منى ومسلمة ولؤلؤ صباح الخير جميعا

مسلمة دى طبعا حاجات طبيعية جدا وربنا معاكى ان شاء الله

لؤلؤ الف سلامة على يوسف ومتقلقيش انت اكيد من كتر حبك ليه حاسة دايما انك مقصرة معاه
ربنا معاكوا يا كل الامهات اللى ابتديتوا البوتى ترانينج
المهم الصبر وعدم العصبية ده فعلا اهم حاجة زى ما منى قالت

أم أبيها و نودى جزاكم الله خيرا على الرد . هو انا مش نفسى فى الموز بس الدكتور قالى لازم آكل فاكهه كتير فقلت قبل ما آكل من الموز أسأل بيتخن ولا لأ لأنى مفروض أحاول ما اتخنش دة غير إنى ممنوعه من الملح خالص فى الأكل لحد لما الضغط ينزل فعلشان كدة بستسهل الفاكهه لأن الاكل من غير ملح مالوش طعم خالص والله المستعان

لؤلؤة حبيبتي، ازاي بس محدش بيسأل عنك؟؟؟ دا انتي حبيبتنا و أختنا الجميلة. ربنا يعينك و يقويكي و يشفي يوسف. معلش يا ولاء دايما الطفل الاول بيبقى عنده مشاكل كتير لان الاب و الام بيتعلموا فيه و احيانا الخبرة لوحدها مش كافية لان تجربة كل واحد تختلف عن التاني لاختلاف الاطفال نفسهم. بالنسبة للرقية انا كنت كاتباها قبل كده بس مش فاكرة فين حادور عليها و احاول ابعتهالك عالخاص ان شاء الله. بالنسبة انه بيقوم مفزوع بقى و الحاجات دي، شغلي له قرآن دايما يا ولاء، او اقريه بصوتك انتي و انتي قاعدة وياه. و هو نايم خلي في اوضته الكاسيت و فيه قرآن شغال او راديو على محطة القرآن الكريم عشان يبقى نايم مطمئن ان شاء الله. و حاولي تضميه كتير و تقربيه ليكي. بالنسبة للحديد معلش اطفال كتير بيبقى عندها النقص ده، عموما عليكي و الكبدة اعمليله كبدة باكتر من طريقة عشان ميزهقش، و العسل الاسود، ممكن تحطي عليه نقطتين طحينة كمان عشان يستسيغه لو مش بيحبه كده. و ان شاء الله يبقى زي الفل. معلش طولي بالك و استغفري طول الوقت و خليك صلبة كده و جدعة، امال هي "الجنة تحت أقدام الامهات" ليه؟؟؟ مش بالصبر و الجلد على اللي بيشوفوه في كل فترات الامومة؟؟

ازيك يا سمسمة عاملة ايه دلوقت

وانتي يا أمولة ماشية تمام مع الدوا

لؤلؤة صباح الخير

ازيك يا منمن وازى هنا؟

الحمد لله ياسمين احسن لكن لسة الكحة والرشح انما اتحسنت الحمد لله

سلام دلوقت علشان الشغل

لؤلؤة سلامه يوسف ألف سلامه و ربنا يعينك و يقويكى