المطلاقات مرتاحات ولا

طبعا تندم
وحدة اعرفها تطلقت طلقة اولى بسبب الخيانة ومعها اطفال
خلت ناس يتدخلوا ويرجعوها ما قدرت
ترى اتزوجتي وخلفتي
صعب مرررررة ترجعي بيت اهلك
مهما كان اهلك يبغوك تكوني في بيتك مكونة لك اسرة
مو بس انتي مشكلتك الخيانة
تراها منتشرة تقولي فيروس في الجو
بس انتي ادعي
وصلي قيام الليل وابكي في سجودك واشكي لله ولا تياسي
وان فرج الله قريب
وتانيا ابحثي عن نعم الله اللي اعطاك
ربي ما ياخذ من انسان شي الا ويعوضه بشي اخر
هادي اللي باقولك عليها زوجها طلقها بسبب الخيانة
صح زوجها يخون
لاكن مو مقصر من ناحية الفلوس كان مغرقهم

على حسب تعامل اهلها وعلى حسب شخصيتها ياقلبي وطموحها في هالحياة وقوتها ، انا شخصيا اعرف مطلقات ماذاقوا طعم السعادة وراحة البال الا بعد الانفصال

لا لا صعبه حتى لو طفل واحد فكيف اطفااااال
جدا صعب 
السالفه مو سعيده او لا
الاطفال مسؤولية انا بنت وحده وابتلشت بعد الطلاق ووالله لوابوها يخوني ليل نهار اني ارجع له ولاشيل مسؤولية بنتي لحالي بس طليقي راعي حبوب حتى جدتي واشوفها حكيمة جدا قالت لو هو يطارد الحريم بقولك اصبري عشان بنتك
الدنيا ياختي تخوف تصبرين على خيانته ويمكن الله يهديه ويعقل ولاتبهذلين بمسؤولية اطفالك وتربيتهم ويعيشون كأنهم ايتام وممكن يعيشون عند زوجة اب ظالمه وانتي بعد الطلاق ممكن تزوجين واحد ماااايخون بس فيه عيوب ماتتحمليها وتبتعدين عن عيالك
ولوفرضا رفضتي الزواج صدقيني بتقولين انا مرتاحه عند اهلي بس ودي بيت لي ولأطفالي ياخذون راحتهم فيه
أبد لاتفكرين اخذي حقوقك منه وادعي وان شاءالله يترك الخيانات
وصدقيني الان اغلبهم كذا الا من رحم ربي لأن الحريم والفتنه توصله بكل سهوله تعرفين الان البرامج الله يسترنا بستره

طيب بسألكم سؤال:




الوحدة ماتخاف من الأمراض اذا زوجها يخون؟

اللهم انا نسألك العفو والعافية في الدنيا والاخرة

رردودكم اثلجت صدري مثل مايقلون اسئل مجرب ولاتسئل طبيب
اتمنى المزيد من التجارب