marat abona :

وش هالزيــن وش هالزيــــن .. من شفت العنوان وانا فيني الضحكه تذكرت حالتنا يوم نجي كانت رحلة الـــــــــــركـــــــــــض رحلتنا ياطويلة العمر كانت ميلان لندن 3 ساعات لوس انجلس .. طبعا رحلتنا كانت الساعه 7:45 الصباح وحنا نصحى متأخرين فا واصلنا ذاك اليوم وكانت معانا سياره مستأجرينها وبنسلمها بالمطار والمطار يبعد 50 كيلو عننا ومن زود الحماس ماسكرنا شناطنا قلنا دام اننا مواصلين فانخليها اخر شي ورانا الليل كله الله يقلعهم كل شي يقفل 7 دجاج .. المهم ويروح بونا يسوي الشيك اوت وانا اخذ شور على اقلل من مهلي وعقب ماطلعت قررت ارتب الشناط والمفروض اننا بنمشي 5 يالله يالله يمدينا المهم وانا اصفط وارتب وازين انا وابونا ومبرديييين الا ناظر ساعتي ونقز كانت الساعه 6 وتخيلو :eek: المشوار 50 كيلو وورانا تسليم سياره ونقص البوردنق وتدخيل الشناط وقلق وش بيمدينا نسوي !! المهم ونرررركض وانا شعري يقطر مويه ودرجة الحراره 5 واستشوار الفندق غببي يشتغل دقيقه ويطفي تقل الاستشوار الاصفر اللي من مبطي اللي ينقطع نفسك وانتي تنافخين فيه :09: حتى يشتغل قلت بالطقاق الله يستر علي بس توكلنا على الله وعلى ماجا اللي يشيل الشناط ونزلها وركبناها الا الساعه صايره 6:30 وياسلاااام ويوم ركبنا السياره الا تجينا المفااجأه مافي بنزين!!!!! :2thmup: مو ووقته قال ابونا بكيفه ان شالله بيوصلنا مانقدر نضيع دقيقه زود المهم وسبحان الله تصدف ذاك اليوم كل الاشارات اللي قابلتنا بذاك اليوم حممممر ونشغل النافيقيشن اللي هو اللي الجهاز بخرايط يدلك المكان اللي بتروحين له واتوقع اغلبكم تعرفونه المهم مالكم بالطويله ويطلع الحبيب لو باتري "سبحان الله تسلطت" وانا مدري وش جاني من زود التوتر قلبت مرووووقه وابونا منحمس وانا اقوله يابن الحلال خيره ان شالله "المشكله مافيه رحله بعدها الا بعد 10 ايام" .. وقف ابونا عند محطه بيعبي خوفا من المجازفه وتطلع المحطه غبيه ماعرفلها وياحول ويحاول اخر شي طلعنا وحنا ماعبينا وضاع الوقت ويدعس بالطريق وانا ماغير متنحه باللوح ماينفهم منها شي بس ازين شي فيها رسمة طياره والنافيقيشن يون بيطفي والبنزين عالامبتي وانا ادعي يالله يارب تبارك لنا بهالبنزييين الى مانوصل يارب تيسرها يارب وقبل مانوصل بكيلوين يطفي ابو الشباب هنا الوهقه احنا بنص دوار ونقعد نناقز ماندري وين نروح :hahaha: واقوله منّا منّا وانا أأشر على صورة الطياره ربي رحمنا فيها ونمشي على عمانا كل شي ايطالي ياحبيلنا كل شي عندنا بالانقليزي حتى ابو ريالين المهم ونزل الشناط اللي كبر قريح ونقش القراطيس "سيارتنا هذيك كانت شقة عزوبيه تشاكلت على تشيبس على كوك على مجلات على فواتير واللزي مننه" ويطير ابونا بالسياره لمكتب التأجير وانا انتظره بالمطار وصار الساعه 7:15 واعلنو عن رحلتنا وابونا ماجااا بغيت اصيح والحمدلله يجي ونطيير بندخل الشناط ومن زود الحماس رحنا مكان غلط وابونا يركض وانا اناقز وراه تذكرت دكتور فيل وزوجته وهي تناقز جمبه من طوله ماشالله المهم ونرجع وننزل تحت ونبي نقص الا قدامنا طابور وش كبره بس الحمدلله تسهلت اللي قاهرني العجوز اللي قدامنا رايح زوجها يتقهوى هو ووجهه وحنا منحمسين ننتظر المهم جا دورنا سألناهم كم شنطه قالو بس ثنتين لكم كلكم وحنا معانا 3 وادخل شنطة يدي بالشنطه الكبيره واقحش كلل اللي فيها واحطه بشنطة اللاب توب << يمديكم عالذكاء !! .. مو قته ادري دخلنا كلش وانتهينا وابشررركم الحمدلله وصلنا على خيير للطياره وركبنا طبعن انا عيوني من المواصله حممممممرا والمنظر تحت رهييب حسافه النوم عليه تخيلو جبال تحتنا قريبه كلللها ثلج عذاب وابونا والله ماشالله ربط الحزام وحط راسه ويوم وصلنا هيثرو لندن الى الاخلاق خربااانه وابونا ماله خلقي وانا فيني نوووووووووم بس الاااا مطار لندن مستحيل افوته بنوم "ذكريات" ونروح ونفطر يالله من فضلك ونمخمخ عاد عقب ماروق قلت له الله لايهينك فيه كم محل بمرهم قال ماشالله متى امداك تقزينهم!!!! قلت الله يصلحك حريم لاتشكك بقدراتهم :42: .. وحنا بنص التقظي الا يعلنون الندااء الاخير لطيارتنااا وحاطين بمكاننا لوحه انه من هالمكان الى البوابه ربع ساعه :eek: ونرررركض والحمددلله وصلنا عقب ماطلعت روحي وسألنا اللي عند البوابه معكم شي حاد قلنا لااا قال بشوف ويوم فتح الشنطه الا من حظي الردي نسيت اني حاطه ابره وخيط ويلقطهم وعيونه تلاقط وعيون ابونا بتذبحني ونركب الطياره وهنا المفاجأه الطياره كانت كأنك بنقل جماعي من الحفر لمدري وين زححححمه وكلها اطاليين وازعاج ومفغوصين بغيت اصيييح المهم ابشركم ابشركم ربي صخرلنا هكالهنديه اللي توكلنا لانها مسلمه فاتجيب لنا قبل الناس اشياء حلال والحمدلله عقب 9 ساعات وصلنا لوس انجلس العصر وهناا المأســــــــــــــــــــاة ... اول مانزلت من الطياره يستقبلني ذاك الكـــــلــب الأسود اللي يخوف ويقعد يشمشم ويلحس وانا احس من الخوف انحفر مكاني وابونا يكركر علي وانا حاااقده :mad: ويوم عديناهم الا نلقى هكالكلبين اكبر من الاول بغييت اصيح :icon33: قلت لابونا هذولا يفتشون بعد؟؟ قال يمكن مو دايم بس الحمدلله ماكانو لمنا كانو يلعبون كوره ياحياتي وانا على اعصابي لايرمون الكوره جنبي وعقب مااخذنا الشناط تجي ذيك الشرطيه هي وكلبها تدور على الشناط :icon33: قلت اللي هذا اوله ينعاف تالييه من حيني ماانام خايفه من الكلاب اللي اذا رحنا امريكا بنشوفها وماقصرو سوو الواااجب واكثر 4 طالعين ليي !!! وعقب نفاضة الكلاب لطعونا عشان الفيزا ساعتين وعقبها اطلقو سراحنا ومسكنا خط سان دييقو اللي على قولة ابونا ساعه صار ساعتين يقول وراه طال من عقبي؟!! << بلاك من النوم اللي فيك ... وصلنا سان دييقو بالسلامه وحطينا روووسنا ونما والله مدري كم . طووووووووووووووووولت عليكم ادري والله اسفه بس من جد هالمواقف ماتنسي ولو تدرون بمواقفنا مع القطارات كان حلفتو ماتسافرون :22: هههههه

وش هالزيــن وش هالزيــــن .. من شفت العنوان وانا فيني الضحكه تذكرت حالتنا يوم نجي كانت رحلة...

ام _الحلوين :

اهههههههههههه من شحططة المطارات قسم بالله اني كرهت السفر والطيارات من عقب رحتنا لامريكا وخصوصا الرحلات الداخليه حقتهم الي لو تمدين ارجولك توصل عند كابتن الطياره شوفي قصتي اهئ اهئ اهئ الصيف الي فات ما قررنا نروح للسعوديه الا قبل السفر ب 5 ايام :eek: :eek: الموهيم زوجي كان يدور على قبول يوم جاه القبول وضبط وضعه قال ما عندي شي بلديره اسويه سرينه للرياض وعشان عقد الشقه راح ينتهي بعد 5 ايام يعني لازم اصفي الشقه وانضفها واسوي الشناط السفر واطلع اشتري بلاوي ناقصتني انا وعيالي غير الهدايا الي لازم اشتريها لان مو كنا ناوين ننزل في ذي الفتره المهم من الكرف والتعب والفرحه بالرجعه اخر 24 ساعه ما اكلت ولا نمت طلعنا للمطار ولزحمممممممممممممممه كان يصادف عيد من اعيادهم مدي وشو ما اتذكره المهم صفينا وحطينا شناطنا وجينا عند التفتيش الشخصي عاد حنا مع الزحمه قالهم زوجي طيارتي بتقلع وهم انواع التطنيش عاد موضف الخطوط الي كان بالكونتر الي استلم عفشنا شافنا من بعيد وهم يفتشونا ذاك التفتيش الدقيق ويروح من النجاسه للبوابه حقت الركوب ويصكها وه باقي على الاقلاع شوي المهم واركضله قبل زوجي واقوله افتح الباب بعدهم ماقفلو الباب حق الطياره يقول اسف زوجي لما شاف الباب مقفل كلمه وقاله افتحه ترا ورانا رحله دوليه وابد يقول مستحيل ويروح زوجي للمدير حقهم وينفض عمره علهم ويقولهم هذي الخدمه ....انتم عارفين ان المطار زحمه وشهالنجاسه بموضفكم يصك الباب وحنا جايين المشكله انه عارف اننا على هالرحله ويتاسف ويقول في رحله الى نييورك من اورلاندو واحنا اصلا في تكساس وبتقلع بعد ربع ساعه وعطونا البوردنق واكتشفنا انهم ما كانو محملين شنطنا على الطياره الي فاتتنا يعني لو ملحقين عليها كان وصلنا لنويورك بدون العفش واشوا عد هذي لحقنا عليها ومن تكساس الى اورلاندو وجلسنا في المطار 3 ساعات واروح اتمشا واتقضا خبركم ناقصني هدايا ما امداني قبل السفر اتقضا واجي ابي احاسب تقولي وين بتسافرين قلتلها لنييورك قالت اسفه ما اقدر ابيعك لان محلنا تاكس فري وما نبيع الا للرحلات الدوليه قلتلها انا رايحه للسعوديه بعدين حرام عليم مقشقشه المحل قالت متى ما وصلتي نيورك اشتري:30: ورجعت الشياء اهئ اهئ اهئ وعاد اكتشف اني جوعانه ما اكلت من قبل يوم ونروح نتغدا وبعدها رحنا على نيورك واخذت من سوقهم المخيس ما يقارن بمطار اورلاندو ولحقنا على الطياره السعوديه الي يوم اني دخلتها حسيت اني مرتاحه للمعلوميه الرحله هذي تتكون من انا وزوجي وعيالي 4 سنوات 3 سنوات والثالث عمره سنه يعني انواع المعانا وصلنا حالتنا صعبه مرررررررررررررررررررره بعد شهرين من الاقامه في السعوديه وكنت راجعه وخدودي ورديه من الدلع والاكل السنع الا تجيك هذيك الرحله الي ما اتمناها لعدويني اقلعنا من الرياض الى جده ولازم ننزل جده طيب ليش خلونا جالسين ماله داعي النزله قالو الطياره بنغيرها خربانه:22: وننزل وننلطع في جده عاد خبركم مطارجده تحفه يصلح مره للعندها بزران مع الدرج الي تصعدينه وتنزلين منه للطياره يعني انواع التعب المهم رجعنا ركبنا ولا هي نفس الطياره ما غيروها نصابين بس يبونا ننزل:09: المهم الرحله الى الان حلوه ماشي حالها وصلنا نييورك وكان انتضار رحلتنا الثانيه لتكساس 7 ساعات جلسنا تمشينا وجا وقت الرحله ......وقالو بتتاخر ساعتين قلنا بصيطه ونركب بعد ساعتين ويوم صكو باب الطياره ولا تجي ذيك العاصفه الرعديه ويقول الطيار خليكم في الطياره لين تخف العاصفه وبعدين نقلع وطبعا الوقت كان باليل والعيال تعبانين وانا هالكانه وننتضر جوه الطياره ساعتين ما اقلع الطيار ولا كل المطار مكنسل الطيران عشان العاصفه وقالو خلاص انزلو ما في روحه:22: قسم بالله جتني الصيحه يعني انتضار 9 ساعات بالمطار و2جوه الطياره وبعدين ما في ليه حرام عليكم المهم قالو روحو احجزو يوم ثاني عاد العالم تراكض عشان تلحق على الحجوزات وحنا نسحب بعيالنا النايمين اهئ اهئ اهئ ولا المطار زحمه والعالم فارشه الارض ونايمه والكراسي...... والكراسي مالك مكان ولا لقينا حجز الا بعد يومين اهئ اهئ اهئ الساعه صارت 4 الفجر رحنا ندور على مكتب حق فنادق ولا العالم نايمه جنبه ويقولنا مافي فنادق كل الخطوط مكنسله الرحلات والعالم زحمه الفنادق كلها فل طيب قاله زوجي اي شي حتا لو بعيد عن المطار معليش قال مافي الا فندق يبعد ساعه ونص عن المطار وعلى الساعه 8 الصباح لازم تسلمها او بحاسبونك على ليله ثانيه وقيمه اليله 300 دولار طبعا غير التاكسي الي بياخذ حول 200 لانه بوصلك مكان بعيد عاد قالنا اصبرو الين 8 الصبح وتلقون في فندق المطار شي حلو مرتب ومع الشتل يجي وياخذنا من المطار قلنا بسيطه كلها 3 ساعات انتضار بس والله ال3 ساعات ماني قادره افتح عيوني من التعب وعيالي نوم ومرره انقهرت لما شفت عيالي نايمين على كراسي المطار حسيت ان مالي مكان الجأله حتا غرفه خاصه ماعندي الصراحه قعدت افكر بهالمتشردين الا ما عندهم لا سرير ولا شي وماصدقنا تجي الساعه 8 ونركض للفندق وننام يومين والله نوم موطبيعي حتا انا مسغربه عيالي ما حسو حتى بالجوع تعب ما يوصف طبعا هذا وعفشنا مو معانا يعني يومين في نييورك انا وزوجي على ملابس السفر غسلناها ورجعنا لبسناها:hahaha: وعيالي جايبتلهم غيارات ونفس الشي غسلناها واشوا ارتحنا بالفندق عاد جت رحله تكساس اول رحله من نيوورك الى سنسناتي وانتضرنا شوي ثم رحنا الى تكساس وصلنا الحمد لله وقعدنا بفندق لن شقتنا سلمناها وصفيتها وقعدنا يومين ريحنا طبعا عفشنا ما وصل منه شي حسبي الله عليهم انتضرنا يومين يالله وصل العفش كل شوي جايبين قطعه لحالها الى ان كمل العفش وبعدها رحنا اخذنا سيارتنا ورحنا على مزوري الي هي جانا قبول جامعه فيها وبس تلوموني اذا قلتلكم اني كرهت الطيارات والسفر:( عاد ابو زوجي يقول تعالو بعطله الكرسمس وهو بيتكفل بالتذاكر قلت لرجلي بعدني ما نسيت هذيك الرحله ما اقدر اطق المشوار مره ثانيه :22: وبس وبس اهئ اهئ اهئ اهئ عاد وش رايكم برحلتنا ما اعتقد في اسوء منها لا مع 3 اطفال:hahaha:

اهههههههههههه من شحططة المطارات قسم بالله اني كرهت السفر والطيارات من عقب رحتنا لامريكا وخصوصا...

طال السفر :

يالله موضوع رهيب هاذا ياطويلة العمر تزوجت ومن قرادة حظي جلست 6 ايام ويالله امريكا تناديك والاخت طال ماقد سافرت في حياتها خارج المملكه سياستي داخليه ولله الحمد :22: يعني من النوع الي يحرس المملكه الله يجزانا خير المهم حظرت طال الشناط ولا رحت اودع اهلي لاني اذا رحت اودعهم ماراح اطلع من بيتهم او اني ابطلع وشاقله امي معي ففضلو اني مااسلم عليهم مكتفين بتلفون طبعا شعوري مخلوط بين الاحزان لفرقا الديره والاهل والاحباب وفرحان اني بشوف الدنيا والصدمه اني ماقد طلعت برره الديره الصحراويه ودخلت مطار الملك خالد وخشتي كذا:42: قبل لايجور عليها الزمن وتشهب توني بقراطيسي ايه من قدها بتروح امريكا زين ماصكيت نفسي بعين من الفرحه مادريت وش الي مستنيني بلغربه :hahaha: المهم ودخلنا المطار ونا مبسوطه اتفرج على الرايح والجاي وتجي رحلتنا وكلعاده لازم الحظ يوقف عائق بوجهي جناح الطياره اليمين مكسور واضطرينا نجلس بلمطار 8 ساعات الين تضبط الطياره وزوجي يقول غريبه ماقد حصلي ان تعطلت الطياره والقى على نظره غريبه عارف ان البلا من المقروده الي معك المهم ركبنا الطياره ووصلنا لواشنطن وننزل المطار شفت الشقر والحمر منظر غريب وكني مطقوقه على راسي مدري وين اروح لازم توجيهات علشان ادل الطريق خبركم اول سفره المهم ابوالشباب قالي اجلسي الين اخلص بعض الاجراءات اختكم في الله يعني داله طريقها ماتبغا توجيهات ومشخصه بنقاب والرايح والجاي يتفرج وفيه مجموعه من الشياب وقفو بوجهي يتناقشون موضوع نقابي والنقاش كان حاار ونا اناظر فيهم طبعا تضايقت قلت لازم اغير المكان وغيرت المكان وجلست شفت الي جالسين يناظرون فيني وحركاتهم غريبه وما اشوف الا ابو الشباب جاي ركض يقولي وش جلسك هنا قلت وش فيه قال هاذا المكان خاص للمتخلفين عقليا مساكين :eek: واقوم ونخلص الاجراءات مابغت تخلص ونروح لمطار دنفر ومن دنفر بسياره الي ديرتنا ساعتين وكل هاذا بليل وكنت نايمه بسياره ووصلنا الفندق الى الان ماشفت شي بامريكا ماشفتها الا اليوم الثاني واسفين على الاطاله وسلامتكم

يالله موضوع رهيب هاذا ياطويلة العمر تزوجت ومن قرادة حظي جلست 6 ايام ويالله امريكا تناديك...

am &ams :

يوووووووه صدق حاله يا شين البزارين في السفر انا ماعندي الا واحد وحاااااااااله وكل شوي اقول للرجلي فرق سفرتنا العام نواع الممرمطه صدق بس مايمنع ان رحت لاهلك في الكرسمس عرض حلو:35:

يوووووووه صدق حاله يا شين البزارين في السفر انا ماعندي الا واحد وحاااااااااله وكل شوي اقول...