كوبونات الراقية تسجيل الدخول

{بحة ألم}

{بحة ألم} @bh_alm_8

عضوة جديدة

الملكة وأهلي + ابي نصيحتكم

الأسرة والمجتمع •

هلا وغلا بحبايب ألبي .... عندي مشاكل لاتعد ولاتحصى أتمنى مساعده تفيدني تفيد حياتي .... انا طال عمركم تقدم لي إنسان بمثل عمري وأعرفه من ايام الطفولة ..... مثل ماعنده عيوب عندي عيوب ومافي احد كامل الا الله .... لكن عندي آمور ابي أناقشها معكم ابي نصيحتكم لاني قربت من عالم جديد وبودع العزوبيه و عقبال لكل وحده فيكم يارب .... اول مشكله هي الراتب فقط 9ألآف لانه متوظف بالعسكرية ....ثاني مشكله ماعنده بيت ...... ثالث مشكله السفر ماابي اسافر عند عمله لجازان او ابها ابي اكون قريبه من أهله وأهلي .... رابع مشكله مااعرف شو اشترط وشو اخلي ..... خامس مشكله وهي الاخيرة الملكة اتفقنا على الشهر والوقت لكن المكان مااتفقنا عليه انا ابيها تكون باستراحة من اجل حضور الجميع ماابيها ببيتنا لانه ينقصه كثير اثاث وصغير وايضا صعب على الجميع يحضر ببيتنا واهلي معارضين يبونه ببيتنا يبونها ملكه مختصره عائلية انا ابيها شوي فخمه ابي فستان ابي اعزم البنات ونعمل حفل ومااكون ناقصه عن باقي البنات .... لكن اهلي معارضين شو اعمل انا منشان اقنعهم ☹️
15
4K

يلزم عليك تسجيل الدخول أولًا لكتابة تعليق.

تسجيل دخول

زُمُــرٌّدٓهًْ~
زُمُــرٌّدٓهًْ~ •
مرحبا
اول مشكله الراتب لابأس به توكم مبتدئين اهم شيء بدون قرووض لو بقروض بيطير نصه
ثاني مشكله اكيد بيسكنك ايجار وعاد بعدين لو تيسر بتتملكو بيت ممكن الوضع ياخذ سنين وسنين بعضهم يتملك بيت وهو بالاربعين
ثالث مشكله السفر لمقر عمله انتبهي انتبهي تتزوجي الرجال وانتي ماتبي تروحي معاه اجل ليش متزوجك وهو مقر عمله هو اللي بيسكن فيه اذا ملزمه منتي رايحه قولي من الحين للادمي يمكن يدور وحده ترضى تروح معاه واعرف ماراح تقولي لاكن اذا تم الزواج لاتفكري انتي بديره وهو بديره حتى لو رضى بالبدايه تدوري عليه بعدين اذا جالك اطفال وقد هو تعود ع عدم وجودك يعني انتي الخسرانه من هالناحيه والنقل بالعسكريه صعب اصلا
رابع مشكله الشروط شوفي شو محتاجه اذا اكمال دراسه ووظيفه اشرطي لابأس بها
خامس مشكله اسمعي كلام اهلك الملكه للتعارف اذا مناسبين او لا خليها مختصره بالبيت واذا بعدين الله وفق اعزمي بالزواج واستانسي
والله يكتب الخير لك وله
الشفوقه
الشفوقه •
الراتب طيب ونعمه وخير وبركه
اذاقصدك بيت ملك بدري على هذا الكلام لسع بول حياته مشوا بالاجار لما ربي يفرجها واذا ماتبي تروحي معاه اجل ليش وافقتي على الزواج
الرجال يبي يتزوج عشان يستقر تقولي ماابغا اروح روحي وفتره وتنقلوا اشترطي الدراسه والوظيفه
والبيت المستقل لحالك
والملكه لاتظغطي على اهلك خليها بسيطه في بيتكم اقربائكم المقربين واهل زوجك وصديقاتك وخلاص
ماهو لازم تكون ملكه مره كبيره
موفقه باذن الله وعلى البركه
أماني القحطاني
أماني القحطاني •
انا ماني شايفه بموضوعك مشكله الا مسألة انك ماتبين تروحي معاه...والا راتبه تمام والبيت كل الناس ساكنه بايجار فعادي..لكن انك ترفضي تروحي معه طيب وهو ليش يبي الزواااج من البدايه لو منتي متقبله هالشيء حرااام تخلين الرجال يتزوج ويخسررر واخرتها ماتبي تروحي اعرررف كثيررر بنات تزوجوا وبعد الزواج رفضوا يروحوا مع ازواجهم بحجة اني ابغى جنب اهلي وتطلقوا...وبعدين مافيها شيء لو رحتي معاه اهلك ماهم دايمين لك والرجل يبي الاستقرار مايبي يتغربل بحياته ..ومسألة الحفله اذا كان الفرح قريب سويها حفله بسيطة لاتعاندي اهلك والله يوفقك ويكتب لك الخير...
المالكية الجنوبية
المالكية الجنوبية •
البنات كفوا ووفو
الرأي الحكيم
الرأي الحكيم •
امورك تمام ما عندك مشكلة
اما الراتب ترا ذا يعتبر اكثر من ممتاز
اغلب الشباب بين 5 و 7 الف
اما مسالة ما تبي تروحي معاه اجل ليه متزوجه؟