ام حبيبه تسلمي انك الوحيده اللي فاكراني!!!!

عالعموم انا حبيت اشارك عشان خاطر كهرمانه.........
طبعا انا مع كلام كل البنات افتحي الموبايل و هو هيكلمك في اقرب وقت ولو متصلش سيبيه يومين تلاته و ابعتي مسج متقوليش فيها غير انك محتاجه وجوده اوي ,,و انسي سيره الشقه و الديون و اول ما يتصل بيكي حاولي تمارسي معاه دور الام نعم الام التي تطبطب و تحن و تغفر و تهون المشاكل .....
و صدقيني بهذه الطريقه ان شاء الله عمره ما هيقدر يبعد.....
ماتنسيش اني عروسه جديده و مريت بحاجات كثير من دي و الحمد لله كله بيهون طالما في تفاهم و صداقه قبل اي ارتباط اخر

و طمنينا عليكي

والله ماعارفة اشكركم ازاي...
اول ماقريت ردودكم فتحت الموبايل علي طول فعلا لاني اقتعنت بكلامكم جدا
وهو بعتلي فعلا وكلمتين منه فضفضة...علي كلمتين مني عتاب ووقفنا لحد كدة
بس ان شاءالله ربنا كريم
والله انا دعيييييت ربنا كتير ودايما اقول
(اللهم سخرلي قلب".."كما سخرت البحر لموسي)
والحمد لله رب العالمين

والله انا مع سندريلا ان المظاهر اللي احنا فيها كل يوم بتزيد وحقيقي بتاثر علي حاجات كتير فترة الخطوبة بتتضاعف وبتتطول بسبب تفاهات والله
ومحدش يقدر يتكلم لان مفيش اب وام هيرضوا بغير كدة.. لكن اهو الواحد بيحاول علي قد مايقدر يلمها ربنا يييسر كل عسير للجميع

وعاوزة اشكر ام احمد..وام حبيبة..وامولة السكر حبيبة قلبي والله... وسمسمة...وسندريلا... ومشمش.. وسكرة هانم.. وعطر الشموع
والله ونعم الاخوات...متتصوروش بحبكم كلكم كلكم قد ايه وكل الناس اللي مقلتش اساميها
ربنا يكرمكم لان بكلامكم فرجتوا علي كربتي..لان لولاكوا كان زماني بغباوتي قافلة التليفون والدنيا تتعك اكتر
بس بقي متنسوش تجابوني علي سؤال البرا"حمالات الصدر"...حد يعرف اماكن لبيع انواع مختلفة منه؟؟؟

كهرمانه
انا مش هقولك اكتر من اللى البنات قالوه والحمد لله انه اتصل ويارب يسعدكم وتتصافو دايما
بالنسبة للبرا قوليلى انتى ساكنه فين عشان لو اعرف محال اقولك
لو قريبه من مصر الجديده فى محل اسمه رسمية فى شارع الاهرام بروكسى ( الشارع اللى فيه حرية مول وسنما نورماندى) افتكر يكون عنده طلبك لان بيبيع حاجات نظيفة قوى ومستورده
روحيلة وابقى قوليلى كده لقيتى ولا لا؟
بالنسبة للى كانت بتقول هتجرب تعمل سويت عايزه نصيحتى هاتى بنج بخاخ اسبراى يعنى من الصيدليه ( فى نوع اسمه ليدوكايين ب 10 جنيه) وحطيه على منطقه صغيرة واستنى خمس دقايق ولو المكان لسه مبلول امسحيه بمنديل وابدئى شيلى وكفاية كده المرة دى
يعنى اقصد كل مرة شيلى الجزء اللى اتشال قبل كده وحته جديده زياده وهكذا مش كله مرة واحده
البنح بيخلى فى الم اه بس بسيط غير لو من غيره بيبقى نار
واى سؤال انا فى الخدمة

ايه يا بنات ده كله اغيب يومين ارجع الاقي الكلام ده كله

ايه النشاط والهمة دي كلها ما شاء الله عليكم

مش عارفة ارد على مين ولا مين

ازيكم كلكم واحدة واحدة علشان ما حدش يزعل

علا

انا رأي انك تكثري من الاندرويرز على قد ما تقدري دلع وقطن

وتاخدي باللك من العبايات هاتي 2 او 3 حلوين وشيك موت علشان اهل زوجك

الألمنيوم وحاجة المطبخ هاتي كفايتك بس وما تعمليش زي كنت كل حاجة تعجبني اشتريها

كثري من الكاسات وصواني التقديم الشيك ويستحسن تيبي ولو نوعين 12 علشان الأعداد الكبيرة يعني باختصار اهتمي قوي بالحاجات اللي بتبان قدام الناس

قمصان النوم بصراحة ما نصحكيش تكثري هاتي كل الألوان وخلاص وخلي باللك بعد كده ذوق الزوج هو اللي هيحكم

سندريلا

انا جربت البلاشر بتاع اماندا في الوان حلوة قوي وفيها لمعان جميلة

لكن الاى لاينر خفيف والروج ما جربتوش

على فكرة لونا احلي وفي منها سارة هى برضه تبعها ودي في الروج حلوة قوي

ازيكم كلكم يا بنات والله وحشتونى موووووووووووووووووووووووووووت
كهرمانة ووسام ومروة وأم أبيها ومصرااوية وأم حبيبة وسكرة هانم وBlond Dove ومروة
كلكم وحشتونى
والعضوات الجدد بسم الله ما شاء الله
طبعا امامى وقت اقرأ كل الصفحات اللى فاتتنى وأرد على طوووووووووووووووووووووووول
كهرمانة انا معاكى يا حبيبة قلبى واسفة على التليفون