السلام عليكم و رحمه الله و بركاته
ازيكم يا بنانيت عاملين ايه؟
تودى حبيبتى ايه أخبارك دلوقتى و بتآخدى الدواء ولا بتطنشى؟
لولو كان الله فى عونك انتم السابقون
منى ازيك يا جميله و ايه أخبار اسكندريه كدة؟
أم أبيها ايه اخبار ياسمين دلوقتى ؟ إن شاء الله تكون بقت كويسه
أم باسل كلامك جميل ماشاء الله عليكى إنتى و ام أبيها ربنا يباركلكم
رانيا ايه أخبار مشوارك يا رب يكون عدى على خير و إتوفقتى فيه إن شاء الله
سمسمه ازيك يا حبيبتى عامله ايه؟
يا بنات انا صاحيه عندى صداع جامد و مش عارفه اعمل ايه ؟ صحيت بدرى و قمت خدت الدواء بتاع الضغط و نمت و لما صحيت لقيت الصداع لسه موجود شويه دة غير القىء بقه بتاع كل يوم الصبح لما تعبت والله بس الحمد لله طبعا على كل شىء والله المستعان
يا بنات هو الموز بيتخن ؟

يا هبه إنتى فينك يا بنتى؟ كان عندى سؤال من باب الفضول و كدهوت هو ايه مجموعه هبه عبد العظيم دى؟

صباح الفل عليكم كلكم
وحشتونى جدا
انا مختفية و كالعادة محدش سئل مش مشكلة انا عارفه مشاغلكم
انا استفدت مت كلام منى و ام ابيها بخصوص التواليت انا نفسى ابدا الموضوع ده مع يويو بس كل ما احاول ابدا يتعب منى و ارجع فى كلامى تانى
عملت ليويو تحاليل و طلع عنده نقص حديد و انيما و طلبوا تحاليل تانية مش عارفه علشان يتاكدوا من عدد كرات الدم الحمراء و مدى تمسك الحديد بها و حاجات كده مش فاهمها
المهم انى حضطر اوديه يعمل تحليل دم تانىىىىىىىى
انا اول مرة كان حيغمى على و كان ابوه هو اللى مسكه كنت حموت و هما بيدخلوا الحقنة فى وريده و بيدوره على وريد
بنات انا خايفة جداااااااااااااااو قلقانة
مش عارفه حاسة انى مش عارفة اربى يوسف مش عارفة اعمل ايه
على الرغم من انى كنت بقعد كتير باولاد خالاتى و عماتى
و يوسف كمان عنده اسهال و هى الدكتورة شاكة انه عنده دوزونتريا(نزلة معوية)مش عارفه الاقيها منين و لا منين و طالبه تحليل براز
انا اتجننت خلاص
الضغط اللى على اعصابى كتير قوى ده بالاضافة انه مش بينام كويس و كل شوية يقوم مفزوع يا قلبى و يعيط و ساعات يمسك ايديه و ساعات يبضرب بايديه كانه بيضرب حد
انا عايزة ارقيه لو حد منكم معاه الرقيه الشريعة يا ريت يقولى عليها و ازاى ارقيه
ادعولى و ادهو ليوسف ربنا يشفيه و يحفظه من كل شر و يشفيه
و لو حد فيكم يعرف عايزة احط ليوسف برنامج للاكل و الشرب و اللعب و كده
انا كنت فكرت قبل كده اوديه حضانة (بار تيم )يعنى ساعتيت او 3 فى اليوم بس اكون معاه لكن لما سئلت فى الحضانات قالولى انت كده حيتعلق بيكلى امتر
ايه رايكم
انا خايفة اوديه و اسيبه اصلا مش مثقتنعه بافكرة دى
ادعولى انا فعلا محتاجة دعوتكم جداااااااااا

مسلمة

الصداع يا حبيبتي من اعراض الحمل ، والموز مش بيتخن خالص ومغذي جدا انا حتى اسمع عن ريجيم الموز اوعي تسيبي حاجة في نفسك ما تاكليهاش ده انا عملت عمايل يا بنتي اشتهيت كل انواع الفاكهة اللي ربنا خلقها مع اني في العادي مش باكلها من البطيخ للمانجة للمشمش كله كله واكثر حاجة كانت المانجة اكلت جنينة لوحدي من اول ما ظهرت لحد ما خلصت وولدت

عليكم السلام و رحمة الله و بركاته

حبيبتي مسلمة ازيك انتي يا قمر؟؟ سلامتك يا حبيبة قلبي. شوفي انا قريت اكتر من مرة عشان موضوع الغثيان الصباحي للحامل، انك لازم يكون عالكومودينو بتاعك بسكوت مالح و كل يوم قبل ما تقومي من السرير تاكلي بسكوتين و ان شاء الله تخف الحالة دي عندك. اما موضوع الصداع فمش عارفة أفيدك بايه بس هو الصداع من الضغط العالي و اللا المنخفض؟؟ و هل الدكتور وصفلك حاجة معينة تاخديها تمشي مع الحمل؟؟ خلي بالك بلاش ادوية الا لو وصفها الدكتور و ان شاء الله تقومي بالسلامة يا قمر. بالنسبة لسؤالك عن الموز هو فيه ريجيم موز بس ده بيعتمد اساسا على أكل الموز و بيقلل الوزن، لكن فيه انواع ريجيم مينفعش يدخل فيها الوزن لانه بيخل بنظام السعرات الحرارية بتاعها، دي معلوماتي يا جميلة