الكفتة لو سمحتي بليييييييييييييييييز

الاخت الكريمة ...حياك الله ..
الكفتة بالطحينة ..
لحمة ناعمة ..مفروم معها بصل بقدونس فلفل حار .. وممكن حبة بندورة بتعطيها طراوة لذيذة .
طبعا بتبليهم وبتضيفي الملح ..
بتفردي اللحمة بصينية وبتحطي عليهم كاسة ماء وبتضعيهم على النار ..بس تبدأ الماء بالغليان بتخففي النار شوي

بتحلي الطحينة ..خليني نقول بدنا نص كاسة طحينة بدهم حبة ليمون كبيرة ..
بتخلطي الطحينة مع الليمون اولا وبعدين بتصيري تضيفي ماء ...شوي شوي ..
لحد ما يصير خليطها ناعم وسائل نوعا ما .
بتحطيه على اللحمة وبتتركيها على نار هادية لحد ما تتسبك الطحينة .. والف صحة



الكفتة بالبندورة ..

مكوناتها .. لحمة ناعمة مضاف لها بصل بقدونس فلفل حار . ومتبلة ومملحة
بطاطا اصابع ..بصل ريش ...بندورة مقطعة دوائر .
فلفل حار حسب الرغبة ..بس بالفلفل اطيب .
اللحمة بتكفتيها وبتعمليها اصابع ..وبتصفيهم بالصينية ..
وبتحطي البطاطا والبصل والفلفل واخر شي البندورة ..
بتضيفي ملح على وجه الصينية ..وبعدين ماء ..لحد ما تغطي البندورة ..

ممكن تخليها تنضج على الغاز وبعدين تحمريها بالفرن ..وممكن تحطيها بالفرن على طول تستوي وبتتحمر مع بعض .
في ناس بيحبوا يضيفوا لها كمان طحينة ..
ممكن تحليها مثل ما قلنا بالوصفة هديك وتحطيها لحد ما تتسبك ..
والف صحة وعافية ..

الاخت هبة عبد العظيم ..
اهلا وسهلا فيكِ وبإمك ..وحياكم الله ..

تقريبا الاكل يتشابه بشكل كبير في فلسطين ولبنان وسوريا والاردن ..
مع بعض الاختلاف ..
حياك الله

شو نوع اللحم الأفضل في الكفتة يعني
دايما بحسها ناشفة انا بستعمل عجل
وشو الحل عشان تكون طرية
ممكن العيب في اللحمة بس هادا المتوفر عنا
عشان بندور على الدبح الاسلامي ولما نلاقيه بنشتريه
ومش دايما اللحمة بتكون طرية
فيديني الله يفيدك
وكمان شغلة حماتي بتحمر اللحمة بالفرن وبعدين بتحط البصل والبندورة والبطاطا وفي الفرن وامي بتحطو كلو ني مع بعض وبالفرن أيهم الاصح؟

افضل نوع للكفتة هي لحمة العجل مضاف لها القليل من اللية او الدهن ..
ممكن كمام لحمة الخروف ..وعادة لحمة الخروف بتكون اطرى من لحمة العجل ..
حتى لو ما فيها دهن ..

طبعا طريقة امك اصح ..لانهم كلهم بيستووا مع بعض ..وبنفس الوقت بتتحمر الصينية ..
معلش اس على التأخير بس الكمبيوتر كان عندي مش مزبوط اليوم ..
حياك الله