بالنسبة لمنى يا فطومة الارزاق بيدى الله وانتى عملتى اللى عليكى وقلتى كلمة حق
وبعدين غلط بنتك تتعلق باى حد غيرك
انتى عارفة كانو جايبين مرة فى برنامج عن تعلق الاطفال بالمربيات طبعا الحالة مختلفة بس يعنى على سيرة الموضوع
ولد كان متعلق بالمربية بتاعته جدا ومامته متعرفش عنه اى حاجه كل حاجه بيحتاجها يروح للمربية
المهم مشو المربية الولد نفسيته باظت ودخل فى دور اكتئاب ووزنة نزل المهم ابوه اضطر انه يسافر سريلانكا بلد الست ويدور عليها فى كل حته عشان يرجعها
انا مش بقول ان ياسمين وصلت للمرحلة دى ولا انك متعرفيش عنها حاجه زى ام الولد
بس لازم تفهميها ان المس دى مدرستها وبس وانها مسيرها تطلع من حياتها

فطومة زى ماقالت لاروز الارزاق بيد الله وان شاء الله تجى واحده احسن من منى ياستى خليها على الله وفرفشي بقا

ام شهاب يا صباح الفل
انا قاعدالكو فاضية بكلمكو من البيت مصدقت الموقع فاتح معايا لانه بيطلع عينى فى الشغل على ما يفتح
بعد ربع ساعه هنزل اروح الشغل وارجع الساعه 8 ونص
والله الحياة صعبة وشغل بس
الاجتماعيات هنا ملغية والراحة اتنست خلاص

انا عارفة يا بنات ياسمين متعلقة بها في الحضانة طول ما انا مش موجودة لكن لما تشوفني بتسيب اى حد حتى باباها

بس ياسمين اول ما وديتها كانت 4 شهور يدوب ودخلوها لمنى وانا برة على بال ما دخلت الغرفة وهى مش واخدة بالها اني دخلت لاقيتها نازلة بوس في ياسمين وواخداها في حضنها ومن يومها وهى متعلقة بها منى حنينة قوي علشان كده انا كمان باحبها باطمئن على البنت معاها

المهم انا هامشي دلوقت اراكم يوم الاثنين ان شاء الله

مش احنا عندنا شغل الأحد لكن مش جاية ولاد المتضايقة (على رأى دينا) هينزلونا شغل علشان السفارة شغالة جتهم البلاوي هم والسفارة ما هى السفارة بتاخدج الاجازات الأمريكي واحنا لأ اشمعنى

يلا باى دلوقت

يعنى كلكم اجازات سبت وحد واحنا ولاد البطة السوده
اقعد اكلم نفسى يعنى لغاية الاتنين
انا اللى عندى مش ولاد المتضايقة دول ولاد اللى كاره نفسها مبناخدش اجازات خالص ولا فى اى مناسبة حتى العيد يويمن بس ولو هاين عليهم ينزلونى الجمعه ينزلونى
قطيعة