على فكرة يا مصراوية

اقوللك على مكان تاني للعبايات القطن هتلاقيها في الموسكي وخان الخليلي بأسعار 25 جنيه فما فوق

السلام عليكم ورحمة الله
اخواتى الحلوين انا اول مرة ادخل الموضوع بتاعكم بصراحة عجبنى وكلامكم ماشاءالله زى العسل
انا مش مصرية لكن جوزى مصرى من اسكندرية ونفسى اتعلم منكم التعامل مع الرجل المصرى
جوزى اتربى وعاش عمر كلة بامريكا لكن اتنم عارفين الرجل المصرى طبايعو ماتتغيرش
يعنى كانة اتربى فى مصر مع بعض الاختلافات البسيطة
فا ياريت تنصحونى كيف شخصية المصرى الاسكندرانى وهل هو مختلف عن القاهرى انا متجوزة من سنتين لكن بحس انى مش قادرة افهم جوزى انا رومانسية وهو رومنسى لكن ما بيحبش يتكلم او يتصرف بطريقة تدل على انة رومانسى وبيحب يخبى مشاعرة مش عارفة لية مع انى الى اعرفة ان الرجل المصرى رومانسى وبيحب يبين مشاعرة ودايما يقولى انا بحبك تكونى جامدة مش عارفة يقصد جامدة ازاى يعنى اتكلم معاة واتصرف زى الرجالة
وما بيحبش الدلع فاريت تقولولى ازاى تتعاملوا مع اجوازكم وهل الرجل المصرى ما بيحبش الست الدلوعة ياريت تفيدونى
وجزاكم الله خير

برايد لووووووووووووووووووووووولى اخيرا يا برايد دخلتى ده انا فقدت الامل نورتى يا قمر و السلطات بتاعتك تجنن
ام حبيبة عندنا رانويا من اسكندرية هبقى اقوللها و انت لو عايزة اى حاجة ابعتي لاى حد فينا ممكن نقدر نساعدك
هدهدة حمد الله على السلامة و بلاش الغيبة الطويلة دى و عايزين اخبار خطوبة اختك بالتفصيل بعد ما تتم من اول الميك اب و الفستان لحد الكوافير و القاعة و كل حاجة علشان محتاجين تفاصيل
و ياريت هدهدة او موووتى يبعتولى نمرة دار الافتاء على الخاص
مصراوية ألف سلامة عليكى
لونا فى ناس طبعهم كده ميعرفوش يعبروا عن مشاعرهم لكن تصرفاتهم ابلغ من أى كلام و بعدين انت ممكن شويه بشويه تغيرى من طبعه و متياسيش و بعدين يظهر ان تربيته الامريكية خلته عملى شوية ادخلى ركن العلاقات الاسرية هتلاقى فى افكار حلوة

السلام عليكم
هدهده الف مبروك لاختك الله يسعدك ويسعدها اللهم امين
عايزه اسالك على البودره المائيه سمر كيك فى منها هنا درجات ياترى ايه الى يناسب الخمريه انا مش فاكره انتى الىاتكلمتى عليها ولا مروه
مصراويه
ماشاء الله عليك يا حبيبتى كانى ماشيه فى المعرض وسلامتك

ام باسل
وحشتينى

ازيك يا وسوم (موا موا) باسلم يعني ههههههههههه

لونا

لو تسمحي لي الرجل المصري مش رومانسي خالص دي مش قاعدة تقدري تقوليها على كل رجال مصر بالعكس الرجل عموما بيكون كده في الأول وبعد الزواج بيكون حاجة تانية خالص

عموما حاولي تعرفي طبعه وامشي عليه لكن من غير ما تلغي شخصيتك

هو قصده جامدة يعني قوية اعتقد ودي حاجة حلوة يظهر انه فعلا من الناس العملية اللي تحب الست اللي بتعتمد على نفسها