انا افرزن الحشوات بانواعها
يعني افرزن حشوة لحم
حشوة دجاج
حشوة تونه
حشوة خضار مثل صوص البيتزا
احيان افرزن الشوربات يعني اسوي شوربه كثيره واخليها تبرد بعدين اجيب اكياس التشك لوك واحط فيها اللي يكفيني انا وزوجي وكم قطعة لحم او دجاج بالكيس
افرزن ورق العنب الملفوف والملفوف
افرزن كشنة البصل والثوم يعني لمى احتاج بس اطلعها قبلها بنص ساعه او اطلعها احطها بصحن بدون الكيس واحطها بالمايكرويف او
واولع على الزيت واقطها واسوي الباقي ان كانت شوربه او خضار سوتيه او غيرها
اقطع بصل وافرزنه استخدمه جامد ماانتضره يذوب
افرزن حلقات زنجبيل استخدما جامده
افرزم بقدونس بدون تقطيع اغسله زين وافرزنه وقبل لاتخلص الشوربه بخمس دقايق اطلعه واكسره بيدي على الشوربه
افرزن لحم مطبوخ خالص
يعني بس اطلعه قبلها بيوم اخليه بالثلاجه بعدين اسخنه بالمايكرويف واكون مسويه بالطباخه رز اكبس الرز واحط اللحمه واحط كشنة البصل المفرزن على النار بس يسخن او احطه بالمايكرويف وانثره فوق الرز
اسوي الكيك وافرزنه السنبوسه بس عجينه بيت ماعندنا ورق سنبوسه
احشي البف باستري وافرزنه بس 10 ايام المعجنات مو اكثر من عشر ايام تفرزنينهم
اغسل الدجاج والسمك وابهرهم وافرزنهم بخلطتهم
اسوي برست وافرزنه بعدين اطلعه واقطه بالزيت بدووووون مايذوب (انا من عشااااق البرست)
اغسل الجريش والهريس وانقعهم يوم كامل مع تغيير مويتهم مرتين
بعدين اصفيهم وافرزنهم باكياس
عشان تسهل المهمه لو بغيت اسويه مايحتاج نقع وبعد مع التفرزن يذوووب ومايحتاج طبخ اكثر
افرزن راس الملفوف كامله واذا بغيت اسوي ملفوف اطلعها قبل بيوم واحطها بالثلاجه او قبل ثلاث ساعات بس برا على حرارة الجو
واغسلها والف

اسوي شيره (قطر يكفي 10ايام)
اطحن بسكوت وافرزنه
اطحن مكسرات وافرزنهم
القهوه كل يومين احمس واطجن لان ابو الشباب يحبها طازجه ويحب يشم ريحة الحمس بالبيت
بس اللي زوجها ماتفرق معه تحمس حق 15 يوم بدون طحن
كل يومين تطحنين
افصفص التمر واسويه عجوه باي نكهه احبه وافرزن باكياس كل ليله اطلع كيس لبكرى
واسوي زبده بنفسي وافرزنها
واطلعها قبل بساعه اوساعتين عن الاذان وترا طريقتة سهله جدا
جدا وماتاخذ منك خمس دقايق
وبس

اذا تذكرت شي كتبته

الله يحفظكم

رمضان اللي فات قضيت آخر أيامه في ريتشفيلد-أمريكا ، كان الجو بااارد وفي النهار خياااال ، من أحلى الرمضانات اللي قضيتها بالرغم من إني أول مرة أروح هناك وبالرغم من الغربة والبعد عن الأهل ، والعيب الوحيد إن النهار طوييييل مررررة والمغرب كان يأذن الساعة 9 تقريباً!

يارب تيسر لي واكمل دراستي براااااااا:44:

دايم ادخل واقرأ في هالقسم باذن ربي يكتب لي اكمل

الله يبلغنا رمضان ونحن في اتم صحة وعافية
موفقين حبايبي

دعواتكم.........:(

رمضان اللى فات نصه كان بالسعوديه والنص الثاني هنا بامريكا كنت اسوي شوربه شي اساسي
ومعاها اي طبق خفيف لان ماكنا مستقرين كثير
ورمضان الجاي ان شاء الله كله هنا ونازله السعوديه قبل رمضان بشهر
بااجيب معاي رقايق سمبوسه بس لان اللى هنا ماااعجبتني كثير
اما التفريز ماراح افرزن شي لان النهار طووووويل مره والاكل احلى يوم يكون طااااازه بالنسبه لنا

اللي يقولون يااذن المغرب 9 او 10

الفجر متى ياذن يعني الساعه كم تمسكون عن الاكل

الله ييسر اموركم ويردكم سالمين