نيجى بقى لفاطمه
بصى يا طمطم انا كنت متردده اكتب بس شيرى شجعتنى
الاصل فى تعاملاتنا هوه الاسلام يا طمطم واحنا دين تسامح ودى اول مره يا طمطم تحصل منه حاجه زى دى صح؟؟؟ والراجل حس بغلطته وانتى بوزتيلك شويه يبقى كده كفايه وخليها معاملة فضل مش معاملة عدل يا طماطم وده مش معناه انك تتنازلى عن كرامتك لا طبعا بس هوه فعلا صالحك وباسلوبه وتقريبا كل الرجاله بيعتبروا ان الاعتذار اكتر من كده ضعف وبيتحرجوا يظهروه وهايكرهك لو حس انك بتخليه مضطر يبقى ضعيف مع انه شايف انه بجد اعتذر باسلوبه...... الموقف كمان مش لصالحك خالص لانها هاتبقى نقطة سودا فى تاريخك عنده انك ماوقفتيش جنبه معنويا بجد فى الموقف اللىهوه فيه .........الحل بقى من وجهة نظرى انك تتعاملى عادى وتعتبرى ده اعتذار وافىفى الوقت الحالى وبعدين خالص بعد مايهدى وانتم فى موقف كويس وبتهزروا مثلا تقوليله افتكرت صحيح عشان بس مش ابقىشايله منك الموقف اللى حصل الفلانى انا اعتبرته مهين لكرامتى بس لانك كنت محتاجنى فدى اكبر عندى من اى حاجه بس انا ماكنتش ناويه اسامحك وده اللى هايحصل لو اتكرر تانى وبس تكملى كلام فى موضوعكم عادى بس تختارى وقت حنيه منه كده عشان مايقلبش عليكى وتانى برضه تأكديله ان احتياجه ليكى ووقوفك جنبه هوه اللى كان اكبر من اى حاجه ساعتها
ده رايى يا طمطم ويا ريت تعمليه بنية ارضاء ربنا وص\دقينى اكيد ربنا ان شاء الله هايبارك فى اللى بينكم عشان انتى نويتيها لوجهه سبحانه وتعالى
ربنا يهدى سركم يا رب ان شاء الله يا طمطم
ربنا معاكى يا نوسه يا رب وان شاء الله مش تحصل حاجه تانى ابدا يا رب ويالله بقى يا بنتى انتم هاتتجوزوا امتى عاوزين فرح قريب فى المضيفه على وش الجزء السادس
la rosa
•
جنة الف حمدلله على السلمة يا جميل وعلى رأى سمسمة سيبك من محمد وامسكى فى اخته شكلها سوسة
فطومة والله البنات هنا ممتازين بيهدو الواحده على الاخر لما تفضفض معاهم وكل واحده تقول رايها بتلاقى الغليان اللى فى قلبك هدى شويه وبقيتى احسن بدل ما تطلعى الشحنة كلها عليه وتتقلب على راسك فى الاخر ولا انتى ايه رايك؟؟؟
على فكرة انا من رأى سمسمة وشيرى فى التسامح بس لو من النوع اللى بيشيل زى ما هايا قالت لازم تختارى وقت مناسب وتعاتبى عشان تصفو
شطارتك انتى بقى تختارى الوقت والكلام المناسب اللى يوصله مدى الاهانه اللى حسيتيها ورفضك التام لتكراره من غير ما يترفز ويقوم نظام قلب الترابيزة اللى هم شاطرين فيه
لازم توصليله مدى احساسك بالموضوع لان فى رجاله مبتقدرش وقع الكلام الى بيطلع منهم على الست وبيعتبروه بسيط وملحاش حق تكبر الموضوع
وفى الاخر ارجع واقولك انتى اكتر واحده ادرى بجوزك وايه الاسلوب اللى ينفع معاه
فطومة والله البنات هنا ممتازين بيهدو الواحده على الاخر لما تفضفض معاهم وكل واحده تقول رايها بتلاقى الغليان اللى فى قلبك هدى شويه وبقيتى احسن بدل ما تطلعى الشحنة كلها عليه وتتقلب على راسك فى الاخر ولا انتى ايه رايك؟؟؟
على فكرة انا من رأى سمسمة وشيرى فى التسامح بس لو من النوع اللى بيشيل زى ما هايا قالت لازم تختارى وقت مناسب وتعاتبى عشان تصفو
شطارتك انتى بقى تختارى الوقت والكلام المناسب اللى يوصله مدى الاهانه اللى حسيتيها ورفضك التام لتكراره من غير ما يترفز ويقوم نظام قلب الترابيزة اللى هم شاطرين فيه
لازم توصليله مدى احساسك بالموضوع لان فى رجاله مبتقدرش وقع الكلام الى بيطلع منهم على الست وبيعتبروه بسيط وملحاش حق تكبر الموضوع
وفى الاخر ارجع واقولك انتى اكتر واحده ادرى بجوزك وايه الاسلوب اللى ينفع معاه
الصفحة الأخيرة
انا النهارده اديت لنفسى اجازه رسميه بقى ماهو كده كده مرتباتنا موقوفه من شهرين يالله بقى بجملة
ايناس ..........حمد لله على السلامه يا قمر طهور ان شاء الله ..... نوسه لمؤاخذه بقى سيبك من محمد وخليكىفى اخته دى اللى لازم يتحطلها حدود بقى من حالا مش محمد خالص......اعملى مقاطعه تامه وان اتكلمت هيا يبقى الرد على الاد خالص عشان مالوش لازمه الضرب تحت الحزام وانتى سخنه على الاخر من غير حاجه.........اما محمد فكفايه عليه كده يا نوسه هوه عرف بالشكل ده انك زعلانه وانك بتقدرى تاخدى رد فعل يبقى كفايه ومشى الامور عادى لان انتم بتحبوا بعض مش اتنين مخطوبين والسلام يبقى اخواتك موجودين يردوا مكانك فى اى حاجه........خليكى طبيعيه بقى عشان ماتحسسيهوش انه ضعيف ادامك خلاص بقى يا نوسه كان فيه فعل وحصل رد عل من عندك وانتهينااحسن اسهل حاجه عندهم يقولوا اننا نكديين وقلبنا اسود وربنا يهنيكم ببعض يا رب ويبعد عنكم الشيطان
ام ياسين............اه صحيح هوه ده ريموت ايه بقى يا ام ياسين هههههههههه
شيرى........ازيك واخبار ضهرك ايه النهارده وخليكى مستمره على الكريم شويه يا شرشوره وقايه
ايمان........على فكره الاستخاره توكيل لربنا يا منمن مش شرط ان الامور متسهله يبقى فيها الخير لا هيا كده كده كانت هاتبقى متسهله بس عشان مفيهاش خير وانتى موكله ربنا بيبعدها عنك ولو على اخر لحظه زى مثلا انا ليا صاحبتى صلت استخاره ومشيت فى الخطوبه سنه وكتبت الكتاب وبرضه علطول استخاره وقبل الفرح باسبوع ماحصلش نصيب وزعلت جامد بس سبحان الله عرفت حاجات بعد كده خلتها تحمد ربنا انه انقذها فى اللحظات الاخيره
هبهوبه......... ماتقوليليش بقى انتى برضه شغاله فى متواليات الحلو والحادق دى ده انا ابتدوا يشكوا انى فيا حاجه يا بنتى ومش بدى لنفسى استراحه شغاله الله ينور (الواحد بياكل عشان ينسى هههههه)
باقى من الزمن 15 يوم يا بوبه ترارااراا