صباح الخير يا بنات..
لكل الى بيعمل ريجيم او ناوى يبتدى انا انبارح كنت فى هايبر ولقيت جزء مخصص لحاجات الريجيم اول مره كنت آخد بالى منه قلت ااقول لكم .. فيه السكر طبعا وفيه مربات وعسل وشيكولاته وكورن فليكس وتونه الريجيم وحتى حلاوه ودى كنت اول مره تعدى عليا حلاوه للريجيم !! المهم حبيت بس ااقولكم لأنى انا نفسى ماكنتش اعرف.
نودى وحشانى يا قمر خليكى هنا يا جميل احسن والله يا بنتى كل واحد عنده مشاكل بس ادينا بنحاول نخفف عن بعض تعالى احكيلنا وفكيها عشان تروقى يا جميل وتفضلى معانا عالطول :)

ربنا يخليكي ليا يا شيري، حاضر من عيوني كل ما حالاقي فرصة اني اشارك حتلاقيني على طول. و بالنسبة لاطعمة الريجيم دي كانت دون قالت عليها قبل كده في موضوعها لما سألتها عن حاجت تنفع بابا عشان السكر، فاكتشفت انهم عاملين كل حاجة تنفع ريجيم و لمرضى السكر عشان متحرمهمش من اي اكل. انا شفت في فتح الله كمان تقريبا مكرونة للريجيم بس مجربتهاش بصراحة، بس جربت مربى الريجيم و حسيتها عادية يعني متضايقش في حاجة همه تقريبا بيستخدموا لها سكر فواكه بدل سكر القصب عشان السعرات بتبقى اقل. ربنا يقويكي و يقدرك يا حبيبة قلبي

هاصبح على السريع كالعادة علشان بقالي شوية باقرأ اللي فاتني

معلش يا أمل على امبارح اصلي لسة مخلصة ترجمة من اياهم ومديري كان عاوز يقعد معايا علشان نراجعها سوا ولاقيته فوق دماغي وانا باكلمك

ام يوسف

انا سمعت عن الموضوع بتاع البهائيين لكن في برنامج على دريم مع وائل الابراشي واللي سمعته من اللي شافوا الحلقة ان الشيوخ اللي كانوا موجودين ادبوهم كويس وعلموهم الأدب

بس عموما ربنا بحفظ مصر واهلها مش ممكن هيسيب الناس دي تاخد مصر من الاسلام ابدا خليكي فكرة حديث رسول الله مصر هى كنانة الله في ارضه نمن ارادها بسوء قصم الله ظهره

و لا يهمك يا فطوم، انا بتحصلي نفس المواقف برضه و احيانا مش بالاقي اصلا مكان فاضي في المكتب اعرف اتكلم فيه، لان القبيلة كلها بتبقى منتشرة، و اوقات كتير مش باخد بالي اصلا ان الموبايل رن لاننا كلنا عاملين موبايلاتنا سايلنت عشان البيه المدير بينزعج لما بيسمع صوت الرنات مع ان هو صوت موبايله بيفكرني بقذيفة الهاون!!! (محدش يسألني و انتي سمعتي قذيفة الهاون فين!!! ما انا قاعدة طول ال 24 ساعة اسمع اخبار اكيد سمعته في العراق و الا فلسطين و الا افغانستان!!)

تعرفوا حاجة مهمة جدا، ان محاولات طمس كلمة فلسطين مستمرة و منها على سبيل المثال الصحف العربية اللي بتصر انها تستخدم التعبير الصهيوني "الاراضي الفلسطينية او المناطق الفلسطينية"!!!! مع ان اصلا الزفتة اسرائيل دي هي اللي الشعب عبارة عن قصاقيص لا تصلح لترقيع ثوب مش لصناعته حتى!!!! و جرايد عربية كتير تكرر نفس الكلمة!! سبحان الله يعني حتى و لا تل ابيب دي تتكتب في اي ورق رسمي اسرائيل لان مفيش اصلا حاجة اسمها اسرائيل دي اراضي فلسطينية محتلة!!!! دول بيعملوا لنا غسيل مخ عشان نعترف بضياع اراضي 48 و عدم احقية فلسطين ليها و طبعا شوية شوية حنقر بضياع اراضي ال67 و عدم احقية فلسطين فيها، و شوية شوية نقر بضياع ارض الرافدين و انضمامها لدولة اسرائيل الكبرى و و و و و لحد ما المخطط كله يكتمل و تبقى كلها مناطق و احنا نعيش في كانتونات و همه يعيشوا في بيوتنا!! حسبي الله و نعم الوكيل


اسفة عالمداخلة الكئيبة بس اصل ساعات بافقد اعصابي من اللي باسمعه و اشوفه

نودى هو مش فتح الله ده فى اسكندريه !! ايه الى جابه هنا ؟ هو فاتح هنا ولا انتى تقصدى ايه ؟ مش انا رحت اخيرااا كارفور بتاع اسكندرية .. كان جميل جداااااا وكبير جداااااااااااااااا ايه كل ده ! ده الى هنا مالوش لازمه جنبه ان شاء الله المره الى جايه اقعد فيه اكتر لأننا كنا مستعجلين عشان السفر
صباح الخير يا فطومه ربنا يعينك يارب انتى ونودى على شغلكم يارب هاتوا اساعدكم شويه بدل ما انا قاعده دلوقتى بعد الدقايق عشان اليوم يخلص اصل انا مديرى عقبال عندكم قال ايه مسافر عمره !! نصاب ومفترى و ..و...و....... ومسافر عمره ! شفتوا :(