سلام عليكم يااحلي بنات

ازيكم وحشتوني والله
كتيررررررررررررررررر

معلش انا رحت المعرض واتغديت هناك يومها وجاء لي نزلة معويةواسهال وكنت مش بقوم من السرير

يالا الحمد الله

انا رحت المعرض يوم الجمعة يعني اول يوم


مين بقا الللي قالت انه مش فيه حاجات حلوة؟

حرام عليكي

المفروض ان اي عروسة بتجهز ما تفوتهوش
فيه اي حاجة تتخيليها لتجهيز البيت

وفعلا ام ابيها عندها حق
النساجون الشرقيون الدور الثاني فيه حاجات والله بربع تمنها كمان مش نص تمنها
فعلا فعلا لقط

رهيبة

بس انا ما اعرفش ل الاسف صالات عرض الافريقين فين ظ
ياتري هي فين لاني ناوية اروح تاني ان شاء الله

والا معرض الصين كان فيه حتة حجاب والله لو في محل عادي هيكتبوا عليه 70 جنيه كان ب 30 بس مشكلتي ان كنت عاملة حسابي علي حاجات اشتريها

وقلت بلاش افتح

عشان ما عنديش لبس سليق علي لونه
بس مش قادرة اوصف لكم استايل اد ايه وشيك اد ايه

بس ندمت لما رجعت البيت

وكمان اللي بيبيعوا المفارش السوري واحد كان عنده حجابات هندي والله رهيبة وضربت نفسي جزمة اني ما اشترتش منها ب 30 جنيه بس


ده غير اللي خبلني وهبلني الملايات
ياربنا نزلت منها اشكال والوان وموديلات عمري ما شفتها والله وهم واسعارها مش غالية اطلاقا

ملايات وسط البلد كلها هناك ب 160 جنيه ولسا الفصال طبعا يعني تبقا 120

وملايات زي المفارس الستان بالظبط ب 220 كلها اورجنزا وبس بس تحفة

انا ان شاءا لله هنزل تاني عشان اشتري الملايات
وزيت الزيتون من صالة جنوب سيناء

وكمان اعتقد في الصالة اللي جنب جنوب سيناء او امامها معرض من دمياط
بتبيع قمصان نوم ستان

تهوووووووووووووووووووووس

مش كلها بس فيها حاجات مميزة
رهيبة احلي واحد قميص النوم الستان ومن فوق دانتيل اسود وملبساه للمانيكان
وهو شولدر حمالة دانتيل شابونيه والكتف التاني حمالة رفيعة اوي اوي

ومن ورا فيونكة كبيرة ع الظهر وديلها طويل

تحفة
هو اسود

واي حد يعدي من ادامه لازم يلفت نظره يعني اي واحدة فيكم دخلت الصالة دي لازم تكون شافته
وب 135 جنيه

ومنه الاحمر كنت هجيبه لاني ما عنديش قميص نوم احمر طويل خالص

وعايزا اجيبه عشان البسه اول يوم زواج ان شاء الله لان خطيبي بيحب اللون الاحمر اوي
طبعا مش في قمصان النوم

لاننا مش بنتكلم في الحاجات دي خالص


بس انا حسيت انه اكيد بيحبه في الحااجات دي كمان

بس عيبه الوحيد انه من الجنت مفتوح لحد فوق الركبة بشبر
بس بفتحة شيك اوي اوي اوي


وقلت مش معقول من اول يوم البس مفتوح اوي كده

بس

نرجع بقا للمعرض

كمان
زهران خصوماته حلوة اوي اوي

وكمان في صالة 11 اول مات دخلي علي ايدك الشمال واحد بيعرض تابلوهات تحفة واذواقها عالية اوي اوي اوي
وب 120 و140 و160 الكبير اوي

وصنعهم دقيق اوي وسيمبل

ده احلي واحد شفته للتابلوهات
وكمان واحد تاني بس مش فاكرة فين

بلانسبة للشنط في وفي بس الحااجات اللي هي بسيطة وكاجول في كتير حاجات لذيذة

الملابس لا مافيش حاجة حلوة خالص ل لبس الخروج

انما عارفين جلابيات البيت الخفيفة اوي السادة اللي بيكون صدرها مفتوح اوي وكطرز رقيق اوي اوي دي اللي دايما الخليجين يسالوا عليها لانها قطن مصري ؟

دي دايما يحبها الامهات مش البنات بس بما انها سيمبل اوي اوي
ممكن نشتري منها في الجهاز وخاصة بتكون مفتوحة اوي من فوق بتطريز رقيق اوي

دي والله العظيم اشترتها من وسط البلد من 90 جنيه سعرها حتي 127 والله في اغلي بس ما اشترتهوش

والله العظيم ب 38 جنيه

بس تحفة
رحت اشتري واحدة ل مااما قالت لي يوم الاحد لانهم خلصوا من اول يوم
وانا كنت هناك اول يوم
كنت هعيط


ودي في صالة 4 في الدور التاني


بس اللي راحو المعرض ياريت يقولوا لي قاعات العرض للهند والدول الافريقية فين؟؟


بس نصيحة ما تفوتكمش الملايات والمفارش والمنتجات السورية اللي هناك
وحاجات داخلية رخيصة اوي وبسيطة

انا ل الاسف خلصت كل حاجاتي الداخلية من زمان

بس حااجات فعلا حلوة

والاباجورات هناك تحفة

وكمان الصينين بيبيعوا اللي هما الساعة والاتنين شمعدان اللي معاها عارفينهم
اللي هما نحاس مدهب

ورخيص اعتقد كان ب مية جنيه وحاجة بسيطة

فعلا فرصة لا تفوتوها والله هتندموا

انا ندمت لاني ما كنت بنزل السنين اللي فاتت

مووتي وهدهودة

الف شكر على الترحيب تشرفنا يا افندم

بالنسبة للصابون لأ مش بيبقع لأنه حتى لو بقع بيطلع وانا كنت بابشر صابون ديتول وبالموليف

اما المسك بصراحة مش عارفة

انا كنت جيت على الآخر وبقيت احط الملابس اللي من نفس اللون لوحده واحط بينها وبين الوان تانية فاصل علشان ما يبقعوش على بعض لأني للأسف عندي حاجات كثير باظت بسبب الحكاية دي بالذات الأبيض

وعموما انا حاجتي قعدت عندي عمر لن مامتي كانت بتجهزني نم وأنا عندي 8 سنوات لحد ما تزوجت فتخيلي كمية الحاجات وفضلت قد ايه

بس انتم هوها زى ما قلت لكم

بالنسبة للمعرض - يا عيني على المعرض ما يحوشنيش عنه غير الشديد القوي والله يا بنات لأما اكون تعبانة او ما عييش فلوس كفاية

حاولوا لما تدخلوا تدهخلوا من باب 8 او 9 اللي ناحية قاعة المؤتمرات لأنه في المكان ده كل الحاجات الجميلة من أول السوق التجاري لحد النساجون والعرض المفتوح اللي ساعات بيكون فيه حاجات سوري

هدهود

والله وحشتيني جدا والموضوع من غيرك كان مضلم

والف مبروك لاختك وربنا يتمم عليها بخير


برايد
انا مش هقولك الاسم اللي هنا ده لانه بصراحة مش عاجبني
وانا اخدت علي اني اقولك يابرايد

ومنورة يا ستي
وياريت دايما تفيدينا بخبرتك كده علي طول

هدهود

ما اعتقدشي ان سوريا ليها جناح كده محدد
لا المنتجات السوري في كل صالة

بس بصي افضل منتجات واشيكها فعلا وتحسي ان السوريين كتير اوي فيها

بصي روحي عند توشيبا العربي هتلاقي جنبها علي طول صالة 11
اسالي علي تجمع الصينين

هو ققريب منها وجنب الكافتيريات والحتت اللي فيها الاكل دي

الحتة دي كلها صينين وسوريين وفعلا افضل منتجات شفتها ليهم هناك
بس انا فاكرة انها بعد صالة 11 نفس الصف بس لجوا انتي اسالي عليها

ولو لقيتي ل سوريا وجنوب افريقيا والهند اجنحة محددة
الله يخليكي قولي لي

مصراوية

حمد لله على سلامتك يا جميلة بعد الشر عنك ان شاء الله اليهود كلهم واحد واحد ولا يفضل منهم حد

المعرض فعلا جميل شوقتيني اروح والله لكن انا تعبانة اليومين دول وزوجي عمره ما هيسيبني اروح لو اتنطت ووقفت على راسي حتى

غالبا حاجات الأفارقة والهنود بتلاقيها في الصالات الكبيرة اللي تحت يعني من ناحية باب صلاح سالم عند عمارات العبور باب 1و2

كله هيكون منك عسل يا سكرة بس عارفة من كانت أم ابيها ؟ السيدة فاطمة الزهراء رضي الله عنها وارضاها كان رسول الله يلقبها بأم أبيها