المظاهر وانا؟؟؟وانتم؟؟

لاحظت خلال السنوات ال5الاخيره تغيير في اشكال الناس للافضل طبعا
الي ماتعرف مكياج صارت تعرف وصار شكلها ارتب
اللي ماتعرف تنسق اللبس تطورت وصارت (كشخه)والكلمه هذي الل قاهرتني :30: طبعا هي زبدة موضوعي ..المهم كملوا معاي بعدين تفهمون وش اقصد.
الي ماتعرف تتكلم زين صارت لبقه ومابين كلمه والثانيه لازم تسمعين (ياعمري وياروحي وياقلبي) تقولها 8456789في الدقيقه طبعا ماندري تطلع من قلب ولا لا .....

طبعا الى الان كل هذي تغيرات ايجابيه :)

بس اللي مو ايجابي ورافع ضغطي نظرة الناس في الايام هذي للبنت اللي مو كشخه اللي شعرها مو ستايل ومكياجها قديم وماشالت حواجبها او ماشقرتها ولا اللي ماتلبس ماركه ولا اللي ماتشتري من ساكس وهارفي ...........

ليه اللي تجي رافعه خشمها وشايفه حالها ولابسه ماركات و(كشخه )بكل ماتحمله كلمة كشخه من معاني ...وتشوف الناس بطرف عين تكون هي محط الانتباه والاحترام للاسف ليه؟؟..
ليه البنت الخلوقه الملتزمه الي لبسها عادي مرتب وشعرها عادي وقصتها عاديه وشنطتها وجزمتها عاديه بس مو ماركه ماحد يجيب طاريها ولا احد يطير فيها؟؟؟

ليه اللي تصير اليوم كشخه الكل يسلم عليها ويتبسم لها ؟؟واذا صار بكره مالها خلق تكشخ ؟؟يسوون انفسهم مايعرفونها ؟؟

ليه البنات الحين صاروا يحبون يتعرفون على البنت الكشخه قبل مايعرفون جوهرها بس اهم شي انها انيقه ولبسها غالي ودايما في اوروبا ؟؟

طبعا هذا للاسف كلللللللللللللللللللللللللل هذا في المجتمع اللي انا اعيش فيه مظاهر مالها اول ومالها تالي حتى العجز عندنا الله يحسن لهم الخاتمه صاروا يكشخون ويحبون المظاهر :D ولله احكي من شي شفته عجز كثير اعرفهم يلبسون في الساعه هذي الاكسسوارات الملونه اللي تتعلق يلبسونها البنات:)
وبعضهم يعلقونها في جوالاتهم ؟؟وجزمه واطيه طبعا نفس الشنطه ...

بدون مااطلع من الموضوع للاسف انا اعيش في مجتمع للاسف متخلف :( صارت ابنت الكشخه عندنا ملكه الكل يحترمها ومعامله فايف ستار واللي على قد حالها الله يكون في عونها زين اذا امها واخوانها واخواتها عطوها وجه ؟؟


زبدة الكلام اذا لقيتوا لخبطه في موضوعي تحملوني لاني اكتب من قهر احس فيه بس سؤالي هل عندكم في مجتمعكم اللي هو عائلتكم والمقربين منكم خالاتكم وعماتكم نفس اللي عندنا ؟؟؟؟؟؟؟؟؟؟؟

الله يرجع ايام زمان الفستان اخضر والجزمه حمرا والشنطه صفرا ..وماشين وقلوبنا على بعض ..لا ونمدح بعض والحين اتحدى وحده تطلع كذا ؟؟

اخلي تكملة الموضوع عليكم ....................




(لا اله الا انت سبحانك اني كنت من الظالمين فان لم تغفر لي وترحمني لاكونن من الخاسرين )