نيجي بقى لبقية البنات العسل

اولا سماح يا اهلا بطنطا و شعب طنطا في المنتدى ههههههههههههههه، يعني بقيت انا و انتي و مشمش كده، حلو اوي

و اختنا الصيدلانية نهى اهلا و سهلا بيكي، انا بصراحة جربت من اماندا الماسكرا السودا والروج بس، و الاتنين عجبوني جدا جدا، لكن مجربتش حاجة تاني منها

سندريلا القمر

شوفي يا ستي انا خطيبي من المنصورة بس انا مش عارفة لسه اسماء الاماكن ايه، و جوازي لسه عليه شوية لان لسه مفيش شقة و مقررناش ميعاد تقريبي حتى، بس ادعيلي اني اتجوز بالكتير على بداية 2006 احسن انا خلااااااااااااص روحي طلعت!!!! و اتمنى اني الحقك قبل ما تتجوزي على الاقل تعرفيني على المنصورة شوية هههههههههههههه بصراحة هي مدينة جميلة و نضيفة و عجبتني جدا عشان كده مترددتش اني اعيش فيها. انتي حتتجوزي فين في اسكندرية؟؟

ام احمد اهلا بيكي، انا فعلا شفت لك ردود قبل كده في موضوع مروة و يا ستي احنا سعداء بوجودك معانا، بس قوليلي الجو عندكم في هولندا عامل ايه؟؟ احنا هنا الجو متقلب زي مانتي عارفة فترة بداية الربيع بس بقى احسن شوية دلوقت. ياللا سلمي لنا على الامور احمد

سكرة هانم سكرتي، عاملة ايه يا قمر؟؟ شفتي انا جيت عملتلكم دوشة في الموضوع ازاي!!!

فتاة مسلمة اهلا بيكي يا قمر، و انا كنت حاقترح عليكي نفس اقتراح سكرة، اغسلي البادي بكلور و ان شاء الله الصفار يروح منه

الاخت اللي سألت على دكتورة في العلاقات الاسرية، حبيبتي انا معرفش عيادة بس فيه الدكتورة هبة قطب دي بتكتب في مجلة الاهرام العربي لو تعرفيها، و لو عاوزة ايميلها ابعته ليكي عالخاص. هي ماشاء الله عليها متدينة و كلامها مريح جدا انا متابعة صفحتها في الاهرام العربي لانها بتفيدني جدا و الله و من خلال معالجتها لمشكلات الناس انا باستفيد معلومات مفيدة

فين وسام و مصراوية و ام باسل و بقية البنات؟؟؟ و فينك يا مروة مدخلتيش الخميس و لا الجمعة، خير ان شاء الله، طمنينا عليكي يا عسل

و كل البنات اللي نسيت اقول اسماءهم، ازيكم و عاملين ايه؟؟

اشوفكم على خير مرة تانية

omhabeba2000


ازيك يا جميل انا موجوده علي طول بس للاسف مشاركاتي معكم قليلة شوية بس انا شاء الله انا معاكم ولو في اي حاجة احنا في الخدمة يا جميل


Noody30

ازيك انتي يا عسل وشكرا علي الترحيب .

الجو في هولندا اليومين دول الحمد لله بدا يبقي كويس واخيرا بدا يدفي شوية واخيرا شوفنا الشمس اصل الشمس بتاعتهم باردة جدا سبحان الله بس الحمد لله اخيرا بدات تدفي شوية . بس الجو هنا دائما متقلب يعني امبارح كان طول النهار حلو وتقريبا يعني صيفي خالص وعلي الساعة 7 قلب وطول الليل مطر. سبحان الله انا فعلا شوفت العجب في البلد دي يعني احيانا في يوم واحد باشوف كل فصول السنة من برد وحر ورياح وكله

احمد الحمد لله بخير مستمتع جدا بالعيشة هنا مش عارفة هاعمل معاه ايه لما يرجع مصر ادعولنا ان ربنا يرجعنا بالسلامة ان شاء الله


ام باسل

فينك يا غالية يعني انا اظهر انتي تختفي يا ريت تطمنيني عليكي

مش عارفة فين بقيه البنات

هدهودة فينك يا قمر طمنينا علي خطوبة اختك

مروة ازيك يا جميل وازاي بنتوتنا العسل

ما شاء الله البنوتات الجداد عملوا شغل كبير اوي في المنتدي

ربنا يسعدكم جميعا ان شاء الله في الدنيا والاخرة ويجعل كل المعلومات التي تقدموها ان شاء الله في ميزان حسناتكم

بسم الله الرحمن الرحيم

والله انا كتبت كلام كتير بس الجهتز هنج وراح كل الكلام.............

سنريلا ونودى ومشمش مرسى لترحيبكم بيا جدااااااااااااااااا

انا روحت المعرض يوم الاربع وبصراحه فيه شوية حاجات حلوه بس الواحد بعد عن النساجون الشرقيون خالص طبعا الدنيا زحمه اوى وبيتهيالى ان مصر كلها هتتفرش سجاد من كميه الناس اللى بتشترى بسم الله ماشاء الله

فيه واحده عامله عرض فى معرض مش قاعه على شامبو اكتيفيا العبوتين ب 25 جنيه سواء شامبو وبلسم او وحمام كريم او اتنين من نفس النوع انتى وراحتك بقى والشامبو انواعه جميله وريحته حلوه

فى معرض برضه مش قاعه فيه مصريين عندهم مفارش للنيش الكيس فيه 6 او 4 بصراحه مش واثقه ب 10 جنيه ونفس النوع ده مرات اخويا جايباه من اسكنريه الكيس فيه 4 ب 30 جنيه

وفى معرض برؤضه فيه شاب مصرى عنده حاجات للمطبخ فيها شوية حركات تجنن بس انا شايفه انه مغلى عشان مفيش غيره هيا اطقم لذيذه زى طقم مثلا فيه اغطيه لمفاتيح البوتوجاز (اللى بتتوسخ بسرعه وتطلع عنيا) ومعاهم غطا كمان لايد باب الفرن وفيه الوان وتطريز لذيذ الكيس ده ب 15 جنيه وفيه زهرة عباد الشمس كبيره ومن ضهرها بيتعان اكياس المطبخ بدل الكركبه ب 25 جنيه وفيه اشكال تانيه كتير زى ايد للبراد على شكل عروسه عشان السخونه وحركات كتير بس برضه حاسه ان الاسعار غاليه شويه لان الاقمشه مش مكلفه خالص

وزهران كمان عامل خصم 10%على التيفال انا جبت شوية حاجات بس يا ريت حد يقولى المفروض اجيب ايه بالظبط

كهرمانه .........أنا مع البنات انتى اهدى خالص واستحملى الضغوط اللى هوه تحتها لانه اكيد مش عاوز يبان ضعيف قدامك وكمان الرجاله لما بيتوتروا اوى بيحتاجوا شويه ع نفسهم يصفوا دماغهم مش زينا يعنى نعمل كل حاجه فى وقت واحد اللهم لا حسد واكيد مش هايكمل اسبوع ولا حاجه واستنى منه تليفون قريب بس انتى النهارده وكمان يومين برضه ابعتى رساله على الموبايل مسش محتاجه رد زى سلامتك مثلا وخلى بالك من نفسك او دعاء صغير عشان لما يفتح الموبايل يلاقيهم منك ومن غير ضغط يعنى مش لازم يرد برضه يعنى من غير لحاح عشان يحس انك جنبه وحاسه بيه وادعيله فى سجودك وربنا يتممها عليكوا بخير يا رب ويفرج كربه عاجلا غير آجل ان شاء الله

بس بقى انا جبتلكم صداع
السلام عليكم ورحمة الله وبركاته
سماح

السلام عليكم
اهلا بعودتك يا ام احمد ما اخبارك واخبار حمادة ...."فتاة مسلمة" انت اشترى ملح ليمون من عند العطار وحطية فى مية وانقعى البدى فية وان شاء الله كلة هيبقى تمام
"سندريلا2005 ", نودى " ربنا يهون عليكم وتتجوزوا وتستريحوا ...
"كهرمانة" معلش استحملى وسيبية براحتة لحد ما يكلمك هو وكثير بيحصل بين المخطوبين وكله بيعدى وبكرة تضحكوا على نفسكم وتقولوا احنا كنا مخنا صغير ...ضغوط الحياة كثيرة والراجل معذور هيلاقيها منك ولا من اللى حوالية خليك انت القلب الحنين اللى يفضفض معاة واستحملى ده انت يادوب فى البداية ...ولو كلمك خليك عادية ولا كان حاجة حصلت ...ربنا يهون عليكى
"ام حبيبة" اخبارك اية انت وحبيبة؟؟
"هدهدة"فينك..."ام باسل" فينك؟؟
"مصراوية " اية اخبارك؟

كهرمانة
حبيبتي افتحي الموبايل ..وبلاش ما تتصلي انتي سيبيه يرتاح وهو اكيد هايتصل
وكلام امولة والاخوات صحيح

اختي سندريلا
انا جربت من اماندا الروج وبصراحة عجبني ..في منه درجة حلوة بجد
بتدي اضاءة لوجه
وفي منه درجة عندي مخلياها عشان اخفف اي لون غامق يعني العب في اللون
واخلط الوان ..لعبتنا خلط الالوان

ام حبيبة ..ام احمد نورتونا من تاني واتغيبوش

فين هدهودة وام باسل و مروة و مصراوية و برايد و فتاة مسلمة
اه صحيح فتاة مسلمة البودي تبعك قماشته ايه قطن ولا ايه؟؟؟