Noody30 :

السلام عليكم و رحمة الله و بركاته ازيكم يا حبيبات قلبي جميعا؟؟؟ معلش سامحوني، اوقات كتير مش باعرف ادخل اسلم عليكم لضيق الوقت خصوصا ان الشغل ضغطه زاد عندنا اوي الايام دي و المكتب في حالة توتر مستمر. ياللا بقى دعواتكم معايا هبة حبيبتي مش حأقولك اكتر من اللي البنات قالوه، بس فعلا حاولي انك تتجاهلي المواقف اللي بتحصل دي لانك مش ممكن حتقدري تغيري الجانب الاسود من النفس البشرية، لكن حاولي تتفاديه و بس رانيا سبانيش و منى و ام باسل و لؤلؤة و شيري و سكرة هانم و كل البنات شكرا على سؤالكم عني و ربنا ما يحرمني منكم ابدا. سبانيش رنرونتي، انا بصراحة مقرتش المقال اللي بتقولي عليه، بس زي ما ام باسل قالت، ولادك حيتصرفوا زي ما ربتيهم و مفيش حاجة حتغيرهم الا اذا كان فيه حاجة في اساس التربية مهزوزة، و طبعا احنا بنعمل كل اللي نقدر عليه اننا نخلي اساس التربية ده صلب و جامد و البنت عندنا بمية راجل، و الا ايه يا قمر؟؟ ام باسل، انتي ولادك ما شاء الله عليهم، ربنا يحميهم و يخليهم لك و يفرحك بيهم. يا بنتي و لا ضايقوني و لا حاجة، اطفال و عاوزين يلعبوا و ينطلقوا سيبيهم ينطلقوا. انا باحب الاطفال المتحركين و المنطلقين، الطفل الهادي زيادة عن اللزوم ده باقلق عليه. ربنا يحميكي انتي و الاولاد، و جزاكي الله خيرا على رأيك الحلو فيا :) لؤلؤة، طمنيني على يوسف، صحته اخبارها ايه دلوقت؟؟ الف سلامة عليه يا ماما هبهوبة الف سلامة عليكي يا حبيبتي، خلي بالك من الجو و تقلباته و بلاش شرب مية ساقعة و ناخد بالنا من التكييف و المراوح يا جماعة، و ربنا يبعد عنكم كل شر رونا ، انا مشفتش الحلقة، بس رأيي ان اللي حصل في موضوع هند و بنتها ده غلط اوي، دلوقت كأننا بنشجع على الزنا و الحمل بدون زواج و كمان لهم الحق يسجلوا الاولاد وو ياخدوا حقوق بدون زواج شرعي!!!! ده اسمه ايه ده بقى؟؟؟!!! اما بجاحة الطرفين، فلا تعليق عليها، و ربنا يرحمنا برحمته. موضوع حجاب حنان بقى، فحأقول بس ربنا يثبتها و يهديها و يهدينا جميعا ام ابيها و ميرو و رواء و ام ديموس و ام جودي و ام مورة و دندونة و سمكة و سندريلا و كهرمانة و كات و قطة سامح و رونا و روشانا و ام يوسف و كل الناس اللي منورانا، سلامي لكم جميعا ملحوظة بسيطة لهيوم، انا مع ام باسل في كل كلمة قالتها، نفسي افهم ليه بتكتبي كلامك على بعضه بدون فواصل و لا مراجعة و لا ترتيب!!!!! طيب حتى راجعي هجاء الايات القرآنية اللي بتكتبيها لان كده حرام!!! اما عن الشكوى المستمرة، احنا مش بنقول لحد متشتكيش لان عادي احنا بناخد رأي بعض في حاجات كتير و بنشارك بعض في همومنا، لكن لو بصيتي لمشاركاتك حتلاقي انك بتتكلمي لوحدك طول الوقت و بتكرري الكلام و بتاخدي صفحات كتير في ترديد كلام ما منه داعي، يا ريت لو عندك شكوى مستمرة في شئ معين تدخلي قسم الحياة الاسرية و تكتبيها في موضوع مستقل هناك لان حرام ان المضيفة صفحاتها تكتر عالفاضي في ترديد مشكلة واحدة من نفس الفرد حتى بالرغم من ان البنات حطولك حلول عديدة جدا. طبعا كالعادة يا اما حتتجاهلي الكلام، يا اما حتردي رد ملوش اي علاقة باللي انا قلته، يا رد فعل تاني انا مش حاتفاجأ بيه، بس على الاقل انا قلت رأيي في اللي انا شايفاه

السلام عليكم و رحمة الله و بركاته ازيكم يا حبيبات قلبي جميعا؟؟؟ معلش سامحوني، اوقات كتير مش...