انا ظروفي مثل ظروفك وجيت لامريكا عندي ثلاث اطفال في الاول كنت مصدومه كيف راح اسوي كل شىء لوحدي بصراحه اول 6 شهور كانت صعبه كنت على طول معصبه وابكي وطول الوقت ادور على احد يجي ينضفلي البيت او على الاقل يجي ينتبه لبنتي الصغيره بس دايما الاقي الموضوع ماله حل علين ما بديت اتعرف على الناس واشوفهم كيف عايشين سبحان الله يبداء الواحد يسوي مثلهم وينسا الشغالات وفي الاول كنت والله ما الاقي وقت اشوف نفسي في المرايا وكان ما يجي الليل الا وكل جسمي يعورني لاني ما ني متعوده علي الشغل وبصراحه اول 6 شهور ما درست ولا شى لاني كنت مصدومه من المسؤليه وماني عارفه كيف الاقي وقت وعقل لهذا كله وزوجي طبعا مدلع زي وبناتي متعودين على الشغالات بس الحمد لله بعد سنه كل شى تغير جسمي بدا يتعود على الشغل زوجي وبناتي بداوا يساعدوني بدات ادرس وما تصدقي انا دحين بعد سنه ونصف سرت انا الشغاله وانا السواق اتعلمي السواقه مره ضروريه وسرت طباخه وسرت داده كل شى لدرجه العرب الي لهم سنين في الغربه ساروا يحسدوني انا احسن منهم في كل شى في البيت في الغه في الجراءه في السواقه انا من مصدقه حالي انا بنت السعوديه والدلع وانا عشت نصف عمري في مدينه الطائف وجيت لامريكا قدرت اسوى كل شىء لال تخافي ترى الحياه هنا ولذه التعب وكل شىء تسويه بيدك لزوجك واولادك مره حلوا وكمان زوجي الله يعينه سار يشتغل في الويك اند علشان يقدر يغطي احتياجاتنا مع انه يدرس دراسه صعبه يعني يدوب يلاقي ساعات قليله للنوم الله يساعده يارب وبناتي يروحوا الببلك اسكول ويوم الاحد اوديهم مدرسه عربيه ودحين تصدقي اني شايله هم رجعتي للسعوديه وحيات الكسل والسهر ووجع القلب الي يجي من ورا الشغالات والسواقين الله يعين اتمتعي بحياتك ولا تضيعي عمرك في شيله الهم هونيها تهون:7_2_103v:

الله يعز السعودية المرأة عندنا اخر ترف ودلع
انا حتى السواقة اخاف منها :06:
فعلا شايلين هم الله يساعدنا ويخفف علينا
والبنات هنا يقولو اكيد بتتعودو تعتمدو على نفسكم:30:
وانشاء الله نستفيد من تجارب البنات اتمنى مايبخلو علينا

الله يهون عليك ...... لا تفكري كثير ....... وربك يسهلها

ما اقول غير الله يكون بعونك
لابد من التعب في اي تجربه جديده
جربنا وتعبنا وتأقلمنا ويبقى كل شي مجرد ذكريات

على اختلاف نمط حياتنا بالسعوديه الا ان كل وحده منا مرت بضروف صعبه وحتى اللي ماهي مرفهه مره تلاقي صدمات كثيره بالغربه
تبدا بالبيت اللي ربع كم وصغير مره والوحده وكل شي على راسك بيتك وعيالك ومدارسهم والطبخ والدراسه ووووو لكن في البدايه مره صعبه بس حبه حبه تتسهل الامور وتتاقلمين على حياتك الجديده وتسوين كل شي بنفسك ومن جد اول اربع اشهر صعبه شوي
وتحسين انك ما انتي عارفه توفقين بين اولادك وبيتك وزوجك ونفسك لكن مع مرور الوقت تسير الامور اسهل من اول وتتعودين وبعد ما تشوفين البنات في الغربه وكيف ممشين امورهم تتعودين على هذي الحياه والبيت مثل ما قالت وحده من الاخوات بسرعه يتنضف
ان شاء الله نرجع بالسلامه وتسير هذي الامور من التجارب المفيده بالحياه اللي تفيد وما تضر وصادقه ام نايف تسير مجرد ذكريات
وهونيها حبيبتي وهي تهون