صباح الخير يابنات

لفلى انجل كلامك صح بس انتى بتقولى ماتروحيش وابعدى بس هما مش بيبعدوا لازقين طول الاسبوع وخصوصا حمايا سايب الحاجه مراته وقاعدلى والله مانافع معاهم اى حاجه ومشكلتى انى عبيطه
مبعرفش اسلوب العين الحمرا

لولو كاشا (الاء) دماغك مش معانا ام ياسين اللى كانت رايحه لحماتها مش انا
انا بقا حماتى جتلى النهارده خدت جوزى ومشيت

ام ياسين جدعه وربنا عقبالى انا كمان ياررررررررررررررررررررررررب

ام ابيها ربنا يرزقك بيبي زى القمر يارب

بمناسبه اللعب انا جوزى كل مايروح حته يشترى لعب اطفال ويقعد يلعب بيها لوحده قلب بيبي بجد مرة طياره مرة عربيه هوا يروح يشتري لعب وانا اشتري هدوم للبيبي حاجه الاطفال تهوس

رونا نورتينا ياقمر

هبه عبد العظيم وافقى على العريس بقا هيجبوا رفضك علينا بس اهم حاجه اتاكدى من مامته بيقولك اقلب القدرة على فمها يطلع الواد لمامته

جنه ياجنه يامطنشانا اخبارك ايه يانونه

كل البنات جيسكا
سمسمه
ميلسا
ميرو
بوتا
بلو روز
لاروز
توتا
كات
دووووووووووووووووووووووووووووووووون
مشمشه
هايا
صباحكم فل وورد وياسيمين

ردوا عليا قبل ما امشي مش تطنشوني انا متضايقة قوي علشان منى

دينا

والله معك حق تصوري مرة شبطت في لعبة من اور كيدز فرو وانت عارفة الفرو عندهم غالي قوي ماركة بقى وهبل المهم هى باعرضها عليها عجبتها قوي وقعدت تضحك وخدتها في حضنها وما رديتش تديها لحد خالص فاشتريتها والله العظيم واحنا على باب المحل رميتها ومن يومها مش عاوزة تبص في وشها الكلام ده من قبل رمضان

كاى سا هى يا بنات
يعنى ازيكو.. احفظوها بقى
انا عجبتنى نصيحة دون لام ابيها
بصى كمان ان شاء الله لما تحملى وتجيبى بيبى هدوم ياسمين وهى لسه بيبى اكيد لسه جديد يعنى مش هتجيبيله كتير لان اجسام الاطفال بتكبر بسرعة والهدوم بتبقى لسه بشوكها
على سيرة الاطفال تصدقو اوقات بحس انى متحمسة وعايزة اجيب بيبى واوقات لما بفكر فى ظروف الحياة اللى بتصعب يوم عن يوم خصوصا ان الحياة هنا غالية جدا وكل اللى عنده عيال وفى مدارس بيشدو فى شعرهم بقول الحمد لله يمكن كل تأجيل وفيه خير
بس برضه الواحد ميستغناش عن الاطفال
ربنا يرزقنى
هقرا باقى الكلام وارجعلكم

ربنا يرزقك يا لا روزا يا رب وان شاء الله تبشرينا عن قريب
الأطفال احلى حاجة في الدنيا ربنا ما يحرم حد منهم خالص

امبارح افتكرت الولادة والبيات في المستشفى وفضلت احاول افتكر في الألم مش عارفة تخيلوا رغم اني تعبت كثير انتم عارفين