السلام عليكم و رحمة الله و بركاته

مش عارفة أبدأ منين و الله، بس ربنا يقدرني و اعرف اقول لكم كلمتين مفهومين بعد الغيبة دي كلها

اولا مبروك يا دندونة على افتتاح المضيفة الجديدة و تسلمي لي على كل التهاني الحلوة اللي حطتيها ليا، انا فريت الملفات بسرعة عشان احاول اجمع اخباركم كلكم بس حاسة اني تايهة لكن حبيت اشكرك فعلا على انك دايما بتجمعينا سوا و تشاركينا كل احاسيسنا. ربنا يخليكي لينا و لكل اللي بتحبيهم

ثانيا، الف مبروك لكهرمانة على الولادة، حمدا لله على سلامتك يا ام حبيبة و ربنا يخليهالك و تبقى بنت صالحة تتربى ي حضنك انتي و ابوها و ربنا يرزقكم برزقها و يفتحها عليكم

ثالثا، البقاء لله يا ميرو في خالك و ربنا يجعلها اخر الاحزان و يصبركم على فقدانه

رابعا، ام ابيها موجودة معانا و الف حمدا لله على عودتها بالسلامة، انا شايفة اسمها منور على باب المضيفة من بره

خامسا، بما اني منقوعة في السياسة عشان طبيعة شغلي، فاسمحوا لي مش حاشارك معاكم في الحوارات السياسية- الدينية الملتهبة اللي دخلتوا فيها لان دماغي مكركبة بيها بما فيه الكفاية، و كان بودي اننا نبعد هنا عن مناقشة الموضوعات دي و نخلي الملف بس للمناقشات الخفيفة بعيدا عن متاهات السياسة و جدلها

سادسا، باشكر كل من اتصل بيا و لسه بيتصل و كل اللي بعتوا لي رسايل و اللي سألوا عني هنا في المنتدى و وقفوا جنبي الفترة اللي فاتت، و باشكر حبيبتي سماح اللي حضرت فرحي و كانت اول حد سلمت عليه و انا داخلة قاعة الفرح و بجد ساعتها افتكرتكم كلكم. كمان باشكر كل اللي دعوا لبابا و يا ريت تكملوا دعواتكم لان حالته الصحية لسه سيئة و ربنا يلطف بيه و يخفف عنه يا رب

سابعا، باسلم عليكم كلكم واحدة واحدة بدون ذكر اسماء تفصيلية عشان محدش يزعل لو نسيت اسم

ثامنا و ده الاهم، اذا نسيت اي حاجة او نسيت اعلق على كلام اي حد او فاتني اي موقف سامحوني لان اللي فاتني كان كتير و لاني فعلا عندي شغل كتير اوي اوي

باحبكم كلكم في الله

الف حمد الله على السلامه يا نوودى
الف مليون مبروك يا جميل وربنا يسعدك ان شاء الله
ربنا يشفى بابا ويقوم بالسلامه ويعطيه الصحه

بجد ام ابيها رجعت طيب هى فين
الف حمد الله على السلامه

الله يبارك فيكي يا كات، عقبالك يا جميلة، انتي فرحك قرب مش كده؟؟ و جزاكي الله خيرا لدعائك لوالدي ربنا ما يحرمنا من التجمع الحلو ده ابدا

بالنسبة لام ابيها همه خلاص حيرجعوها بس هو الايقاف له مدة زمنية محددة لما تخلص بتقدر تكتب تاني، و دي حاجة في كل المنتديات، يعني هو مش زر يضغط يرفع الايقاف، لا لازم ننتظر شوية لحد ما مدته تنتهي، يعني كملوا كلامكم عادي و تراجعوا عن المقاطعة لان سبب المقاطعة خلاص انتهى خصوصا و ان كل المشرفات اكدوا انها حترجع، و خلوا بالكم هو عملوا ايقاف بس مش الغاء عضوية، يعني كأنه مجرد انذار مش طرد نهائي و لا حاجة و طبعا لما اتضحت لهم الصورة وانها سنية اكتفوا بالايقاف و حيرفعوه. عموما انا شفت اسمها مكتوب في قايمة المتواجدين في ساعدوني و ده معناه انها قدرت تستخدم الاكاونت و تدخل

و على فكرة يا بنات، الموقف ده كان حيحصل في اي منتدى مش هنا بس حتى لو منتدى مصري لان في العادة بيكون من الشروط الابتعاد عن مناقشة الامور الدينية و السياسية المثيرة للجدل، يعني الموضوع ملوش دعوة بجنسية معينة، انا شفت المواقف دي في منتديات من جنسيات مختلفة و حصل فيها نفس التصرف

ياللا اشوفكم كلكم على خير

دلي رباعيه ازيك ومتزعليش والله مش بتكون مقصوده اني مسلمش عليكي

نووووووووودي ازيك وحمد لله علي السلامة والف الف مبروك يا قمر وربنا يشفي والداك ويقومه بالسلامة

كات صباح الخير ازيك

دون متزعليش والخطبة اللي انتي قولتيها فظيعه ههههههههه

وصحيح ام ابيها رجعت حمد لله علي سلامتها مستنينك يا ام ابيها

شكرا يا نوودى فعلا انا خلاص فرحى اخر السنه ان شاء الله
وهدخل فى الجد بعد رمضان يعنى ان كل حاجه دلوقتى بعملها بمزاج
ادعلى يا نوودى
انتم الاسبقون

توتا 2006 ازيك واه اخبارك
انا الحمد الله كويسه
انتىمن اسكندريه وبتشتغلى ولا لا