يا فطوم انا مش بقولك تتنازلى عن كرامتك بس هو تنازل مؤقت لحد الموقف الى هو فيه يعدى لأن بحس ان اصعب حاجه موضوع الوفاة وخصوصا انه بييجى على جرح لو الواحد عنده حد متوفى ويفتكره ... وبعد كده تتعاتبوا وتفتحى الموضوع وتقولى الى انتى عايزاه واه قلبك اسود وقماصه كمان ويقول الى يقوله بس لازم تفهميه غلطه .. بس كل الى بقوله كان بعد موضوع الوفاه ده ما يعدى تتعاتبوا وتفتحى الموضوع تانى ...
المهم دلوقتى مش فى الى فات خلينا فى الى جى .. انتى استنى انهارده بمعاملتك الرسمى معاه وخلصوا العزا والكلام ده كله .. وبكره كده او فى الوقت الى تشوفيه مناسب ولوحدكم افتحى الموضوع واتكلمى معاه وقولي له ان كرامتك من كرامته وان ماكنش المفروض يعمل كده وخصوا كمان قدام الشغاله والمفروض كمان اى خلافات بينكم ما تكونش ادام ياسمين وفى اوضتكم ... وربنا يهديه لك يارب وصفحة وتقلبوها باذن الله

ميرسي يا شرشر

انت ايه اخبارك بقى؟

كات ازيك ياقمر
ام ابيها طبعا انا عارفه ان صلاة الاستخاره مهمه وكمان بتحسى بيها انك قريبه قوى من ربنا وان لا حاجه فى الدنيا تهمك وانا مش بقول احلام طبعا بس انا بتكلم ازاى الانسان يفهم المعنى يعنى مثلا انا صلتها 3 مرات وكانت شبه مستحيله فتيسرت جميع الأمور تماما فاعتبرت ذلك اشارة طيبه انا اكيد مش معترضه ولا ندمانه على شئ بس عارفين احساس انى مفهمتش صح تعبنى شويه
وقدر الله وماشاء فعل الحمدلله

وعلى فكرة يا أم ابيها انا كمان لما باجى اشترى او اعمل اى حاجه لياسمين
بقول "اللهم اكفنيهم بما شئت وكيفما شئت"
"رب دبر لى أمرى فإنى لا احسن التدبير"
والحمدلله ربنا بينور بصيرتى علشانها ويارب يحفظها نعمه

صباح الخير يا بنات وحشتونى جدا جدا والله ميرسى على سؤالكم كلكم انا الحمد لله بخير ايدى وجعانى جدااااااااااا بس الحمد لله على كل حاجةةة اطمنوا عمر الشقى بقى

وبخصوص محمد جه يوم الجمعة واخواتى استلموه بقى كلام جامد جدا وهو بقى اللى جاى عليه انا خايف عليها علشان بحبها واان ساكتة خالص وزعلان جدا انى مش قولتله على العملية انا كنت قولت لحماتى واخته لما كلمونى علشان يهدونى راحت اخته قالتلى ايوا انتى بتقولى كدا علشان قلبه يحن عليكى ويجى جرى فطبعا بعد الكلمة دى استحالة اقوله

الحمد لله انا بقيت احسن من الاول واسلوبى اتغير معاه خالص مبقاش نعم وحاضر بتوع زمان ربنا معايا يارب

مبروك على المضيفة الجديدة

حمد لله على سلامتك يا جنة قلقنا عليكي يا بنتي معلش الف سلامة عليكي
بصي كلام اخته استفزني بس الحمد لله ان اخواتك كلموه كويس

أيمان

قصدي اقوللك ان الموضوع ده طالما مشي اكيد فيه خير بس انتي لسة مش شايفاه يعني على المدى البعيد هيبان زى موضوعي كده انا كنت فاكراه وحش لكن طلع كويس

وما تعتمديش على الأحلام يعني طالما استخرتي مع استيفاء كل المجهودات يعني لو مشروع مثلا درستيه كويس وسئلتي كويس وبعدين عملتي الاستخارة ومشي يعني عملتي اللي عليكي اكيد ربنا مش هيضيعك

تعرفي الشيخ الشعراوي الله يرحمه كان دايما يقول جملة في تفسير عبور سيدنا موسى وقومه البحر "كلا إن معي ربي سيهدين" دايما يقول انه موسى كان متأكد تماما وكله ثقة ان ربنا هيعديهم من البحر رغم انه خلاص على بعد خطوتين منه والمية تكدب الغطاس زى ما بيقولوا فهمتيني؟

المهم بقى فين باقي البنات انا لسة محتاجة ردودكم

انا عارفة ان زوجي هيعند ويكابر لأني مش كلمته وسامحته على طول زى ما كان عاوز ركزوا معايا اعمل ايه؟