يا بنات عاوزة اعرف مواعيد المعرض من كام لكام

مصراوية
حبيبتى انت فيين يا قمر؟؟؟
هو انا ابتدى ارجع اشارك تقووم الناس الحلوة تغييب:)
عموما انا فى انتظار ردك..و ان شاء الله تكونى بخير..

على فكرة انا كمان رحت المعرض هو فى حاجات حلوة و اعتقد ان الميزة الأساسية اللى فية انه جامع كل حاجة تقريبا فى مكان واحد وعيبة انة زحمة مووووووووووووت...

يا جماعة بالنسبة لموضوع ازالة الشعر ده ( و لو انكم قتلتوه كلاما..) بس احب اضم صوتى لصوت الأخت اللى بتقول انها جربت بنفسها و دلوقتى بقت استاذة...
انا عايزة اقولكم على حاجة..انا لسة ماتجوزتش ..و عندى 22 سنة و كنت عملت عملية فى نهاية ظهرى يعنى قريب من المنطقة المحرمة:) والدكتارة قالولى انى لازم احافظ على نظافة المنطقة دايما وانا كان عندى وقتها 15 او 16 سنة يعنى كنت خيبة و ماكنش لية فى اهتمامات البنات اصلا انا حتى ماكنتش بعمل ايدى ولا رجلى:) المهم اضطرريت ان ماما تعملهالى اول مرة وسبتها فترة بعد كدة تعبت تانى و الدكتورة قالتلى تانى نفس الكلام..فابتديت تانى اعملها لنفسى لأنى مش هاقدر اجيب ماما كل لما اعوز...و عن تجربة هاقولك نصايح تفييييييييدك جدا ان شاء الله...
1- ايفا سوييت اللى فى العلبة هايلة جدا..انا مابعرفش اعملها فى البيت اصلا بس هى احلى من اللى ماما بتعملها...
2- ابدءى من ورا لى قدام..لأن العضلة ورا مشدودة اكتر و الشعر بيكوون فيها اخف..افرديها من فوق لتحت وبعدين شديها لورا ...
3- المنطقة الأمامية اللى هى مابين الصرة و بداية ال... دى بتكوون اصعب حاجة قبل ماتبدئى حطى عليها معجوون اسنان قوى ويا ريت يكوون نعناع وسبيها 5 دقايق..غالبا هتحسى بلسعة زى اللى بتحصل على اللسان لما بيجى عليه..وشليها بفوطة ناشفة او سبيها هى بتكون نشفت على كل حال وابدئى عملية الأزالة ...عن تجربة..بتخفف من الألم جاااااااامد...
4- حاولى تخلصى الموضوع بسرعة وممكن فى الأول تقسمى الموضوع على مرتين و تعمليه على يوميين بس نصيحة بلاش يكونوا ورا بعض..ماتتوقعيش نتيجة ساحقة من اول مرة بس بالممارسة هاتبقى 100 100 ان شاء الله...:)

و يا جمااااعة مروة قالت عن اسباب اللى بتخليها ماتقدرش تكوون هنا كل يووم و الناس التانية كمان اكييد عندهم ظروفهم بس هما موجودين و ربنا مايحرمش الموضوع منهم ولا منكم ان شاء الله:)

سندريلا

ربنا يخليكي يا رب والله انت اللي سكرة

شوفي يا ستي انت بتاخدي حتة صغيرة في ايديك وزى بلوند دوف ما قالت تبدأي من الخلف للأمام شوفي الوضع اللي يريحك يعني انا كنت اجلس على الأرض في غرفتي واقفل الباب ظهري مسنود للحائط وشدة المنطقة دي على قد ما اقدر وواحدة واحدة اشيل

وعاوزة اطمنك مالهاش علاقة ابدا بالغشاء لأنه هو مكانه لجوة شوية وانت بتشيلي من برة وطبعا هى مسألة نظافة لأني انا مامتي جزاها الله خير هى اللي نبهتني اني لازم اداوم عليها حتى قبل الزواج بسنين لأن نظافة المنطقة دي مهمة جدا لأن اى حاجة ممكن تسبب متاعب بعد كده احنا في غنا عنها وانتي الحكاية كلها بتعمليها مرة في الشهر تقريبا

عاوزة اقول بس بلاش المقص لو سمحتم لأنه بيخشن الشعر جدا ابدأي من الأول بالسويت وانا كنت في الأول باجيب ايفا وجربت نوع لبناني هايل لكن مش فاكرة اسمه ودلوقت بقيت استاذة في عمايلها ومرة تصيب ومرة تخيب

السلام عليكم و رحمة الله و بركاته

اهلا تاني يا بنات

ازيكم؟؟

شوفي يا برايد، انا كمان حاقولك برايد لاني مش عارفة اخد على الاسم الجديد!!

انا بالنسبة للجهاز، حاليا زي ما انتي عارفة شغالة في حاجة المطبخ و السفرة بس كسلانة شوية اليومين دول

اخر حاجات جبتها كانت قالبين كيك تيفال واحد على شكل قلب و التاني على شكل مستطيل، و جبت المبشرة و لبانة تيفال برضه مش عارفة ليه لكن جبتها، و جبت طقم البايركس اللي هو 3 حلل بالغطاء بتاعهم و كنت من كام اسبوع زي ما قلتلك جبت حلة الضغط البرتغالي و دي جبتها من حمام التلات (مش انا اللي جبتها هو اخويا اللي عرف المكان ونزل جابها). و من شهرين تقريبا كنت جبت شنطة معالق شكلها لذيذ هي اللون فضي و الحواف ذهبي شكلها رقيق قوي

لسه بقى فاضل شوية تيفالات طاسات تحمير و عاوزة حلتين مقاسات مختلفة للرز، و لسه باقي رفايع المطبخ و براد الشاي و الكنك و السكاكين و مش عارفة ايه تاني!!!!! بصراحة دماغي ساحت و احيانا مش بابقى عارفة انا جبت ايه و مجبتش ايه!! بس باحاول اكتب اللي جبته عشان منساش حاجة او اكررها

بالنسبة للبنات اللي من طنطا، حاكتب لكم اسماء اماكن الشراء فيها

بالنسبة لحاجات المطبخ و السفرة:
- أسعد في شارع الخان
- الاصيل في شارع احمد ماهر
- كنوز في شارع محب
- وليد النجار في شارف بطرس بعد الحلو
- سلطانة في شارع النادي

بس نصيحة وليد النجار بيبيع جملة فحيكون ارخص من التانيين لانه اصلا بيوزع عليهم

بالنسبة لمحلات اللانجيريهات

- اليسا في شارع النادي
- بليجر في حسان بن ثابت
- شهرزاد في احمد ماهر
- هالة في البحر
- في محل صغنون بس مش فاكرة اسمه في شارع صغنون برضه متفرع من شارع محب امام المول

اممم، مش عارفة فيه ايه تاني اقدر افيدكم بيه

عموما، حارجع لكم تاني ان شاء الله

تحياتي للكل

الله يكون في عونك يا امولة عاوزة اقوللك بصراحة التيفال احسن كثير من الالمنيوم وللأسف ما صدقتش الا بعد الزواج نصيحتي تجاهلي الحلل الألمنيوم وخليكي في التيفال وعلى فكرة قناة المحور بتعمل اليومين دول شوية اوفرز فظيعة يعني منهم واحد فيه تيفال الزنوكي (تروفال) مقدمة حلل وطاسات وحلة المكرونة ومعاها اضافات كثيرة مش فاكراها وبـ 265 افتكر او 255 الزنوكي في الألمنيوم حلله هايلة وباعتقد هيكون كده برضه في التيفال