ماشمش ربنا يسهلك الأمور
احلام عصفور انا مسمعتش اى حاجة من الكلام ده بس ممكن الاحتجاج بشىء ايجابى اكثر من اللبس لانه مش هيفيد بحاجة و الواحد مش عايز يبشر على نفسه على راى don لسه مدخلناش دنيا

يا larose انتى عارفة ان المصريين حدعان و عندهم شهامة و انا بعتبر ان الستات دلوقتى اجدع من الرجالة و فعلا الست دلوقتى ب 100 راجل ودى حقيقة بس تفتكرى اللبس الاسود و المظاهرة الصامتة حتجيب نتيجة ؟ ولا حتعمل حاجة يا ستى خليها فى سرك ويعنى هما قبل ما يعملو فى الستات اللى عملوة كانو عارفين ان حد حيسئلهم ؟؟؟؟؟؟؟؟؟؟؟؟؟؟ يا مصراوية عاملة دوشة لية؟؟؟؟؟؟؟؟؟؟؟؟؟

الف شكر يامصراوية ياحبيبتي علي عنوان الاتيلية ربنا يكرمك وحسيت والله بفرحتك لي وقد ايه طالعة من قلبك يااااااااااااااااااااارب تفرحينا انت كمان قريب جدا ربنا ييسرلكم كل عسير انت وخطيبك ويجمعكم علي خير ان شاءالله والله بدعيلك متخافيش
بالنسبة للكوافير انا سمعت عن ايمي الكاشف انها كويسة اوي وشفت مكياجها مع امينة معايا ارقامها كلها وعنوانها وكلمتها قالتلي بتاخد تقريبا 250+50طرحة فطبعا اسعارها كويسة جدااااااا بتتروحي تتفرجي عندها في الكتالوجات علي مكياجهل وطرحها بس انا لسة مرحتش والله
بس ممكن تقوليلي اسعار حبيبة المتوسطة كانت بكام لان فيه ناس عندها من 200 وناس بيبدا من 800 و ناس بتبدا من فوق 1000وصدقتي فعلا لما قلتي ان الفستان مش بيبان غير في اللبس ياااااارب نلبسه قريب كلنا ان شاءالله
وضحكتيني اوي وانت بتوصفي الفستان بابن ناس.... :)

وحقيقي انت اللي خدومة وزي السكر ومتزعليش من البنات بس انت عارفة الواحد بيدخل يقول الكلمتين اللي عنده سريعا كدة بس انت اكتر واحدة عارفة هما بيحبوكي قد ايه ودايما نسال عنك

والف شكر لكل اللي باركولي ربنا يفرحكم جميعا يارب
تنيل....حبيبتي مش عاوزاكي تزعلي مني والله انا فرحت جدا بكارتك الرقيق زيك وانت حقيقي طيوبة وكلك زوق الف مليون شكر بس انا مسمعتش الزغروطة بس الكارت عجبني جدا
مرسي ياحبيبتي

بالنسبة لكوافير مجدي وسيد...هو علي مااعتقد ان اسعاره فعلا مش عالية خالص بس عن تجربة مكياجه مش حلو ابداااااااااا ومنصحش حد يرروحله شفت صاحبتي عملت عنده في فرحها ولا كان فيها اي شئ جديد مش مخلي ليها طلة حلوة كدة تنبهري بيها كان اقل من العادي كمان
حتي ناس كتير يقولولك انه بيستخدم ماركات مصرية عادية فتلاقي الميكب ساح وبقي سمنة من الحر
حبيت اعرفكم بس



حلوة تجربتك ياتماتيا بتاعة الشمع الاسكندراني انا جربت شمع عادي مع زيت زيتون"طريقة ام باسل" وكانت حلوة يمكن انا عشان كعوبي مش محتاجة اوي فمبانش الاثر الجامد بس هي نعمت رجلي

يا جماعه انا رحت هايبر وقلت قبل ما انام ابعث لكم اخر الاخبار انا كتبت كل حاجه وانا هناك عشان خاطر عيونكم بصوا بقى فيه
2 كسروله تيفال من 46 جنيه نزل ل 27 جنيه انا حساها حلوه وثقيله
طقم عصير فواكه 6 كوب مرسوم عليهم وشكلهم تحفه ب 10 جنيه
طبق سرفيس الموديل اليابانى المربع نقشته روعه روعه معاه واحد هديه ب 29 جنيه بجد تحفه
طقم نوفال 2 قطعه ب 45 جنيه
مريله مطبخ ب 26 جنيه بس تستاهل تحفه
الحاجه الحلوه كمان اوى لكل الى بيجهزوا ياجماعه ستاره المطبخ متفصله جاهزه قماش قطن وعليها دانتيل موديل امريكى ب 42 جنيه بس حلوه اوى هتلاقيها مفروده ومتعلقه فوق جدا ارفعى راسك للاعلى حته فى الحيطه
الفوط بالكيلو الكيلو 40 جنيه انا وزنت فوطه حلوه ولون ساده وثقيله طلعت ب 11 جنيه
8 غطاء بوتجاز + 2 مقبض فرن ممكن تجيبيهم لون الستاره ب 13.95
3 لمبه 100 وات صناعه الاتحاد الاوروبى ب 4.5
الدولاب المحمول ده حلو اوى خصوصا للاطفال بسوست من كل جانب 50*39*140 درفه واحده كلها ارفف ب 70 جنيه
هو نفسه 70*50*160 ب 180 جنيه
وفيه مقاسين ثانين اكبر لازم الى عاوز يشترى يقيس المساحه فى بيته يشوف المناسب اكثر ايه
قميص رجالى كتان ب60 جنيه
المصحف المعلم للشيخ المنشاوى ب15 جنيه
فيه اطقم للاطفال تحفه بس انا مابصيتش الى عايزانى ابص لها تقولى
الانجيرى مش قد كده الاقطان فيه قمصان بيت جل فوق 45 جنيه بس حلوه والله
دى كانت العروض الى يمكن تهمكم
على فكره هايبر بيبيع التلفزيونات بسعر شارع عبد العزيز والتوصيل مجانا وايريال هديه

يارب الجوله تحوز على رضاكم
معلش فيه ناس كثير بعثت على الخاص هرد عليكم الصبح ان شاء الله بعد اول اجتماع عشان المدير لازم يصبحنا على الصبح

مش عارفه انام
حد صاحى