يا بنتي منا قصدى انك تستمرى في البوز والتحرك بشكل آلي في البيت وهتبئى حرب اعصاب مين اللي يسلم الاول بس اهم حاجة لو خدتي الموقف اوعي تضعفي عشان هيبئى عارف ان ده اخرك

والله يا هايا احنا كمان اتفقنا على الأساسيات دي قبل الزواج بس كلام الليل بقى انت عارفة باقي المثل، ما تعرفيش ليه بعد الزواج كل حاجة بتتغير ما حدش يقوللي علشان كنتم مش على طبيعتكم قبل الزواج انا باتكلم على طباع الشخصية

يعني انا فضلت مع زوجي تقريبا بدون مشاكل تذكر ولو حصلت على طول نصالح بعض ونفوتها اول سنتين

السنة التالتة دي بقى يظهر هرشة

معقولة كدا يا بنات سايبنى قاعدة فى المضيفة القديمة مستنية حد يرد عليا وفين و فين لقيت مكتوب موضوع مغلق ............كله من الواد ياسين أصله كسر النضارة .
عموماً ربنا دايماً يجمعنا على حبه و طاعته و يألف بين قلوبنا .
جنة ......... ألف ألف سلامة عليكى يا جميل و عجبنى جداً أنك دخلتى أخواتك فى الموضوع لأن دا هيخليه يفكر ألف مرة قبل ما يعمل معاكى أى موقف مش يزعلك و يصالحك بكلمتين و خلاص و ربنا يجمع بينكم فى خير و يوفقكم لطاعته و يهديه هو و كل الرجالة .
أم أبيها ........ أنا عارفة إن الموقف صعب و إنك متضايقة جداً بس معلش فيه ظروف صعبة بيمر بيها يبقى أكيد محتاجك و محتاج حنيتك و أهتمامك و عطفك اللى مش ممكن يلاقيهم عند حد غيرك و صدقينى عمره مش هينسالك و قوفك جنبه و نسيانك لإهانته عديها المرة دى و لو لا قدر الله أتكررت هلم البنات والأكياس و السواطير نجيلكم و هتشوفى هنعمل فيه إيه روقى و ربنا يصلح ما بينكم .
سمسمة ........ إنتى لسه بتضحكى من إمبارح يا بنتى دى حاجات أوفر و بيئة جداً و مش غايظنى غير موضوع الريموت دا أنا العيال لو عايزة أشوف حاجة فى التليفزيون أدوخ ويوسف يقولى مع سيف و سيف يقولى مع ياسين و الآخر ألاقيهم مخبينه عشان محولش الكارتون . طب لو جبته وسألونى الريموت دا بتاع إيه أقولهم إيه ؟ ردى بقى .

الله يسلمك ام ياسين انا اتعلمت الدرس اى حاجة دلوقتى بيتكلم فيها مع اخواتى مش معايا انا

لاقيت الكي بورد مش بيكتب وقعدت اقلب في الأزرار لحد ما اكتشفت انه السلك بتاعها مشدود

ضحكتيني يا أم ياسين والله على ولادك ياسمين برضه بتموت في الريموت ما اعرفش ليه مش كفاية باباها عليا واخد الريومت احتكار ولو اخدته منه تبقى مسألة كرامة يجب ان تمحى باني ارده له تاني