السلام عليكم
انا جيت اهو
بلبه ازيك انا سالت عليكي علشان كنتي مختفيه
ام جوجو اخبار جوجو ايه دلوقتي ان شاء الله تكون بخير
رانيا سلامة بنتك الف سلامه عليها وربنا يشفيها يارب
ايه
بصي يا ستي
انك تكوني عنك اولاد صالحين انا مش شايفه ان ده يصلح هدف ممكن تكون رسالتك في الحياه
انما الهدف اللي انا قصدي عليه انك تحطي لنفسك هدف وخطه يعني ايه؟
يعني مثلا تقولي انا هدفي كمثال يعني اني اخد الدكتوراه مثلا يعني
يبقى هاجيب ورقه وقلم واقعد مع نفسي اشوف قدراتي ايه وامكانياتي ايه ووقت فراغي امتى واحدد مده معقوله لتحقيقي الهدف ده اهم حاجه تحديد المده
يعني تقولي مثلا قدامي 7 سنين علشان اقدر اخد الدكتوراه يبقى السبع سنين دول كل سنه لازم اكون حققت جزء معين وهكذا مش عارفه فهمتيني ولا لا بس لو مش فاهماني اقول تاني مش مشكله
غير تحديد المده تبدأي تحددي الطريقه المناسبه لتحقيق الهدف
طيب هاقولك حاجه لو حبينا نرجع للهدف اللي انتي حاطاه انك يبقى عندك اولاد صالحين
انتي لسه مخلفتيش مش كده؟
طيب لو ده هدفك حاتحطيله مده يعني تقريبا هايكون 20 سنه لما الاطفال بتوعك يبقوا رجاله او ستات قادرين على تحمل المسئوليه جميل
خططي بقى للعشرين سنه دول من دلوقتي
ايه رايك تجيبي مثلا كشكول كبير كده وتقولي مثلا ان ده هايبقى دليلك في ال20 سنه اللي جايه
تقري كتب عن التربيه السليمه وتكتبي في الكشكول الحاجات اللي عجبتك وحسه انك تقدري تطبقيها على اولادك
لما تتفرجي على برنامج عن التربيه السليمه او التغذيه للاطفال او التربيه الدينيه ........حاجات كتير ومجالات كتير ممكن تنفك وسجلي كله في الكشكول بحيث تبقى مستعده لما يجيلك اولاد ان شاء الله
هواياتك قولتيلي الطبخ والازياء
جميل
طيب الطبخ فروعه كتير يعني مش اللي بتعرفي تعمليه ده هوه كل حاجه جربي مثلا لو عندك الامكانيه انك تروحي تاخدي دروس طبيخ في الايتاليان مثلا ((الاكل الايطالي بس بدلعه))
او لو انتي حاسه انك شاطره اوي ومش محتاجه دروس ادي انتي دروس في الطبيخ للناس اللي متجوزه جديد او البنات اللي على وش جواز ويعرفوش يدخلوا المطبخ
الميكب بأه هوه هواياتك وممكن تحوليه من هوايه لاحتراف تروحي تاخديلك كورس عند حد كويس وتكونيلك عده محترمه كده وتبتدي تعلني عن نفسك وتعمليلك البوم صور
بصي
كل حاجه محتاجه اصرار واراده
طيب انا هاقولكوا حاجه ليكو كلكوا باه امبارح شوفت بنت اسمها اماندا عندها 8 سنين وبتشارك في ماراثون جري للتوعيه بامراض اللقلب جميل بس هيه بتشارك مش بالجري لا
هيه عامله ترابيزه على جنب كده بتبيع عليها عصير ليمون اسمه عصير ليمون اماندا وبتجمع الفلوس بتاعته للتبرعات البنت دي تاني سنه ليها السنه دي بس حققت شهره غير طبيعيه وكمان نجحت نجاح رهييييييييييب وهدفها ان السنه اللي جايه تجمع لوحدها 50 الف دولار
ودي طفله 8 سنين كل الحكايه بس عندها عزيمه واصرار ولو شفتوها بتتكلم مش هاتقولوا ان عندها 8 سنين اطلاقا

ام يوسف وحشتينى ولولو وهبة وكلللللللللللللل البنات ياجماعة حد منكم شعر ان المية فى مصر فيها حاجة الى حس يرد على من شوبة زوجى اتصل وقال لى اشترى مية صحة لان فية ناس جالهم امراض يعنى احنا فى مصر ناقصنا المية كمان انا حاسة ان جوزى دة بيشتغلنى وبيقول اى كلام يا عبد السلام على فكرة انا باخد دروس فى السواقة الى منكم عملت كدة تقولى خدت كام خضة لان بعد ست حصص الراجل دة ودانى الطريق السريع اليرى امبارح واللة حسيت انى سوف اموت من الحوف ايهما اصعب الطرق السريعة ولا وسط الزحمة طب اخد كام حصة من فضلكم جد يرد على ضرورى

ازيك يا هيام
انا هارد عليكي
انا اخدن حصص سواقه وبعد اول حصه روحت البيت لقيت اخويا اتقلبت بيه العربيه((هههههه ))
لا بجد
انا اخدت 6 حصص على العربيه اللي الراجل كان بيعلمني عليها وكنت دايما نطلع على المحور
واخدت حصه كمان على العربيه اللي هاركبها وكانت في شارع فيصل والهرم الساعه 2 الظهر
والراجل كان كل شويه يتشاهد ومتبت ايده على فرامل اليد
بصي انا الاول كنت باقول الطريق السريع اسهل من الزحمه وبعدين رجعت اقول لا الزحمه اسهل لانك مش بتسرعي بالعربيه وانا مش بحب السرعه
بس في الاخر كله تعود
يعني هيه هتاخد منك شوية وقت في التعود وبعد كده خلاص جمدي قلبك

اميوسف انا عايزة اعرف كام حصة لان الرجل المدرب مخصوص وحاسة ان الفلوس عاجباة قوى وحايفة انة يت\\ بفضل يدينى حاجات هبلة وياخد فلوس وبس ياترى لما غبت حد سئل على
ب

نبيلة ا\يك اية اخر اخباركم انا شعرت انى دمى تقيل شوية فيطلت اكتب