طيب سلام دلوقتى يابنات علشان لسة ورايا هم ما يتلم علشان اولاد اختى معلش كله بثواااابه :hahaha:

صباح الفل يا Rouna:26:
صباح الفل يا ايمان ...ام ياسمين طب شوفيلنا كدة اى وصفة تانية يا ايمان ان شاءالله عن التيكست اللى بدور فيه دلوقتى:hahaha:

يا هبة عبد العظيم حظك ان الشهر دة 31 يوم صحيح :hahaha:

صباح الفل يا شيييييييييييييرى

صباح الفل يا منمن .......منى عبد العذيذ المستخبية

ايوة يا دندونة معاكي حق انا لاحظت كده انا لما اجيب لشادن لعبة من اللي في محلات اتنين جنيه ونص بتفرح بيها يمكن اكتر من اللعب اللي بميات اللي بتجيلها

عارفة لسه كنت شاريالها عروسة بيبي معاها الببرونة والبوتي بتاعها من كارفور وكانت هتتجنن عليها من شهرين ولما اشترتهالها انا قلت بقى دي هتلعب بيها طوول الوقت تعرفي عملت ايه؟؟؟


هما يومين وبعد كده اترمت زي الباقيين ولما اقولها مش هتلعبي بالبيبي تقولي لا دي وحشة مش عاوزاها

علشان كده متستغليش في اللعب بالعكس هاتي من الرخاص لانها اخرها يوم ولا اتنين وخلاص بتترمي حتى كمان علشان لو اتكسرت متزعليش
ههههههههههه

صباح الخير يا بنااات

جنة
عامله ايه دلوقتى يا قمر ..ان شاء الله يكون فى تحسن

أم شهاب
أهم حاجه انك تعرفى ازاى تتعاملى مع اهل جوزك يا جميل
لأن فى منهم اللى بييجى بالاسلوب الحلو والحنيه وفيه اللى مايجيش غير بالعين الحمرا
وطبعآ كله فى حدود ..يعنى تتقى الله فيهم مهما كان

بس انا ليا رأى تااانى فى المعامله مع اهل الجوز وهى
انك تتجاااااااااااااهليهم وتبعدىىىىىىىىى

بمعنى تليفون كل فترة او زيارة ع الماشى وبالنسبه لجوزك هو حر لو عايز يروح كل شويه مش مشكله دى امه...لكن انت خليكى بعيدة ولو سألوك وعاتبوكى مش بتيجى ليه اتحججى بالحمل والتعب والبيت ووو

والله يا بنتى انا عندى حماتى كل ماروحلها تقعد تقولى مش بتيجوا ليه..مش بنشوفكو ليه وكل ده قدام جوزى لكن لو كلمتها فى التليفون او و هو مش موجود ولاااااااا تقولى ابقى تعالى ولا خلينا نشوفك ولا حاجه
انا بحس انها بتتعمد تقول كده قدامه بس لكن هي مش فارقه عندها اروح ولا آجى

بس بجد انا اكتر حاجه اتعلمتها ان البعد هو الحل وفى نفس الوقت تسألى وتتصلى وتزورى بس على فتراااات وحاولى انك تمشى حالك معاهم وماتتكلميش كتير يعنى طول مانتى قاعده خليكى"بجد!...ياسلاام ...والله؟؟...آآه"وصدقينى هترتاحى اوىىىىىى

أم ابيها
انا بقى بموووووووووت فى لبس البناااااات وخلى بالك ماتفتكريش حالة الشرا دى بتكون فى اول بيبى لأ دى حاجه كده فى الدم

انا بادخل محلات لبس الاطفال اتجن مع ان فى اسكندريه مش بتكون رووعه اوى كده
عشان كده انا عذراكى فى القاهرة الحاجه روووعه

ضحكتينى على اللعب ..أصل انا كمان لما باشترى لعب جوزى بيقولى انت بتجيبيها عشانك مش عشان البنات هههه

دون
كلامك منطقى وعملى جدآآآ
بس أكيد وهما صغيرين كانو مبسوطين باللعب والحاجه اللى كنت بتجيبيهالهم لكن لما كبرو نسيوو وده طبيعى
انت اشبعتيهم فى مرحلة معينه من عمرهم مش على طووول
واحلى حاجه الاعتدال ده غير ان مش المفروض الطفل يتعود ان كل حاجه تجيله وكل حاجه عايزها ياخدها""حد يقولى ازاااااااى عشان انا مش عارفه اعمل كده خااالص وكل حاجه شبطانين فيها والا عياااط....يعنى ممكن نبقى لسه شاريين لعب أد كده وبعد كام يوم يشبط فى لعب تانى وتلاقى علامات الغلب على وشه وانا ماعنديش وماعنديش مع انى باجيبله لعب كتيير...!!!!!!!!

مش عارفه ليه شطحت كده بعييييد

صباح الفل عليكم

ربنا يخليكى يا طمطم .........ز انا كويسه الحمد لله حاولت افش غلى واتنرفز قدام ناس امبارح اخت فوق دماغى عادى جدااااا حتى النرفزه مش مسموحه ما علينا اهو بتعدى الحمد لله.........على فكره يا فاطمه من تجربه مع اخواتى الاتنين واصحابى الفرق الكبير بين الاولاد بييجى على حساب نفسية الطفل الاول بشكل وحش ونفسيتهم بتبقى تعبانه اوى وانتى مش بيبقى فيكى حيل للعلاج النفسى بقى والمشى على قشر بيضه مع الكبير انما لو صغير شويه مش بيحس اوى بان الحاجه الجديده دى مأثره معرفش بس والله دى من تجربه حسيتها اوى مع اخواتى وواحده صاحبتى


ايمان ..................ازيك انتى يا جميل

كات.......... الله يسلمك يا توته

ام ياسين...........خلاص يبقى انتى كده عرفتى المفتاح بس ماتاخديش على كده انتى شديتى المره دى ادى بقى شوية حنيه عشان ماتقلبش عليكى قلبه كبيره

عندي مشكلة في حضانة ياسمين

الميس بتاعتها اللي بتحبها قوي مشوها حصل موقف رخم مع ولية أمر غبية (انا كنت واقفة) والست هددت صاحبة الحضانة انها هتاخد ابنها من هناك فطبعا جت على الميس الغلبانة

المهم خبوا علي يومين والنهارده التالت باطلبها قالت لي اللي حصل

رحت مكلمة صاحبة الحضانة وقلت لها معلش بقى الموقف حصل قدامي وانا اصلا مش باودي بنتي عندكم الا علشان منى دي تقوموا تمشوها دي بتربي ياسمين معايا و بنتي تايهة في الحضانة من غيرها
من هنا لهنا قالت لي ان شاء الله هترجع بس لما تتشد شوية

انا بقى خايفة ما ترجعهاش او تضايقها علشان انا اتكلمت لصالحها