السلام عليكم جميعا
نودى
اهلا بيكى يا قمر

هبة نفسي اكتبلك كلام كتيييييييييييييييييييييييير قوى بس مشعارفة ابتدى منين ولا منين
اصلى الكلام اللى انتى قولتية كانك كنت عايشة مشكلتى فى احد فترات حياتى واللى انتهت اخيرا ولله الحمد بانى سبت المكان كله ليهم ياكلوه(بس للحق كان فى ظروف خارجية تانية هى اللى شجعتنى اخد القرار ده ووالحمد لله عشا ن ماتجننيش زى وتسيبى الشغل على طول كده :)
انتى لسة بنوتة وقعدة البيت تزهق الشغل احسن )
بس بجد انا حسة بيكى ومش قادرة اقولك زي ما البنات قالولك سيبك منهم خليكى فى شغلك
اللى يقول يقول واللى يعمل يعمل طالما انتى بتعملى شغلك صح
كل الكلام ده انا جربته عمليا وللاسف منفعش معايا لأن الواحد عمليا ميقدرش يعيش جوة بالونة لوحدة لازم يتعامل مع الناس ولازم الناس تتعامل معاه
ولازم يحس انهم كويسين معاه او على الاقل مفيش كرة او ضغائن شايلنهاله فى قلبهم
على فكرة فى ناس تقدر تعمل كده
بس انا شخصيا الموضوع ده كان مأثر معايا نفسيا جدا لأنى احب اتعامل مع الناس وماحسش ان حد كارهنى
احساس بششششششششع انك تتعاملى مع ناس انتى عارفة انهم مش بيحبوكى وحاسين انك احسن منهم وواخدة صلاحيات انتى متستحقيهاش مع ان انتى تستحقيها فعلا

عايزة ااقولك حاجة يمكن تنفع معاكى ويمكن تقدرى تعمليها
حاولى ماتحسسيهومش بالفرق ده (هاتقوليلى المديرين بتوعك اللى بيحسسوهم بكده عارفة)
حاولى تتعاملى معاهم عادى وكأن مفيش حاجة وابداى انتى بالكلام والسؤال ولو فيه خدمة تتقدرى تعمليها لحد فيهم او اى مساعدة ما تتأخريش يمكن تفرق معاهم ويراجعوا نفسهم وضمايرهم
حاولى يكون ليكى مش هاقول اصدقاء عشان دى حاجة صعبة شوية لكن اقول زملاء تانين بس كويسين بعيد عن الى شغالين معاكى
اهو دول اكيد مش هيضايقوا منك فى الشغل فى حاجة لأن كل واحد ليه شغله وصلاحياته بعيد عن التانى
وممكن دول يكونوا زملاء كويسين تتعاملى معاهم وتتكلمى معاهم احسن من اللى بيشتغلوا معاكى فى نفس شغلك

بس بجد ربنا يكون فى عونك

السلام عليكم
نورتى يا نودى
وجزاكى خير على كلامك على ولادى ربنا يكرمك ويرزقك بالذريه باذن الله وبدعيلك والله وربنا العالم
=موش كده يعنى موش انا لوحدى
حتى لما حد بيكتب ليها نصايح ما بتعلقش وبترد بحاجه تانيه ولا حتى بتقول عملت ايه
هيه حافظه حاجه بتدخل تقولها فى كل مره وخلاص وبتعيدها الاف المرات معرفش لفت انتباه
او ايه بالظبط
يا هييووم انتى حتى مبتكلفيش نفسك فى الرد على حد بيوجه ليكى كلام وده بيضايق ناس كتير مننا لاننا بنتفاعل مع بعض فى الكلام
وبعدين تبتدى كلامك بسخريه ونصه شكوى
وفى اخره ايه قرائنيه حافظاها وكمان لا تجيدى كتابتها وده بيعتبر تحريف فى كلام الله
شوفى الخطر الكبير اللى بتعمليه
معلش يا هيووم انا الحاسه السادسه عندى وحشه اوى وبصراحه بتقولى ان فيه شيء فى شخصيتك موش حقيقى
معرفش؟؟
حاستى السادسه اوعدك ان كنت غلطانه فيها اقتلها وادفنها اعتذارا ليكى اذا كنت اخطات فى حقك
بس للاسف انا حاستى السادسه عمرها ما خيبت معايا ابداااا
وعلى فكره ده كلامى لكل البنات
المسلم المؤمن ربنا مديه فطره ولله الحمد سليمه اللى بنقول عليها بالبلدى الحاسه السادسه اوقرون الاستشعااار
ولما بيقرا كلامك حتى ولو بدون تعليق منه على الصفحه لكن بينه وبين نفسه بيقول
ايه ده --هى مالها --هو فيه ايه بالظبط
وفى الاخر يلملو كلمتين من مشاركتك ويعمل اللى عليه وينصحك لوجه الله
حبيبتى انا هقولك حاجه بس
الانسان لازم يتقى الله فى كل شيء وكل عمل بيعملو الانسان بينقلب عليه
اذا كنتى واخدانا تريقه
اتقى الله
ان كنتى متنكره وداخل عشان غرض معين اتقى الله
ان كنتى وان كنتى اتقى الله
واتمنى ان شخصيتك الحقيقيه تظهر بينا
وصدقينى مرحبين بيكى طالما انتى اخت 0واكرر اخت لينا فى الله
وربنا يهدينا اجمعين
ويصلح ليكى الحال
واستغفر الله واتوب اليه ان كنت اسات الظن بيكى

شكرا على الرد الجميل بس الى زعلان منى لية يزعل هو انا لاسمح الله متهمة وادافع عن نفسى او انا طلبت منكم شى ماددى مساعدة مثلا عموما شكرا على النقد الجميل وشكرا على كل كلمة جارحة والله لو وحدة منكم فى الطروف دى كنت انا اول واحدة رديت عليها معلش انا من نصف ساعة هدانى الله وعرفت انى انا محملة نفسى فوق طاقتى بس الله المعين ارجوا من الى مش عاجبها الكلام لا ترد وتكتفى بالدعاءبالا يبليها بحياة مثلى وعموما انا حروح اسكندرية يومين اغير جو بدل الحبسة فى البيت مع النت لكن بالنسبة للغة العربية انتا طبيبة وعشت باوروبا فترة معلش وا\ المصرين زعلنين من ممكن اكتب للمضيفة فى اى دولة تانية هما سوف يفهموننى انا بكرة سوف اكتب لكم من العجمى علشان القاهره حر

بنات

انا بعت رساله خاصه للمشرفه شام
و كتبتلها في صفحه المغتربات
و بقيه المشرفات
ياريت تعملوا كده برضه لان خاصيه الابلاغ الفوري عن المخالفات ملغيه
علشان اللينك اللي كتبته خاله الاموره
ربنا يهدينا جميعااااااااااا

يا أخت هيوم و احنا حنزعل منك ليه؟؟؟ مش مسألة زعل، هي مسألة تعجب، و ما شاء الله عليكي حتكتبيلنا من العجمي عشان القاهرة حر؟؟؟!!!! و "اذا المصرين زعلنين من ممكن اكتب للمضيفة فى اى دولة تانية هما سوف يفهموننى انا بكرة سوف اكتب لكم من العجمى علشان القاهره حر"، و هي العجمي بقت دولة تانية يا دكتورة؟؟؟ و مضيفة ايه اللي حتكتبي لها بس من أي دولة تانية؟؟!! مش بأقولك فيه حلقات تفاهم كتير مقطوعة!! يعني لا انتي حتفهمينا و لا احنا حنفهمك. و اذا كان الموضوع ان تعليمك اجنبي مثلا فمش بتعرفي تتكلمي عربي، طيب اكتبي انجليزي يمكن نفهم

أقول ايه بس؟؟ ام باسل، احنا قلنا "خيرا" و دلوقت بقى حان الوقت ل"الصمت" و كل واحد مسئول عن كل كلمة بيكتبها فلا داعي ان انتي او انا او اي واحدة في المضيفة عندها نفس الرأي تتعب نفسها في جدل عقيم

خالة الامورة، شكرا على الرابط و عموما واضح انها عضوة جديدة داخلة تشعللها و الحكاية من ناقصة ازمات من النوع ده، ربنا يهديهم. و انا رديت عليها و اعتقد ان حتى بقية العضوات استاؤا من كلامها و مش فاهمين هي تقصد ايه

و شكرا يا رانيا على تبليغ المشرفة، المشكلة ان الموضوعات مش فيها خاصية التبليغ دلوقت لكن كويس انك بعتي لها عالخاص