هدهود حبيبتى
ربنا يسلمك يا رب
ايه الكلام ده
ده انا حبيت خطيبك من كتر ما اتكلمتى عنه وحسيت اد ايه انه محترم وملتزم
وكنت بادعيلك انتى وكهرمانه وباقى المخطوبين ربنا يوفقكم
يا حبيبتى المشاكل والتدخلات دى دائما تحدث فى فترة الخطوبة
لان اخت خطيبك او حتى والدته بتكون قلقه انك هتخديه منها وبتحاول تحس انها لسه الاولى عنده وده احساس عادى ومش بيكون مشكله بعد كده خاااااااااااااااالص صدقينى لو انتى حسستيها انه هيفضل اخوها حتى لو بيحبك وبيموت فيكى وده بيعتمد على ذكائك فى التعامل معاهم يعنى حاولى تقدرى مشاعرهم وتحسسيهم انك هتكونى اخت ليهم وانك عاجبك اراءهم حتى لو منفذتيهاش يعنى ريحيهم نفسيا
واوعى تفكرى تتخذى قرار مهم كده وانتى زعلانه ولان الاسباب بسيطه جدا
والله بعد كده مش هتصدقى انك كنتى بتفكرى فى حاجه زى كده
وبالنسنبه لوالدتك اوعى تحسسيها انك بتحبى خطيبك اوى بالعكس حسسيها انه زوج وخلاص لان مشاعرها برضه بتكون مضطربه وخايفه تضيعى منها ودائما لا تحاولى الضغط عليها بالمطالب لصالح خطيبك لان ده بياكد شعورها ويقلقها اكتر بالعكس قوليلها انه المفروض يعمل حاجات كتير و معملهالش هتلاقيها تلتمس له الاعذار
واخيرا يا رب اكون افدتك
وربنا معاكى

بصي يا هدهودة

طبعا قبل كل شئ استخيري ربنا مرة واتنين وكل يوم

وبعدين خطيبك مالهوش دعوة انه اخواته بيتدخلوا في حياتكم وانت مش عاجبك لأنه بالنسبة له دول اخواته البنات اللي بيحبوه وبينصحوه

فتعملي ايه

ما تديش فرصة لوحدة فيهم انها تتدخل في حياتك ازاى؟

لو هم بيأثروا عليه في حاجة معينة في الجهاز مثلا صممي انت على رايك في اللي انت عاوزاه وكلام بقى بكش من نوعية اما اشوف غلاوتي عندك دي فرحة العمر كله من حقي اجيب اللي نفسي فيه ودلع للصبح

طبعا باسلوبك وعلى قد ما تقدري من غير ما تحسسيه انك زعلانة منهم او رافضة لانهم هم اللي اقترحوا فاهمة ومع مرور الوقت وتكرار الحاجات دي هيحسوا انه كلامهم لا بيجيب ولا بيودي

تعرفي انا بقى عندي حالة مشابهة لكن من مين تفتكري من زوجة اخو زوجي الكبير هى عايشة في دور انها زوجة اخوهم الكبير اللي بيحبوه كلهم وبيحترموه وماشية بقى في النظام ده يعني تصوري لسة بنقول الف باء بسم الله الرحمن الرحيم والاقيها بتحاول تأثر عليه في شبكتي (تصوري البجاحة يعني بتتدخل في حاجة ما لهاش فيها اى كلام ولا اى حد في عائلتهم كلها ) وبتقولها له كأنها نصيحة وهو بيحكي لي علشان اغير رأي بناء على نصيحة الهانم

طبعا عملت ودن من طين وودن من عجين ولا كأنه حكالي حاجة وطنشتها تماما واشتريت اللي نفسي فيه وسبتها تموت بغيظها

طبعا انا ماشية معها على النظام ده كل ما تحاول تأثر على زوجي باى حاجة اعمل انا عكسها على قد ما اقدر ومن غير ما اخسر حد ولا ازعل زوجي على قد ما اقدر،

انا حكيت لك علشان تعرفي قد ايه ممكن التدخل بيكون والرجل مالهوش في كلام الستات ده ولا بيفهم ان ممكن ست تعمل حاجة علشان تغيظ واحدة او علشان غيرانة منها

طبعا لو الكلام قدامك وتدخلهم قدامك ردي عليهم في وقتها بأدب ومن غير ما تغلطي يعني مثلا واحدة تقوللك وانت بقى هتعملي ايه بعد الجواز في الشغل اكيد مش هتقدري تنظمي او اى حاجة مشابهة ردي عليها والله ربنا يسهل بعد الزواج هابقى اتفق مع فلان بخصوص الحكاية دي وننظمها سوا ، امسكي في كلمة ربنا يسهل دي من غير ما تديهم عقاد نافع في أى حاجة علشان ما حدش يمسك عليك غلطة وهو بس اللي يسمع رأيك مش حد تاني

اخته اللي فارضة سيطرتها وعاملة نفسها امه تجاهليها تماما وخلي علاقتك بها واحد ببنت عمها فقط

بتتكلم في العفش

قولي لها لأ بصراحة انا باحب كذا وشايفة انه احسن

بصراحة ما اقدرش اقوللك سيبي خطيبك علشان اهله لكن لازم تفهمي ان تدخل الأهل لما بيزيد بيخرب البيوت وانت فقط اللي ممكن تحددي هم تدخلهم لأى درجة وممكن تردي عليه لأى درجة

مرة تانية صدقيني والله الرجالة ما لهمش في الحاجات دي وانت اللي المفروض تردي وتاخدي حقك من غير ما تدخليه الا في أضيق الحدود

كهرمانة
هاحاول اتصل بكى النهاردة باذن الله

عاوزة بس اضيف حاجة

خلي بالك لأن ام الزوج في الآخر برضه بتخاف على بيت ابنها لا يتخرب انما الأخت ساعات ما بتفرقش معاها

سندريلا2005
شكرا حبيبتى:26:

blond dove
شكرا ليكى حبيبتى وحشتينى :26:


omahmed
ازيك حبيبتى فينك
ربنا يسلمك انتى واحمد وزوجك يا رب
ان شاء الله هحاول اسمع او اقرأ البقره كل يوم
وجزاكى الله خيرا