هلا وغلا

انا جربت السنه الي فاتت اصوم باووكلاند بس تعبت نفسيا

وماقدرت اجلس اخذنا اجازه ونزلنا قبل العيد

بس السنه هذي مافيه امل لازم نجلس وان شاءالله بيكون احلى مع الصحبه الحلوه

انا بالنسبه لي ثالث رمضان بس حلوو صراحه اهم شي نكون بصحه وعافيه

حاليا في كاليفورنيا سان دييغو هذي اول مره اصوم فيها بعيده عن الاهل واصوات المساجد ... يارب رحمتك ...

لو تشوفوني كيف شايله همه .. خاصة اني عندي بناتي ... والنهار طويل ويبيلي افرزن من بدري ... معليش أختكم ماقد فرزنت لحالة ..
واللي صدق فقتدة الخدامة .. الحين عرفت قيمتهم .. ههههه ...
على انه ماكانت مره .. بس ولو تضف اللي قدامي ...

الله يكون في العون ...

إلى الأن ما أدري أصوم بالسعوديه أو براااااا..
لكن إذا تبين نصيحتي ...لا تفكرين كثير بالرمضان
وتتخيلين أن الأمر متعب
أشتري بعض الأغراض سريعة التحضير
مثل كبه وغيره ...
وسمبوستك لفي مجموعه ...لان الصراحه احس متعه لو كل فتره تلفين وتغيرين الحشوه
إذا صعب عليك سوي حشوات متعدده ولفي سمبوسه وحطي كل مجموعه بكيس خاص
على عدد الأيام ..
وخلي صفرتك بالرمضان صغيره وصحيه ومتنوعه
يعني لا تسوين أصناف كثيره ودسمه , انتي بتتعبين وغير كذا الرمضان مو للأكل وبس

فحاولي تكون صفرتك يوم* شوريه فطر + سمبوسه +سلطة سيزر
وثاني* شوربة الشوفان + فطائر كودو + كبه أو قطع دجاج مشويه
وثالث *شوربة عدس + صينية دجاج بالخضار + سمبوسه
<<مجرد أمثله ..
وهكذا بحيث ما تتعبين بالشغل وتصير صفرتك كامله

يمكن البعض يقول هذا يحتاج وقت
مع تنظيم الوقت وطلب البركه من رب العالمين
إن شاء الله بيمديك وبيكون عندك وقت للصلاة وقراءة القرأن والمذاكره لو عندك

الله يعينك ويعين كل المغتربات ويبلغنا وإياكن رمضان ويعنا على صيامه وقيامه
شكراً لطرح الموضوع ..

الله يبلغنا رمضان واحنا باحسن حال
هذا اول رمضان اقضيه بالغربه
باالنسبه لي ماراح افرزن شي قبل لان النهار هنا طويل جدا فباستغله في الطبخ اسلي نفسي
مو متخيله يا بنات انه بياذن المغرب ع 10 واالله مدري كيف بيكون الوضع االله يسهل علينا