Noody30 :

السلام عليكم و رحمة الله و بركاته ازيكم جميعا؟؟ اعتذر عن غيابي الصفحات اللي فاتت بس المنتدى جنني على ما قدرت ادخل مش عارفة السيرفر كان فيه مشكلة و الا انا اللي كانت عندي المشكلة المهم انا دخلت و قريت كل الصفحات و ها هي تعليقاتي لكم كلكم: تماتيا، شكرا يا حبي عن المعلومات عن الشموع، بس تعرفي انا اشتريت شموع من عندنا من طنطا من عند سوبر ماركت فتح الله، بريحة الموز و بريحة الورد و روايح تانية بس اللي غايظني ان ملهمش ريحة و لا حاجة!!!!! يعني لما تشمي الشمعة تلاقيلها ريحة لكن لما تولعيها مفيش ريحة بتظهر و لا حاجة!! مش عارفة الشمع ده مضروب و الا ايه!!! و الا انا اللي حاسة الشم عندي مضروبة؟؟! وسام، حبيبتي ده انتي اللي سكرة و الله و انبسطت جدا لما سمعت صوتك، ربنا يحميكي و يحفظك و يوفقك في حياتك يا رب رهومة، خلاص يا قمر يبقى نحاول انا و انتي و سموحة نتقابل بقى و اذا حد عرف مكان بليكان نجيبها هي كمان معانا على فكرة يا بنات اللي في طنطا و كانوا بيسألوا عن كوافير كويس و عن مصورين، انا امبارح شفت صور خطوبة أخت واحدة صحبتي و كانت ما شاء الله ماكياجها هادي جدا و طبيعي و الصور كمان كانت تحفة و فيها لمسة حرفية جميلة. الماكياج عملته عند ندا المصري اللي في شارع نادي المعلمين ب 150 جنيه و طبعا زوجته اللي عملت لها لانها الحمد لله محجبة. و الصور كانت عند بورتريه في شارع البحر بس بصراحة انا معرفتش افهم من صحبتي في شارع البحر فين، لكن عموما انتم عارفين ان شارع البحر كله يتلف في 5 دقايق و ممكن اللي عاوزاه تعرف مكانه بسهولة. انا شبه مش عايشة في طنطا و مش بانزل فيها عشان كده مش عارفة الاماكن و المحلات الجديدة فسامحوني اذا كنت ضعيفة في الوصف سموحة، انتي فين يا بنتي؟؟ اختفيتي ليه تاني؟؟ على فكرة انا لسه مكلمتش الست اللي قلتلك عليها على الشغل لاني مش عارفة اروحلها من يوم ما اتكلمنا بس الموضوع في بالي مش ناسية ميرو فينك؟؟ قلقتينا عليكي، يا ريت تظهري تاني و تطمنينا اينا، ايه اخبارك و ايه اخبار شغل زوجك؟؟ بندعيلك على طول و ربنا يوفقه و يهديلك ابنك بس بلاش حكاية الضرب دي يا جماعة بتوجعوا قلبي كل ما اقرا الكلمة دي، حاولوا بأي طريقة الا الضرب لانه بيسيب اثار مش كويسة عند الطفل ده غير الاهانة اللي بتترسخ بداخله من الضرب و غير انعدام ثقته بنفسه في أي موقف، يعني اثار كتير سلبية ميشو، ما شاء الله شرحك للبنات حلو في الماكياج، بس ممكن تعلمينا طريقة دمج الكجل بالشادو لان الحكاية دي بتتعبني جدا و باحس انها محتاجة مسح كتير بالفرشاة على الجفن و باخاف ده يؤذي جلد المنطقة دي اللي هو رقيق اصلا . و الف الف مبروك على الخطوبة يا قمر و ربنا يسعدك و يوفقك ام زياد، ازيك يا قمر، ميرسي على السايت و اسفة معرفتش ارد عليكي من ساعتها لان المنتدى كان معلق معايا و مش عارفة اتعامل معاه خالص، ربنا يقومك بالسلامة فروتي، ازيك، فعلا اسمك بيفكرني بالفروت سالاد!!!!!! و يا سلام لو عليه كريم شانتيه!!! يبقى وداعا للرجيم لاروز، و دون، و تماتيا، و ام احمد ، و وسام و كل اللي شاركوا في التلخيص تسم ايديكم و جزاكم الله خيرا على مجهودكم الكبير ده حبيبتي كهرمانة، دعواتنا معاكي من غير ما تقولي يا قمر، بس طمنينا عليكي دايما حبيبتي صفاء النفوس ام مريومة، احنا اخوات طبعا و مفيش واحدة تتأخر عن التانية باي مساعدة و لو كلمة طيبة بلوند دوف ربنا يوفقك في امتحاناتك يا قمر ام باسل وحشتينا، اخبارك ايه؟؟ دعواتي لكي بالتوفيق و الصحة و السعادة، و دعواتي لابنك بالشفاء العاجل سكرة هانم يا سكرة، انا كايرو مول عارفة انه في الهرم بس مش عارفة فين بالظبط لاني عمري ما رحته، و على فكرة فعلا اوريفليم لسه حتنزل كريم الحماية من الشمس بس لسه الشهر الجاي و ده اول مرة بينزل فيها و تقريبا حيبقى على اكتر من منتج و اذا عرفت أي حاجة عنه حاقولكم، و على فكرة كمان انا اكتشفت محل بارفانات في المهندسين اسمه قصر العطور في شارع جامعة الدول بعد مؤمن و عنده احدث البارفانات و منها سينما بس انا مدخلتش فمش عارفة ايه الاخبار جوه. و شكرا يا سكرتي على المعلومات عن سارا و عن العود و ان شاء الله نشوفه قريب و نعرف حكايته ايه، و كمان نبقى نشوف حكاية الشموع دي يمكن مختلفة عن اللي انا جبتها

السلام عليكم و رحمة الله و بركاته ازيكم جميعا؟؟ اعتذر عن غيابي الصفحات اللي فاتت بس المنتدى...

don :

على فكرة الف مبروك يا mashmash مع انى محبش اشترك فى جوازة ابدا .لية ؟؟؟ علشان محدش يقول ان انا بكرهه . و ارجع ابقى من الاسماء اللى فى القايمة السودا.

على فكرة الف مبروك يا mashmash مع انى محبش اشترك فى جوازة ابدا .لية ؟؟؟ علشان محدش يقول ان انا...