وينكم مارديتو عليه

انا ولدت 5مرات ماشاء الله
اول ولاده كانت بمستشفى طيبه المواساه حاليا
وكانت الدكتوره نعمت رائعه والمستشفى رائع بكل ماتعنيه الكلمه اهتمام نظافه عنايه ممرضات دكتورات
والولادات الثلاثه الي بعدها بمستشفى الزهراء واخر ولادها فيها كانت د وفاء صراحه سيئه ومهمله
حسبي الله ونعم الوكيل كانت السبب اني اسوي عملية التجميل بعد الولاده
واخر ولاده وهي الخامسه ماشاء الله جبت ولدي فيها
هو مستشفى المواساه رغم انه زحمه وانتظار لكن ممتاز وتحسي فيه راحه نفسيه نفس مستشفى طيبه سايقا
وكنت اراجع عند د ماجده موسى ممتازه ماشا ء الله عليها وكان عندها مره زحمه
وفي الولاده رحت مجرد مراجعه وحصلتها مسافره وسبحان الله الاخت في الاستعلامات نصحتني ب منال عبد الرحمن
وفعلا دخلت عندها وكشفت علي ووجدت الرحم مفتوح 3سم وانا مو حاسه الحمد لله وقالتلي انتي ولاده وانصدمت وقالتلي مستحيل تخرجي الان راح نطلعك لغرفه لانك ممكن تولدي باي وقت وحاولت بكل الطرق اخرج مافي فايده وفعلا سوتلي دخول
وجلست بالغرفه 3ساعات خلالها كانت تجي تتطمن عليه ولاول مره في حياتي دكتوره تعطيني مسكن لالام الطلق وقالتلي لو حسيتي بالام ماتقدري تستحمليها قوليلي اعطيكي مسكن تاني والحمد لله الطلق حمي معايه قبل الولاده ب10دقائق بس ودخلوني الكشك واعطتني ابره مسكنه في الفخذ ولله الحمد ولدت مافي 5دقائق ماشا ء الله تبارك الله والله اسهل ولاده في حياتي ماشاء الله تبارك الله على وجه د منال وربي دعيت لها من قلبي
وغير كده رجعتلي الخياطه التجميليه زي ماكانت لانها عرفت اني عامله تجميلي
والله مخلصه في عملها وحتى الممرضات وطول اليوم دكتورات وممرضات ويزوروني ويسالوني ناقصك شي عندك شكوى
وجابولي تورته بعد ماولدت بكم ساعه
طبعا ولدي خلوه بالحضانه ويجيبولي اياه كل كم ساعه ارضعه وياخدوه والحضانه مقفله بمفتاح ومااحد يدخل غير الممرضات حتى لو ابو الطفل ممنوع يشوفه من بره بس او عند امه
هذي تجربتي مع مستشفى المواساه

جم ان هو----- انا واختي كلنا ولدنا بمستشفى الرحمة قبل 5 سنوات عند الدكتورة عفت (( الله يرضا عليها وعلى هذيك الايام )) بس كلنا قيصري كانت روعة اهتمام ونظافة واسعار معقولة صحيح المستشفى متواضع وبسيط لكنها نظيفة وكنت اتابع عندها بحملي كله حتى لما اتعسرت ولادتي والله قالت لي : اذا تبغي العملية في الولادة عاااادي نوصلك بالاسعاف وانا اروح معاكي رغم انه كان الفجر وفي شدة البررررررررررررد الله يجزاها خييييير=======لكن حاليا ما اعرف الدكتورات الموجودات لان لما راحت عفت من الرحمة ما افكر اروح لهم

مشكورة ام لنونة بس والله من كثر ما انا مستغربة معقولة ماله طاري نهااااااااااااااائي لا مدح ولاذم واتوقع انه ارخص من المستشفيات الباقية

بنات مين جربت تتابع عند الدكتوره نهاد رأفت في عيادات طبيبي شكلها شاطره اليوم رحت عندها وسويت متابعة حمل وتقول احتمال يفتح عندهم قسم توليد افكر اولد عندهم العيادات جدا نظيفه وهي تخرج تولد في المواساة والزهراء