السلام عليكم

اخباركم صبايا

امس كان عند زوجي رجاجيل وسويت العشاء كله انا هو كان بيجيب الرز من برا بس عييت وقلت بسويه صلحت له صينية مكرونه باشميل وصينية رز بالقشطة والمايونيز عجبهم كلوه كله بالعافيه وجريش و3انواع سلطه وفاكهه واخت زوجي الله يعافيها الحلى لاني مااحبه ولا احب بربسته وطبعا صلحت لهم قهوه وشاهي ونعناع وبس زوجي مايبغاها رسميه

اليوم صحيت مكسره بس غسلت حمامي ب101 والمطبخ نظفته من والى وجلست عالنت ميت حيلي ومابعد اكلت شي جوعانه

انثى الاسد

هلا وغلا اخبارك يالغاليه واخيار لارا وسارا وانا بخير وفروسي بعد بخير ومبروك النتيجه الحلوه لزوجك الله يوفقه ويوفقك يالغلا



ام دودي

والله انك صادقه توي ادري عن الليمون وسواياه وقفت دورتي وارتعت قلت وش فيها اثرها منه بس رجعت تنزل اليوم الثاني


ندى

تراي ادعي لك كل ما ولعت الفرن شفتي صار فيه شي بيني وبينك اتذكرك به وانتي دوري لك شي تتذكريني به خخخخخخخخخخخخخ


ديما

البرياني انا اسويه بالجمبري بس تقدرين تسوينه باللي تبين دجاج او لحم بس اللحم افضل تسلقينه قبل

اول شي اغسلي الرز وانقعيه واحمسي بصل وثوم في شوية زيت انا استعمل سمن ابو شوكه وملعقه واذا صار ماعندي عادي زيت دوار الشمس وبعدين احط عليه الجمبري انا اخذ المجمد بس مقاس الوسط او الجامبو ومكعب ماجي بعدين معلقتين من بهار الكاري استعمل الجاهز اسمه مهران حلوو وشوي صلصه اذا حبيتي يمكن ملعقه تكفي وعلبة زبادي واقلبه واغطيه الين يبدا يثقل شوي واسلق الرز نص سلقه واكبه على التسبيكه حقت الجمبري واجيب كاس واصب نصه لبن وامل عليه بحليب واصبه عليه واغطيه بقصدير واقصر عليه بعد شوي اقطع شوي نعناع وكزبره طازجه واكبهم فوقه وارجع اغطيه شوي وانكبه بعد مااقلبه واذا حبيتي لاتقلبينه سويه طبقات بس انا احب اقلبه اطعم

وبالعافيه عليكم جربيه لذيذ

ساكون جربته واعجبها واللي تجربه ويصلح لها تدعي لي واللي مايعجبها لاتدعي علي خخخخخخخخخخخ


مدري من برد عليه بس لارجعت شفت لاني بطلع جاء ابو فارس

باي

لالالالالا كتبت رد طويل وطار وكتبت لكل وحده وكتبت بعد وش سويت بفستاني ووش شريتي وش سويت في بيتي اليوم ومتى بنمشي وطااااااااااار تهي تهي تهي<< تبتسي(( تبكي))

ان شاء الله اذا رحت لبيت اهلي كتبت لكم كل شي لاني كل ماكتبت يايطير يايفصل النت<<لاقطه الاتصال من جيراني خخخخ

خروووج

دلوعة
ما شاء الله تطبيقك رائع كلما صلحتي شي ورينا عشان نتحمس معك

وخففي عن نفسك شوي بالشغل شكلك من النوع الي تضغطين نفسك ارتاحي ولاحقة على الشقا

انثى الاسد

انتي ما اهملتي بشغلك بس كان معك عذر وهو دراسة زوجك الحين ابداي شغلك حبة حبة

سأكون
والله سالفة التحميل من النت ما احبها اخر مرة حاولت احمل الفوتوشوب اضطريت افرمت الجهاز من جديد... جيبي لك سيدي بعشرة او عشرين وحمليه اريح لك

خلود
الله يعين الرجال علينا ويعيينا عليهم

ام عبدالله
احس انك مرهقة نمتي الفجر وقمتي 8 وعندكم طلعة الله يعينك انا اتلخبط واتعب كذا

انا
سلامة وليدك يمكن تغير عليه الجو

ندى
بنتك عطيها شوي حلتيت يمكن تسنين ويمكن ماكلة شي موب زين من الارض بهالعمر كل شي بفمهم
وبنتي مر عليها فترة كذ...ا تطيب يوم وتطيح يومين... وبطنها تكرمون يمشي واستفراغ وحرارة سوينا لها تحليل قال الدكتور نزلة معوية

جزاك الله خيرا


ولا تحرمينا جديدك