المغتربات اللي كانو مرفهات في السعودية كيف إعتمدو على نفسهم في الغربة

السعوديات وغيرهم من المغتربات في المانيا حياكم الله نبي نناقش همومنا
انا سعودية اعيش حياة مرفهة بعد ماتخرجت من الجامعة كان نظامي التالي انام للظهر واصحى بعد مايوصلو اولادي من المدرسة
القى الغدا جاهز يجي زوجي اكون اخذت شور بس اقعد معاه اتغدا وفي العصر اطلع مع صديقاتي او اقعد بالبيت او اروح لوالدتي طبخ وغسيل وكوي مااعرفهم ولاعمري سويتهم من يوم كنت ببيت ابوي
لاحد يهاوشني هذا نمط حياتي مااخترته لقيت نفسي فيه
وعندي بنت وولد الله يحفظهم كسلانيين في المدرسة وجايبتلهم مدرس ومدرسة ومااعرف عن مدارسهم شي:22:
بس ينجحون اخر السنة >>اعرف بتقولون ليه كذا مقصرة معهم اقولكم انا عصبية مااتحمل اضغط على نفسي امرض على طول وقسم بالله اني امرض اذا ارهقت نفسي معهم وينزل ضغطي:09:
والحين زوجي طلع المانيا وانا بلحقه بعد شهرين وشوي بعد اولادي يخلصو مدرسة وبعيش في المانيا سبع سنين
وتخيلو انا يالرفلا بدرس لغة المانية وبحضر الماستر والدكتوراه زوجي يقول لازم تدرسين >>بيفتك من حنتي ويشغلني:(
الحين اذا سافرت كيف بسوي في حياتي طبعا راتب زوجي كبير بس بينقص ثلاث ارباعه يعني بنعيش على رواتب البعثة وشي بسيط اللي يكفينا حياة الكفاف:(
كيف اولادي يدرسون وكيف الطبيخ والكوي والغسيل
انا مستعدة اتقشف بس القى وحدة عربية تدرس عيالي في ايرلنجن :30:
طبعا هدومي ياكثرها قال زوجي لاتاخذين شي معك انتي متحجبة ماتقدرين تلبسين هالفساتين هناك>>يعني متقشفة بجد :(
هذه مشكلتي ابي منكم حل وانتظر مشاكلكم وابي اعرف في وحدة عندها نفس مشكلتي وقدرت تحلها افيدوني افادكم الله وحفظكم ووفقكم واعانكم



:26: