستغربه انك مش تعرفيه!!