السلام عليكم..

البارح نمنا الفجر من الصغيرة مصحصحة..

عطيتها خافظ و نومتها ونمت.. وعلى ثمان الا ربع قمت على ونينها... ولقيتها حااااارة..

قمت ولبست ودخلت على بناتي لقيت لولو ما شاء الله قد اصبحت!!!!

ولبستها وقومت جود وعطيتها لبسها وزينت شعورهن وعطيتهم حليب..

ورحت للصغيرة وغيرت لها وعطيتها خافظ ورحنا للمستوصف..

وقال الدكتور ان الالتهاب لايزال موجود!!!!!!!

وعطاها مضاد... المشكله ما بعد كملت خمس ايام من اخر جرعه من المضاد الاول!!!

المهم..رجعنا ونزلت انا والصغيره للبيت.. وراحو البنات مع ابوهم للمطعم يجيب فطور..

انا ركبت على الشاي..وقعدت اكمد الصغيرة..

افطرنا وعينا خير..

وبدى النوم يداعب عيناي.. و كل ما انسدحت..صاحت..

وغفيت وقمت على جود تقول: ماما روفي تنتفظ!!!!

وانقز واكمدها واسمي عليها واقيس حرارتها..ياااارب تعديها على خير..

وطول يومي مقابلتها... ويوم خفت الحراره على الساعة 3 العصر..قمت للمطبخ وقلت بالغدا في الكاتم..

غرفت لبناتي..وزوجي ما يبي الا اذا جا من برا..وطلع..

وكنت ابي اقوم على الصاله... بس مكاااااسلة!!! قلت طيب بغسل فرش الصغيرة.. بس مالي خلق!!!

وبس ادور.. اشيل كم غرض طايح..واتعب ولا اكمل الظف!!!

احس ظهري مو متحملني!!!!

المهم..تغدينا المغرب.. وزاد الكسل!!!

بس قمت ركبت على قهوتي وغسلت مواعيني..وكني اشوا...

=اي تحسنت
كنست المقلط بعد ما رتبته..ورتبت الملابس اللي سفطتها البارح..

وان نامو اليوم بناتي بدري بما انهم قايمين بدري..يمكن ابدا بالمقلط الليله ان شاء الله كان الصغيرة طيبه..

هالحين غسالتي مليانه موية تستناني احط صابون ثم الفرش..

والصغيرة نايمة.. وانا ادف نفسي دف..

وقطو..

____________

غزال.. اذا ظبط معي البرياني بسير ادعي لك كل ما طبخته...خخخخخخ

دلوعة بريدة.. زين جيتي..اخيييرا..ان شاء الله ببدا فيه قريب..

ساكون.. ما احب احمل شي من النت..يجي معه فايروسات..

بنتي تبكي..بروح لها والا باقي بنات ما رديت عليهم..

ألوووووووووووووووووووووووو

يا هوه..وين غطيتو!!!

امس واليوم كله وانا لحالي!!!

خلصت مغسله الفراش..بقا اعصرة ونشره والا احطه بالنشاف..حسب المكتوب عليه..اول مره اغسله..

والبنات ما بعد ناموا..وشكلهن راعيات طويلة!!!

تكفون اذا فيه احد خلف الكواليس يدخل..تراي طفففشااانة..

هييه هييه لقيت احد هيييييه..

كنت جايه بقول خروج..بس الحمد لله اللي جيتي..والله طقني الطايف!!

والبنات منررررفزيني.. لعبو بالموية وهم يفرشون اسنانهم.. وترطبو..

بغيت اتشكا وذكرت..فرفش واضحك للدنيا تضحك لك..ومسحت شكوتي..

بسم الله الرحمن الرحيم

الله يسعد مساكم ياحلوين

انا من المتابعين لقسم التنظيم واشوف دائما موضوعكم ما شاء الله

وقلت اليوم بسمر معاكم فهل لي مكان بينكم ولا اضف وجهي ؟؟؟

ودمتم بحفظ الرحمن