ايوة يا كات اخته هى اللي قالت لي هو كده زودها ومش تعديهاله على خير علشاتن مش يكررها تاني وانا الصراحة ما كنتش مستنية كلامها انا كنت ناوية له على نية سودا يعني وصحيح ما رديتش قدامهم بس اول ما روحت اديته كلمتين في العظم وطبعا رد على واتخانقنا

لأ لسة مش لاقيت شغل ادعولي يا بنات

أيمان

الاستخارة دي احلى حاجة في الدنيا والله يكفي انك بتقولي يا رب لو فيه خير

هاحكيلك على حاجة
من كم سنة كنت متضايقة قوي من الناس في الشغل ونفسيتي تعبت وكمان الشغل حصلت فيه مشكلة وكان هيقفل وكنا معرضين للرفد في اى لحظة
المهم في الوقت ده اتعرض على شغلانة في مكان دائم مش مؤقت زى بتاعي وراتب اعلى كان تقريبا ضعف اللي آخده وكنت رايحة عليهم بتقلي ومعجبين بشغلي قوي

المهم عملت استخارة اني اترك شغلي واروح عندهم وقلت ربنا يسهل اتفقت معاهم ورحت امضي العقد وانا قاعدة مستنية مجلش الادارة يمضي عرفت انهم في آخر لحظة اختاروا حد تاني واقل مني كمان في الخبرة وطبعا في الراتب

فقلت قدر الله وما شاء فعل تمام

بعدها سبحان الله امور الشغل عندي اتحسنت كتير واترقيت براتب اعلى وبعد ما كنا هنترفد ثبتونا وفضلنا بعدها 3 سنين كمان ايه رايك بقى؟


المهم يا بني

ايمان نسيت اقوللك ان علامة الاستخارة تمام الحاجة مش الأحلام وان الرؤية بتكون للأولية والأنبياء اما احنا فالعلامة هى تمام الحاجة وتكوني كلك ثقة في الله انه مش هيضيعك وانت بتاخدي رأيه

يا بنات ده انا باقول دعاء الاستخارة حتى وانا باشتري لعبة لياسمين

كات ميرسى يا قمر تعبتك معايا .. وعقبالك انتى كمان لما تعملى حنتك ونفرح بيكى

ام ابيها... بصى معلش انا راى مختلف عن البنات شويه ..بس بصراحه انا صعب عليا واتضايقت انه كان بيعيط جنبك وانتى سمعاه وما اخدتيش بخاطره .. ايا كان خلافاتكم بس كده حتكونى انتى الأحسن منه انك توسيه وتبطبطى عليه وممكن بعد كده تحلوا خلافاتكم بهدوء وبعتاب بسيط بعد الحاله الى هو فيها تعدى .. وتقوليلوا انك ما بتحبيش ان حد يدخل فى خصوصايتكم حتى لو اخته او مين وان انتى بتحافظى على الموضوع ده قدر الامكان عشان اسرار بيتكم ما تطلعش برا .. ساعتها ممكن انه يندم انه عمل كده وياخد باله من النقطة دى مره تانيه ... بس بجد لازم كنتى تكونى معاه فى موقف الوفاه ده مش يحس انك تعزيه وخلاص بس حطى نفسك مكانه لو كان الوضع بالعكس كنتى حتعملى ايه ؟؟؟ كنتى حتحبى انه يعمل معاكى ايه ؟

هااااااااااااااااااااااااااااى بنات
أنا مش بادخل كتير المنتدى بس لما بادخل والاقى تجمع مصرى لازم أسلم

صباح الفل لكل البنات الحلوات

والله يا شيري مش هادافع عن نفسي بس انا صعب على خالص يا بنتي انت اصلك مش متخيلة ده تعمد انه يعمل كده قدام اخواته والشغالة علشان يضايقني وعارف انها اكثر حاجة هتزعلني وتضايقني فعملها، لأول مرة لاقيت نفسي صعب على ودموعي بقيت حبساها بالعافية عندهم وانت تقولي لي اصل كان متضايق ما هو انا كمان كنت متضايقة وبدل ما يصلح في وقتها لأ زودها كمان

وعلى فكرة بقى علشان تبقى عارفة ان شاء الله لما تتزوجي في المستقبل في مواقف لازم تبقى قوية فيها وما تضعفيش مهما حصل لأنها بتكون اختبار لرد الفعل لو تنازلتي مرة هتتكرر كثير

انا كان نفسي اهون عليه بس انا كرامتي غالية ولازم يعرف كده وانها من كرامته

مش هتصدقوا انه كل الموال ده علشان اول ما وصلنا عند باباه اضطريت انزل اشتري حاجة (وباقول اضطريت لأن بنت عمه كانت مستنية في الشارع اروح لها) واتأخرت نص ساعة يعني المشوار كله اخد نص ساعة وباباه كان جعان وما قدرش يتحمل التأخير يا سلالالالالالالالالالالام عليه هو باباه