السلام عليكم ورحمة الله وبركاتة

انا كمان اتفاجئت بموضوع المشاحنات اللى موجود بالصفحات السابقة ..

ما احنا بقالنا كام جزء اهو الموضوع كان ماشى كويس..

بس من الواضح ان احنا اتحسدنا ،، ولا اية ،، اعتقد انة لازم نبخر الموضوع :)

لاروز لو مافيهاش ازعاج يا ريت تبعتيلى التلخيص.......

تاميا: شكرا حبيبتى على معلوماتك عن محل الشموع لانى بمووووووووووووت فيهم.

miro
انتى فيييييييييييييييييييين طمنينا عليكى..

noody

كايرو مول يعتبر تقريبا فى نص شاره الهرم

ها تلاقية قدام محلات habitat بتاعة الاثاث
وجمبة على طول محلات مفكو بتاعت الاثاث برضة

عرفتية ولا لسة؟

دلوقت بقى كلمتين اخيرتين حاقولهم احقاقا للحق و يا ريت محدش يزعل من كلامي و اعتبروه آخر الكلام في الافلام دي، لكن لازم يقال لان الساكت عن الحق شيطان أخرس

الاخت دووود

اسمحيلي، انتي دخلتي طحتي فينا تقولي اننا اتكلمنا من وراكي عن بنات فلسطين، ممكن نعرف جبتي الكلام ده منين؟؟ اولا انتي و صديقتك الليدخلتم علينا في موضوعنا و طلبتوا طلب كان ممكن تكتبوه في موضوع منفصل في قسم "ساعدوني" و تطلبوا مساعدة المصريات، و مع ذلك بعض البنات حاولوا يساعدوكم مع ان معظم البنات كانوا مستغربين انكم تطلبوا مننا اننا نتصل براجل غريب على الموبايل. و بعدين تيجوا تقولوا اننا بنتكلم عن بنات فلسطين من وراكم و بعدين كمان تحاولوا توقعوا بيننا و بين اختنا سكرة هانم، كل ده غير مقبول تماما. و لعلمكم لو فاكرين ان سكرة هانم دخيلة على الموضوع تبقوا غلطانين لان سكرة هانم نعرفها كويس و مش معرفة عابرة، لا في مننا واكلين عيش و ملح معاها. و بعدين احنا كنا نعرف منين انكم من فلسطين اصلا اذا كانت واحدة كاتبة تحت اسمها الامارات و التانية لندن؟؟ سبحان الله!!!! احنا مش نتكلم عن الناس و احنا عمرنا ما اتكلمنا عن حد تبعا لجنسيته و المنتدى هنا ما شاء الله زي جامعة الدول العربية، مع اختلاف ان في الجامعة العرب دايما مختلفين و هنا الحمد لله احنا مجتمعين عشان نساعد بعض، يبقى ايه الكلام ده؟؟!! و بعدين اذا كان لك مشكلة مع سكرة هانم على الخاص و هي بعتتلك على الخاص و اهانتك مثل ما بتقولي يبقى تتفضلي تشكيها للادارة و تحولي لها الرسايل المزعومة دي، لكن انك تيجي تشكيها لنا او توقعي بينها و بيننا فده غير مقبول و مرفوض تماما و الدليل ان كلامك غير سليم اصلا و ان سكرة هانم منقلتش كلام و لا سوأت سمعتك و لا الكلام ده، ان و لا واحدة فينا تعرف حاجة عن الحدوتة اللي انتي حكيتيها دي و انتي اللي اتكلمتي و قعدتي تحكي ان الولد كان قافل موبايله و البنت ابوها مش راضي و كلام احنا ما لنا علاقة بيه. يعني انتي حكيتي خصوصيات البنت على الملأ بدون داعي

و بالنسبة لطلب الاخت تنيل من الاخت سكرة انها تعتذر لهم على العام، اعتقد ان انتم المفروض تعتذروا لها و لنا لانكم دخلتكم ادعيتوا علينا كلام محصلش و ادعيتم اننا اتكلمنا على بنات فلسطين و ده برضه محصلش و كلامكم ده ممكن يصور لبقية بنات المنتدى اننا قاعدين هنا نجيب في سيرة البنات يعني انتوا شوهتوا صورتنا جميعا مش صورة سكرة هانم بس، و اللي ستحق اعتذار هو كل بنات الموضوع هنا بما فيهم سكرة هانم

و اتمنى انكم لو دخلتم الموضوع تاني تدخلوا تتكلموا في أي شئ تاني غير الموضوع ده

================================================

النقطة التانية اللي حبيت انصح فيها اختي هبة

هبة حبيبتي، يا ريت نهدي نفسنا شوية و ملوش لزوم الانفعال ده و دي كانت نصيحتك للبنات. احلام عصفور مقالتش حاجة خارجة عن الادب و لا غلطت فيكي بصراحة و اللي قالته ان الابراج هباله لكن هي ما شتمتكيش و لا غلطت في حقك و بصراحة انتي اللي غلطتي في حقها بكلمتك، فيا ريت لو نمسك اعصابنا شوية قبل الرد عشان منغلطش في بعض بدون داعي، و اولا و اخيرا التجمع ده هدفه اننا نساعد بعض، و يا ستي اللي عاوزة تعرف حاجة عن الابراج تبقى تراسلك على الخاص مفيهاش حاجة

اتمنى ان كلامي يكون خفيف على الجميع و بلاش نمسك لبعض على الواحدة لاننا كلنا اكبر من كده

مونتي الحبوبة، منورة الموضوع يا قمر، انا فاكراكي من زمان لاني شاركت في كام موضوع ليكي بس بجد منورانا

و شكرا على الوصف الدقيق، بصراحة انا مش عارفة منطقة الهرم اوي لاني عمري ما رحتها لكن كان نفسي اروح كايرو مول لاني سمعت عنه من اكتر من واحدة و بوصفك الدقيق ده خلاص الطريق بقى سهل، شكرا يا عسولة

noody

لا شكر على واجب يا جميل .
ويا رب كدا دايما منورة مواضيعى...

يا ريت تعرفى تروحية لانة حلو جدا .. ولو ما عرفتيش قوليلى وانا اوديك يا جميل...