ام ابيها
انتى سكره بس هيه فعلا حاجه تغيظ
زوجة اخوه؟؟؟؟؟؟؟؟؟؟؟؟؟؟؟؟؟؟؟
يعنى اخته او والدته لهم اعذار لكن زوجة اخوه؟؟؟؟؟؟؟؟؟؟؟؟؟؟؟؟؟؟؟
وهيه مالها أصلا
ده كده الشارع كله يمكن يقول رأيه

لسلام عليكم ورحمة الله وبركاته
احبتى فى الله كل اخواتى مجموعة الخير اللى من موضوع مروه وبرحب بكل البنوتات الجداد اللى زى العسل
نانى الف سلامه عليكم وما تشوفى شر ابدا انتى وكل من تحبى
داومى على الاذكار وقراءه البقره دوما فهما باذن من الله سببا فى حفظ ودرء اى بلاء عن الانسان
ودوما قولى ان الله خيرا حافظا وهو ارحم الراحمين وثقى ان الله سيحفظكم باذن الله
ام احمد حبيبتى كلامك فعلا كان لى مشجع وسؤالك عنى جزاك الله عنه خيرا
مشمش فينك ومصطفى ايه اخباره
هدى الحبيبه
جزاك الله خيرا على سؤالك عنى
اما مشكلتك دى فهى هينه جدا وابسط مما تتخيلى
اولا اقول لك استعيذى بالله من الشيطان الرجيم وعودى الى صوابك
ثانيا اخواته واهله هؤلاء رحمه وليس عليه سوى ان يصلهم
وما عليك ان تتعاملى بعقلانيه حتى لا تخسرى شريكك ومن احببته ومن حلمتى دوما باكمال المسيره معه وليس عارض يمر بكى يجعلك تطيحى بهذه الاحلام الجميله التى نادرا ما يجدها الانسان طيله حياته وهى مره واحده وتضربى بها عرض الحائط
وكل مشكله ولها حل باذن الله
اولا علينا ان نبتغى رضا الله وحده فى تعاملنا مع الناس فاذا عاملتى الناس على هذا الاساس ستخضع اليك باذن الله اقسى القلوب واشدها غلظه
واسمعى قوله عز وجل فى كتابه الكريم
--ادفع بالتى هى احسن فاذا الذى بينك وبينه عداوه كانه ولى حميم--
يعنى انتى اذا عاملتيهم بود وحب دائم وعلى اساس انك بترضى ربنا فيهم
صدقينى هتندهشى من النتيجه
كمان
--قوله اعز من قائل---والكاظمين الغيظ
واعافين عن الناس
وان الله يحب المحسنين
الايه دى كمان رائعه
اول درجه فيها تعليها وترتقى فيها انك كظمتى غيظك عند الغضب والمرتبه الاعلى انك تعفى عن من ظلمك او ضيقك والمرتبه الاعلى والارقى انك تكونى محسنه على من اغضبك وظلمك
هل فى هذا الوجود اروع من هذهالايات لتفهم الناس كيفيه التعامل مع الغير
اختى الحبيبه
طبيعى جدا ان تحدث منهم تجاهك بعض من الغيره وخصوصا قبل الزواج وهذا لشعورهم انه اخاهم الذى كان معهم لفتر طويله من العمر تاخذه منهم اخرى فلا تقلقى هذا شعورا عاديا و
ان كان فيه تعدي من اخوته على بعض حقوقك وانت ترى انه يسمع لهم وليس لك وهذا ايضا لخطيبك فيه عذره لانهم اخوتهالذين قضى معهم اغلب اوقات حياته وتربطه بهم الايام الجميله والذكريات بل والاقوى من ذلك رحما واحدا وكنف اما وابا واحدا وبيتا واحدا
انتى لن تسلخه منهم ابدا لا وعليكى ان تخلقى بداخلك قناعه بذلك
وعليك بالكلمه الحانيه والحوار الهادىء العاطفى الذان لهما مفعول السحر على الرجل ان تقولى له بطريقه غير مباشره انه لابد من وجود حدود فى العلاقه فيما بينكم كمان عشان متتعبيش بعد الزواج فى الموضوع ده
والحدود دى موش هتيجى بين يوم وليله لا
مع الوقت والصبر ان شاء الله لن يتدخل فى حياتك اى حد مطلقا
وعايزه اقولك كمان حاجه مهمه
اوعى تقوليلو حتى ولو بعد الزواج
اختك فلانه سوت اختك علانه سوت
وهكذا
لا كبرى دماغك جدا وكونى عاقله
لانه مع الوقت هيكرهك انتى موش هيكره اخواته اللى قضى معاهم كل عمره
والنصيحه الدائمه لكل اخت مقبله على الزواج حاولى قدر ما يمكنك ان تحافظى على سريه العلاقه بينك وبين زوجك
يعنى موش اى مشكله تحصل نحكيها
وربنا يهدينا ان شاء الله ويوفقنا الى خير ما يحب ويرضى
هدى عايزه اسمع منك المره الجايه كلام حلو
واسال الله ان يطمئن قلبك وينزع من نفسك ما يكدر عليك صفو حياتك
اختك المحبه ام باسل
اترككم فى حفظ الله وامنه

يا سلام
حبيبتى أم باسلللللللللللللللللللل
كم تمنيت وأنا اشتكى ان اسمع ردك على
اشعر انك ملاك الرحمة الذى يبعث به الله لى كى يهدينى الى الصواب دوما
اهوه انت بتختفى ومش بتظهرى غير علشان خاطرى انا بس!
أقولك ايه غير جذاكى الله كل خير على نبل كلامك وسمو معانيه
ان شاء الله اضع نصايحكم كلكم فى عقلى لتكن النور الذى يضئ طريقى باذن الله

هدى افتحى الماسنجر عايزه اتكلم معاكى

ام باسل حبيبتى
ازيك والله وحشلنى ووحشنى كلامك الجميل
والله يسلمك ويا رب ما نشوف شر ابدا اناو انتى وكل من نحب

هدهوده عايزه بس اضيف
مش كل حاجه تزعلك من اخواته تزعلى منه ومتخليهوش مشتت بينك وبينهم والضغط عليه يكون من الناحيتين
لا خليكى انتى عاقله وده هيخليه يحبك اكتر ويقدر انك فاهمه دوافعه وانه مش ممكن فاجأه يحسسهم ان ملهومش مكان فى حياته
وحاولى تحلى مشاكلك معاهم بنفسك بس من غير عنف يعنى بالكلام الرقيق المهذب
وهما هيفهمو ان اسلوب حياتك وتفكيرك و ذوقك مختلف عنهم وده طبيعى يعنى متحسسهمش ان الموضوع عند وخلاص
لا دى ترتيبات كل بنت لبيتها وحياتها اللى بتحلم بيها طول عمرها