انا بخير الحمد لله انا اصلا من اسكندريه لكن حاليا بالقاهرة مدينه نصر ومش بشتغل وانتي

الف الف مبروك وربنا يتمم لك بخير يارب ربنا معاكي

الله يبارك فيكي يا توتا متحرمش منكم و لا من لمتنا الحلوة دي، و جزاكي الله خيرا على الدعاء

بنات، ليا طلب عندكم، إنسان عزيز جدا جدا جدا عليا و والد واحدة صاحبتي اتوفى امبارح الفجر و انا لسه عارفة الخبر حالا، ارجوكم ادعوله بالرحمة لانه كان راجل طيب جدا و كان تعبان اوي الفترة اللي فاتت و انا كنت لسه عنده في المستشفى يوم السبت اللي فات بس الخبر صدمني اوي. تخيلوا هو اللي راح معايا انا و جوزي و احنا بنحجز القاعة و هو اللي حجز لنا بس سبحان الله لا هو و لا والدي قدروا يحضروا كتب كتابي و لا زواجي مع انهم كانوا اهم اتنين بالنسبة لي في الايام دي. ربنا يرحم الاستاذ سيد و يغفر له و يسكنه فسيح جناته و يجعل قبره روضة من رياض الجنة و لا يجعله حفرة من حفر النار و يصبر زوجته و اولاده على فراقه، و يشفي والدي و يخفف عنه و يلطف بيه

انا لله وان اليه راجعون ربنا يرحمه ويغفرله ويسكنه فسيح جناته ويصبر اولاده وزوجته

البقيه في حياتك يا نودي

البقاء لله يا توتا، انا بجد حاسة اني مصدومة من الخبر، بنته بتكلمني و هي تايهة و كان فرحها المفروض على شهر اكتوبر، و لسه جدها لوالدها و لوالدتها متوفيين خلال اقل من شهر و نصف، احداث متتالية مروا بيها بجد أثرت عليهم جدا، ربنا يخفف عنهم و يصبرهم و يرحم موتاهم و موتانا و موتى المسلمين جميعا

لا حول ولا قوة الا بالله ربنا يصبرها يارب الله يكون في عونها ويقويها